Re: “Poet Of The Month - - - Poet Of GS”
ab ye hankti kya hota hai 
ap kuch choray gay to dosray postay gay 
Re: “Poet Of The Month December- - - Poet Of GS”
Re: “Poet Of The Month December- - - Poet Of GS”
I am posting this poem again because.. this is a very special poem by Amal..
Originally Posted by Amal http://www.paklinks.com/gs/images/buttons/viewpost.gif
*Last night from the bundle of my documents, I found a nazm which I am going to share with you. This might not be up to any standard since it was written by myself, but you could have an idea as to HOW worse I could be in writing poetry
http://www3.pak.org/gupshup/smilies/smile.gif
This was written on April 7, 1999.
Mery qadam meri raahoN pey sahi kesey parreN
kisi ki suljhi hui zulfoN meiN ul’ajh gaya huN meiN
ab to zinda huN apni hasti ko mittaaney key leeye
uski jheel si aaNkhoN meiN doob jaaney key leeye
MeiN us zinda-o-javed taaj mehal ki shabeeh
apney lafzoN sey bana key apni sochoN key
tamaam rang bhar to duN magar majboori hey
key meri zaat pey bhi laagu heiN had’oN key osool
merey lafzoN aur sochoN ki ik intihaa bhi to hey
pas meri kaavish meiN simmat nahi sakta wo husn-e-kamaal!
Merey zehan key ik koney meiN ab bhi roshan hey
merey dil key sab aewaanoN meiN ab bhi raqsaaN hey
wo pehli baar us sey ham-kalaam honey ki khushi
wo pehli baar kahey aur sun’ey huwey lafzoN ki chanak
meri samaa’at key haafzey meiN ab bhi baaki hey…
MeiN ney kaha tha key meiN aaj barri naadaani meiN
ye ik gulaab kisi tehni sey torr laaya huN
yuN to zinda nahi is ki hasti magar phir bhi
aap key haathoN ka agar is ko lims mil jaaey
aen mumkin hey ye ik baar phir sey khil jaaey
mera ye kehna tha key us key haseen chehrey par
hazaar rangoN ki ik dhanak aa key phael gai
phir us mahjabeeN ki toba-shikan nigaaheN utthiN
aur us key marmareeN haathoN ney kapkapaatey huwey
merey haathoN sey wo phool liya to meiN ney kaha:
Aey phool jaa tujhey nai zindagi mubaarak ho!
Wo dilrubaai sey muskuraai aur kehney lagi
ye phool sookh key ab kabhi nahi murjhaaey ga
is ki khushbu meiN apney dil meiN chupa key rakhoN gi
par merey dil ko to ab aap key sang rehna hey
so khaayal rahey key ye dil toot key bikhar na jaaey
aur ye gulaab merey dil key saath hi mar na jaaey
Merey Khuda barri maasoom si wo larrki hey
meiN apna aap jis key haathoN meiN soNp aaya huN
aur us ney badley meiN apney khaab dey deeye heiN mujhey
tu jaanta heiN meiN ik banda huN bohat aajiz sa
merey haathoN meiN faqat lafz heiN meri duwaaoN key
idhar ye dunya hey jo sangrezey utthaaey phirti hey
par udhar tu hey key terey haathoN meiN hey dono jahaN
terey khazaanoN sey kisi zar ki justuju nahi
merey Maalik bas meri mohabbat ki laaj rakh lena!
*
It was written on my Birthay i.e. April 7 
Re: “Poet Of The Month December- - - Poet Of GS”
i dont know what exactly i should express here.. though i got a time of around 3-4 months when i interacted with Amal but i found him so humble, so kind, kind hearted, pure, and a person who can never hurt anyone.. he always wanted k ppl around him smile.. he cared n blossomed the forum in most beautiful way..
i really miss him.. i hope k wo wapas ajayen.. 
plz plz plz.. Amal aap wapas ajayen.. also AQ aap bhi active ho jayen please.. 
we really miss both of U..
Re: “Poet Of The Month December- - - Poet Of GS”
to is poem ki speciality yay hai k isay 7th April ko likha gaya hai …
Re: "Poet Of The Month December- - - Poet Of GS"
YaadoN ke jugnuoN ki laasheiN heiN ird-gird
** hum zindagi ka jashn manaaneiN to kis tarha!**
Re: “Poet Of The Month December- - - Poet Of GS”
April mai kya hota hai Amal ki bday?
