the much requested Bait Bazi - LXVI

arifnawaz1 · January 4, 2003, 5:11pm

Tera milna na milna muqqadar ki baat sahi
Tujhe har roz magar Khuda se maangta hai koi

arifnawaz1 · January 4, 2003, 5:15pm

** Kindly use to follow the LAST WORD**

Amal · January 10, 2003, 5:12pm

**

Ye ishq-o-wafa ke kheit kabhi khooN seeNchey bina na panpeiN ge
is raah meiN jaan ki kiya parwaah, jaati hey agar to jaaney do

"wao"

guybrush · January 10, 2003, 5:38pm

woh jin ke hote hain khursheed aastenoon mein
unhein kahen se bhulaoo bara andhera ha

next "Yay"

arifnawaz1 · January 10, 2003, 6:45pm

Yeh chaand beetay zamaanoo ka aaena hoga
Bhatak'tay abbar mein chehra koi bana hoga
Udaas raaah koi daastan sunaayegi
Karoge yaad tu har baat yaad aayegi

GuL-e-Tasbeeh · January 10, 2003, 9:40pm

Ye Soch ke Lay ayaa huuN maiN jungle say kuch jugnuu
Na- jaaney ab Qismat meiN Sehar hay ke nahiN hay

Ye*

Galaxy · January 11, 2003, 1:47am

yeh naz-e-husn tu dekho key dil ko tarpa ker
nazr milatey hain, muskaraye jaatey hain

Amal · January 11, 2003, 4:43am

**
Neend to khaab hey aur hijr ki shab khaab kahaaN
is amaawas ki ghani raat meiN mehtaab kahaaN

"noon"

arifnawaz1 · January 11, 2003, 5:37am

**
Naaz kaisay na karoon banda nawaazi pe teri
Mujh se nacheez ko apna bana rakha hai
**

Dilsay · January 11, 2003, 8:17am

ye bataa de mujhe zindagii
pyaar kii raah ke hamasafar
kis tarah ban gaye ajanabii
ye bataa de mujhe zindagii

arifnawaz1 · January 11, 2003, 8:37am

**
Yahaan sab apni apni manziloon ke rastay mein hain
Koi uljha hai khonay mein koi khoya hai paanay mein**

guybrush · January 11, 2003, 3:27pm

na yeh ghum naya na sitam naya ke teri jifa ka gila kareen
yeh nazar thi pehle bi muztarib yeh kasak to dil mein kabhoo ki ha

GuL-e-Tasbeeh · January 11, 2003, 4:41pm

Yehi hay wazaa humari yehi humari shinaakht
kabhi suna hay parindoN ko par badaltay huway

Ye*

Galaxy · January 11, 2003, 6:14pm

yeh nishaan-e-ishq hain, jaatey nahi
daaagh chati ke ibas dhota hai kiya

arifnawaz1 · January 11, 2003, 6:21pm

*Aapas ki kisi baat ka milta hi nahee wakt
Har baar yeh kehtay hain ke baithenge kisi din
Jaati hai kisi jheel ki ghehraae kahaan tak
Aankhoon mein teri doob ke dekhenge kisi din
*

Galaxy · January 12, 2003, 1:02am

nazr jhukaye urs-e-fitrat, jabeen sey zulfein hata rahein hai
sehr key taza zalzalay mein, ufaq ki loo tharthara rahee hai

_Nazish · January 12, 2003, 8:13pm

'Ye'

Yeh khamooshi to merey dil ki deewarien ghira deygi
Mohabbat ho na ho per lab hila aahista aahista.

arifnawaz1 · January 12, 2003, 8:27pm

Ab khushboo'on ki mujh ko zaroorat nahee rahi
Mehak mere aangan mein pyar ki basa gaya koi

Galaxy · January 12, 2003, 8:45pm

Yeh na thee humari qismat, ke wisaal-yaar hota
agar aur jeetay rehtey, yahi intezaar hota

'Alif'

arifnawaz1 · January 12, 2003, 8:52pm

**
Ab koi kya mere kadmoon ke nishaan dhoondheyga
Taiz aandhi se tu khaimay bhi ukkhar jaatay hain**