the much requested Bait Bazi - LXVI

Amal · December 30, 2002, 6:48pm

**

Yeh tabasum' yeh tazagi' yeh nikhar
zindagi kis se baat kar ke ai hai

"ye"

Dilsay · December 30, 2002, 6:52pm

Yoon he udas raha to dekhlana aak din
Tama shahar main tanhiyaan becha doon ga

Amal · December 30, 2002, 7:27pm

**
Aa ja ke abhi zabt ka mosam nahi guzra
aa ja ke pahaarroN pe abhi barf jami hey
khushbu ke jazeeroN sey sitaaroN ki haddoN tak
is shehar meiN sab kuch hey bas teri kami hey

"ye"

GuL-e-Tasbeeh · December 30, 2002, 7:37pm

ye Khawaab hay Khushbu hay ke jhonka hay ke paL hay
ye dhundh hay baadaL hay ke saayaa hay ke tum ho

wao*

Amal · December 30, 2002, 7:46pm

**
Wohi aek khaab khayaal sa jo meri aarzu ki godd meiN
so hasratoN ke rang leeye tera muntazir hey aaj bhi

"ye"

GuL-e-Tasbeeh · December 30, 2002, 7:56pm

Yehi Dua hay ke manziL Qareeb na aaey
haseen itna meraa hum-Safar hay kyaa kijiye

Ye*

Amal · December 30, 2002, 8:01pm

**
ye hasrateiN ye khaahisheiN, ye aarzu ye justuju
yuN sochney ko beitthey to zindagi meiN kya nahi

"ye"

arifnawaz1 · December 30, 2002, 8:45pm

Yeh tootay huey khwab mere zeest ka hasil hain,
Agar in kirchion sai zakhm na khata to behtar tha

Dilsay · December 31, 2002, 10:03am

naa muhabbat naa dostii ke liye
vaqt rukataa nahii.n kisii ke liye

arifnawaz1 · December 31, 2002, 10:09am

Yeh shehar mere liye ajnabi na thaa lekin
Tumhare saath badalti gaeen fizaaein bhi

Dilsay · December 31, 2002, 10:50am

yaad karanaa har gha.Dii us yaar kaa
hai wazifaa mujh dil-e-bimaar kaa

Mal1k · December 31, 2002, 10:53am

Aankh say jhalka aansoo
Aur ja tapka sharab main
Dil main chubha jo kaanta
Tau ja nikla gulab main

arifnawaz1 · December 31, 2002, 12:11pm

Nasha-e-Ehsaas-e-Khush qismati ne andha kar diya
Barq bhi chamki tu hum samjhay chiraagan-e-bahaar

Amal · December 31, 2002, 1:15pm

**
Raat phir aaey gi phir zehan ke darwaazey par
koi mehndi meiN rangey haath sey dastak dey ga

"alif"

arifnawaz1 · December 31, 2002, 1:18pm

Ananjaan nigahoon ki yeh manoos si khushboo
Kuch yaad sa parta hai pehlay bhi milay hain

'Noon'

Dilsay · December 31, 2002, 1:31pm

Na janay konsa lamha cuhara lay jay
Mataia gurdisha duran hai zindagi apni

arifnawaz1 · December 31, 2002, 1:34pm

Yeh kaun phir se unhee rastoon mein chor gaya
Abhi abhi tu azaab-e-safar se nikla thaa

"Alif"

GuL-e-Tasbeeh · December 31, 2002, 3:15pm

AankhoN meiN basaa Letay haiN beetay huwey manzar
Jaatey huwey LogoN ko pukara nahiN kartay

Ye*

Amal · December 31, 2002, 6:30pm

**
Ye sakoot-e-naaz ye dil ki ragoN ka tootna
khamoshi meiN kuch shikast-e-saaz ki baateiN karo
NakhateiN zulfeiN, pareshaan daataan-e-gham
subh honey tak isi andaaz ki baateiN karo

"wao"

guybrush · December 31, 2002, 7:24pm

woh kon ha us se to mein waqif bi nahin hoon
jo mujh ko kisi aur ko hone naheen deeta