Re: “Poet Of The Month December- - - Poet Of GS”
NahiN Amal ki to March maiN hoti hai. yay to AHmer nay likha hai k it was written on his bday 
Re: "Poet Of The Month December- - - Poet Of GS"
^ Really MArch ki koncji date ko hoti :)
Re: “Poet Of The Month December- - - Poet Of GS”
excuse us :halo:
ap ko nahi pata hoga to kis ko pata hoga :aq:
Re: "Poet Of The Month December- - - Poet Of GS"
Shab-e-tanhaai ke rang
(i)
Shab-e-tanhaai meiN sitaaroN ka libaada orrhey
teri yaadoN ke jugnu sey chamakney lagtey heiN
aur dil pe cha jaata hey khud-farebi ka aesa aalam
ke har taraf teri hi aamad ka samaaN hota hey
jesey kisi aavaaz ke dhoke meiN koi murr kar dekhey
jesey sehra meiN saraaboN ka gumaaN hota hey
(ii)
Shab-e-tanhaai meiN dil ke nehaaN-khaanoN par
guzrey lamhoN ki shabnam si parrney lagti hey
aur merey hawaas pe tu ho jati hey qaabiz aesey
ke nazar besaakhta nakalti hey justuju meiN teri
jesey chaand kisi ko dhooNdney ke leeye nikalta hey
jesey koi baccha kisi khiloney ke leeye machalta hey
(iii)
Shab-e-tanhaai meiN be’cheniyoN ke aalam meiN
dil apney aap sey hi baar baar ulajhta hey
aur azyateiN is tarhaN ho jaati heiN gaalib mujh par
ke dard ka toofaan har rag meiN dorr jaataa hey
jesey mojeiN saahiloN ki haddeiN torr deti heiN
jisey dharrkaneiN diloN ka saath chorr deti heiN
(iiii)
Shab-e-tanhaai meiN aadat teri khushbu'oN ki
dil-e-na-kaam ko kuch aur sataaney lagti hey
tab dhoNdney lagta hooN meiN har su aaNchal tera
aur be-qaraari meiN yuN raahat si milney lagti hey
jesey koi muflis zar ke khaab sey behal jaata hey
jesey koi marney sey pehley zara deir ko sambhal jaata hey
(v)
Shab-e-tanhaai meiN mosam teri rafaaqat ke
gup-andheroN meiN ujaaley sey bekheir detey heiN
gham-e-firaaq ki chaadar ko cheer detey heiN
aur dil ik lamhey ko ho jaata hey shaadaab aesey
jesey chaand ka aks kisi jheel meiN utar jaata hey
jesey koi sookha peirr sabz pattoN sey bhar jaata hey
--------------------------(ADD)-------------------------
Shab-e-tanhaai meiN mehak terey khayaaloN ki
merey tasavvur ka tavaaf sa karney lagti hey
tab phir sey khilti heiN umangoN ki laakhoN kalyaN
aur fasl-e-gul ki ye aamad aesey lagti hey
jesey kisi dil-ruba ki aaNkh meiN iqraar ka zahoor
jesey kisi un-kahi si baat ka be-naam sa saroor
By: Amal
Re: "Poet Of The Month December- - - Poet Of GS"
Meri daastan-e-hayaat ki ye tehreer to ik aesa bayaan hey
jisey koi dil sey na sun saka, jisey parrh saki na nazar koi
sar-e-bazm saarey dostoN ney meri aap-beeti suni magar
koi dil ka aalam na samajh saka, go gham-zada tha har koi
tera shab-o-roz ka intizaar meri nazar sey sab kuch le urra
merey ratjagoN ke naseeb meiN ab tak nahi hey sahar koi
merey hosley bhi thak gaey ke meri rah-guzar sey bani nahi
jab raastey hoN na-meharbaaN, to kya karey phir safar koi
do chaar saaNseiN aaj bhi merey paas heiN, tu bhi paas aa
teri nigaahoN ki talkhiyoN meiN gar bach gayaa hey zehar koi
ye to mohabbatoN ki maang thi jo tujhey zindagi ka laqab diya
is sodey ke aevaz sanam meiN ney kab maaNga tha samar koi
tu kis leeye hey gham’zada ke ye teri hi zid thi aey hum’nawa
ke kisi ki aaNkheiN nam na hoN chahey mar bhi jaey agar koi
By: Amal
Re: "Poet Of The Month December- - - Poet Of GS"
I love this thread. It has to be my most favorite thread of poetry section where I'm enable to read my and our most favorite poet of poetry section.
