the much requested Bait Bazi - LXVI

Dilsay · January 28, 2003, 1:23pm

Vo aa tu jaya magar intazar he kam hai
Vo bewafa tu nahi mara piya he kam hai

arifnawaz1 · January 28, 2003, 1:40pm

Yeh kya huwa teri duniya ko ay Khuda-e-Kareem
Ke zinda log tarastay hain zindagi ke liye

Dilsay · January 28, 2003, 1:55pm

yuu.N na rah rah kar hame.n tarasaa_iye
aa_iye, aa jaa_iye, aa jaa_iye

arifnawaz1 · January 28, 2003, 2:12pm

Yeh aur baat ke tum aye ho tu yahaan koi nahee
Wagarna gham tau yahaan beshumaar rehtay hain

Dilsay · January 28, 2003, 2:27pm

na Gubaar me.n na gulaab me.n mujhe dekhanaa
mere dard kii aab-o-tab me.n mujhe dekhanaa

arifnawaz1 · January 28, 2003, 2:29pm

Ik khaas hadd pe aa gayi jab teri berukhi
Naam us kaa ham ne gardish-e-ayyaam rakh diya

Dilsay · January 28, 2003, 2:30pm

aag puurii kahaa.N bujhii hai abhii
diidaa-e-tar me.n tishnagii hai abhii

arifnawaz1 · January 28, 2003, 2:32pm

Yaad us ki itni khoob nahin Meer baaz aa
Nadaan phir woh jee say bhulaaya na jayega

Dilsay · January 28, 2003, 2:34pm

yahii haalaat ibtadaa se rahe
log hamase Khafaa Khafaa se rahe

arifnawaz1 · January 28, 2003, 2:36pm

Yeh kis muqam pe soojhi tujhe bicharne ki
Ke ab tu ja ke kaheen din sanwarne walay thay
Bichar ke tujh se mila umer bhar ka san'naatta
Bana gayeen tanha mujhe rafaqattain teri

Dilsay · January 28, 2003, 2:42pm

Ya kiya ka hum nay behi usay bhoola diya hai
Ya kiya ka wo behi hamain yaad aab nahi karta

(Dilsay)

arifnawaz1 · January 28, 2003, 2:44pm

Ay aankh meri ab tu khwaboo ki duniya se laut aa
Aankhain taras gayeen meri dareyaa ke wastay

Dilsay · January 28, 2003, 2:47pm

Yoon he moosam ke ada dekh kar yaad aya
Kis qadar jald badal jatain hain insan janan

arifnawaz1 · January 28, 2003, 2:50pm

Na tu zameen kay liye hay na aasmaan kay liye
Tera wajood hay ab sirf daastan kay liye

Dilsay · January 28, 2003, 3:58pm

aadatan tum ne kar diye vaade
aadatan ham ne aitabaar kiyaa

arifnawaz1 · January 28, 2003, 4:03pm

Ay dost jhoot aam thaa duniya mein is qadar
Tu ne bhi sach kaha tau fasaana laga mujhe
Ab us ko kho raha hoon baray ishteyaaq se
Woh jis ko dhoondne mein zamaana laga mujhe

Dilsay · January 28, 2003, 4:07pm

Ya tujah ko jagtay rahnay ka shoouk kab say howa
Mujahay tu khair tara intazar karna hai...

arifnawaz1 · January 28, 2003, 4:08pm

Yeh khullay se gaisoo yeh urri urri si rangat
Teri subha keh rahi hai tere raat ke fasaana

Dilsay · January 28, 2003, 4:17pm

aage ba.De na qissaa-e-ishq-e-butaa.N se ham
sab kuchh kahaa magar na khule raazadaa.N se ham

arifnawaz1 · January 28, 2003, 4:18pm

Main chahata bhi yehi thaa woh bewafa niklay
Ussay samajhne ka koi tu silsilaa niklay