Shab great idea.
PS: December reminds me more of Anwar bahii than Amal but still its a pleasure to go through this thread!
Re: “Poet Of The Month December- - - Poet Of GS”
great thread Sheal :k:
Re: “Poet Of The Month December- - - Poet Of GS”
Thank You
shuker hai ap ko bhi fursat mili aanay ki 
Re: "Poet Of The Month December- - - Poet Of GS"
Na chahatey huwey bhi chorr kar aana parra usey
** wo imtihaan meiN na aatey huwey sawaaloN ki tarha tha**
2 Likes
Re: "Poet Of The Month December- - - Poet Of GS"
Meri daastan-e-hayaat ki ye tehreer to ik aesa bayaan hey
jisey koi dil sey na sun saka, jisey parrh saki na nazar koi
sar-e-bazm saarey dostoN ney meri aap-beeti suni magar
koi dil ka aalam na samajh saka, go gham-zada tha har koi
tera shab-o-roz ka intizaar meri nazar sey sab kuch le urra
merey ratjagoN ke naseeb meiN ab tak nahi hey sahar koi
merey hosley bhi thak gaey ke meri rah-guzar sey bani nahi
jab raastey hoN na-meharbaaN, to kya karey phir safar koi
do chaar saaNseiN aaj bhi merey paas heiN, tu bhi paas aa
teri nigaahoN ki talkhiyoN meiN gar bach gayaa hey zehar koi
ye to mohabbatoN ki maang thi jo tujhey zindagi ka laqab diya
is sodey ke aevaz sanam meiN ney kab maaNga tha samar koi
tu kis leeye hey gham’zada ke ye teri hi zid thi aey hum’nawa
ke kisi ki aaNkheiN nam na hoN chahey mar bhi jaey agar koi
By: Amal
Re: "Poet Of The Month December- - - Poet Of GS"
Hayaat ke ujrrey dayaar meiN kuch taarikiyaaN abhi aur heiN
naseeb ke biggrrey nisaab meiN kuch talkhiyaaN abhi aur heiN
mieN ney phir sey tinkey jorr kar socha ke banaaooN ik aur ghar
mujhey tabhi falaq sey nawaa mili ke wahaN bijliyaaN abhi aur heiN
yehi deikh ab ke terey khaab sab kiuN dhal gaey heiN saraab meiN
dil-e-be-khabar zaraa hosh kar ke terey imtehaaN abhi aur heiN
wo daag yaadoN ke bad’numa tu ney mitaaey to heiN par sab nahi
masiha-e-waqt merey zehan par aesey kuch nishaaN abhi aur heiN
aey toofaan-e-hawaa zaraa phir sey aa in bastiyoN meiN har us jagaa
jahaaN bach gaey heiN chand garib, aesey kuch makaaN abhi aur heiN
meiN chaahoN agar bhi to kis tarhaN supurd-e-ajal ho jaaoN abhi
ke is sookhta-jaaN ke hisaab meiN, ‘qarz-e-dostaaN’ abhi aur heiN
abhi kaavishoN meiN lagey raho zara saaNs leney ko ruko nahi
mujhey hey yaqeeN yaheiN aas paas naey aasmaaN abhi aur heiN
By: Amal
Re: "Poet Of The Month December- - - Poet Of GS"
nice thread...
Shab jee, thread ko ghor say paRhain, aapki last two posts Koyal jee post ker chuki haiN. naya post kero repeat nahee. :)
Re: “Poet Of The Month December- - - Poet Of GS”
http://www.paklinks.com/gs/../gsmedia/files/50864/wohi_aik_shakhs_gulab_sa.jpg
wow Amazing Bohat Khoob dil main utar janye walye lafz Thanks sj 4 sharing
Allah Amal g ko zindagi k her Mor pey qameeyabi ata karye Aameen