Re: "Poet Of The Month - - - Poet Of GS"
bilkul :) bohot ho gaya. baki logoon ko bhi moqa milna chahiyay warna Amal ki poetry to hum aik raat main hi post ker dain gay :)
Re: "Poet Of The Month - - - Poet Of GS"
bilkul :) bohot ho gaya. baki logoon ko bhi moqa milna chahiyay warna Amal ki poetry to hum aik raat main hi post ker dain gay :)
wohi tu chalo ab tum bhi sojaoo :LB:
Re: "Poet Of The Month - - - Poet Of GS"
***Gali gali meiN ranjisheiN, qadam qadam pe saazisheiN
merey Rub tuhi bataa mujhey koi saada-dil ab kya karey!
na to raastey hi khul sakey na manzileiN hi mil sakeeN
ik be-nishaN si umeed par koi kab tak aakhir jia karey!
dil ke ujrey kawaarr meiN meri khaamshiyaaN heiN gonjti
jab lafz zubaaN sey chin gaey to kesey koi kuch kaha karey
sar-e-raah-guzar ye is qadar deeye sey kis ney jalaa deeye!
ye chiraagh sarey be-zubaaN, ab jo bhi chahey hawaa karey
merey dil ke armaaN sab ke sab terey dar pe aa ke ruk gaey
chaahey aas dey ya yaas dey, jo chaahey teri nigaah karey
jo hathelioN meiN darj nahi wo siwaaey saey ke kuch nahi
laakh ban kar lahu koi ragoN meiN chaahey bahaa karey!!!
By: Amal<!-- / message -->***
Re: "Poet Of The Month - - - Poet Of GS"
*Naa sawal kar naa jawab mang k mujhey zindgi ki kitaab meiN
ik baab bi khushi ka mila nahi, meiN akhir tujh ko suna'uoN kya
tujhey kya khabar ey merey hamsfar, hey bisaat-e-jaaN dukhi kis qadar
dard hey bohat par hey be-nishaaN, tujhey zakhm apney dikhaaoN kya
jis hum-nawaa pe mujhey naaz tha wo to waqt ke saath hi badal gaya
jisey naam bhi mera yaad nahi, to apna haq meiN us pe jataaoN kya
tu gaya to terey saath saath, mera aetebaar wafaa sey hi chala gaya
loh-e-jaaN pe ab kuch raqm nahi, kya yaad rakhoN aur bhulaaoN kya
meiN maraa nahi to jia bhi kya ke terey baad se ajeeb hi haal hey
koi dekhey to us se chupaaoN kya koi poochey to us ko bataaoN kya
By: Amal
*
Re: "Poet Of The Month - - - Poet Of GS"
*Hayaat ke ujrrey dayaar meiN kuch taarikiyaaN abhi aur heiN
naseeb ke biggrrey nisaab meiN kuch talkhiyaaN abhi aur heiN
mieN ney phir sey tinkey jorr kar socha ke banaaooN ik aur ghar
mujhey tabhi falaq sey nawaa mili ke wahaN bijliyaaN abhi aur heiN
yehi deikh ab ke terey khaab sab kiuN dhal gaey heiN saraab meiN
dil-e-be-khabar zaraa hosh kar ke terey imtehaaN abhi aur heiN
wo daag yaadoN ke bad’numa tu ney mitaaey to heiN par sab nahi
masiha-e-waqt merey zehan par aesey kuch nishaaN abhi aur heiN
aey toofaan-e-hawaa zaraa phir sey aa in bastiyoN meiN har us jagaa
jahaaN bach gaey heiN chand garib, aesey kuch makaaN abhi aur heiN
meiN chaahoN agar bhi to kis tarhaN supurd-e-ajal ho jaaoN abhi
ke is sookhta-jaaN ke hisaab meiN, ‘qarz-e-dostaaN’ abhi aur heiN
abhi kaavishoN meiN lagey raho zara saaNs leney ko ruko nahi
mujhey hey yaqeeN yaheiN aas paas naey aasmaaN abhi aur heiN
By: Amal
*
Re: "Poet Of The Month - - - Poet Of GS"
***O be-wafaa aa sun zara meri rooh pe guzreeN jo qayamateiN
mera dil dukha to bohat magar merey lab pe ab bhi gilaa nahi
teraa bas naa tha to kiuN mujhey naey mosmoN ki naveed di
tu mujhey peshgi meiN jo de gaya wo phool ab tak khilla nahi
thi jin mosmoN meiN teri wapsi meiN ab bhi hooN unka muntazir
par wo fasl-e-gul kahaaN reh gai mujhey ab to kuch bhi pataa nahi
tera raaz jo mujh pe na khul sakaa mujhey doosroN sey pata chala
terey ehd-o-pemaaN sey bharey huwey kisi bhi lafz meiN wafa nahi
terey dostoN meiN tera bharm rahey yehi soch kar meiN chup raha
jo nigaah meiN tha wo chupa liya jo dil meiN tha wo kahaa nahi
By: Amal**
*
Re: "Poet Of The Month - - - Poet Of GS"
*MeiN kai rutoN sey hooN dekhta ke tamaam rang heiN bujhey huwey
Ye ab ke khizaaN ko kya huwa kiuN meri nighaah meiN thehar gai
meiN kya bataaoN ke ab ki baar chaman ki haalat ajeeb thi
har phool maatam-sara mila meri jahaN jahaN bhi nazar gai
ye kon jaaney ke kya huwa, meiN dhoond dhoond ke thak gaya
ke wo jo aek titli thi baagh meiN, wo bhi naajaaey kidhar gai
abhi hey zara wo asar jisey meri zaat ney pooja kabhi magar
wo januN to kab ka khatam huwa, wo soorat to dil sey utar gai
mujhey kis jurm ki saza mili ke meri rooh tak hey thaki hui
meiN apni jaga sey hilaa nahi meri saaNs phir bhi ukharr gai
ye chiraagh-e-jaaN bhi ajeeb hey ke jala huwa hey abhi talak
teri bewafaai ki aaNdhiyaaN to kabhi ki aa ke guzar gaeeN
merey aasmaaN ke haath meiN bas aek chaand tha aas ka
usey baadloN ney nigal liya to meri kaaeynaat hi ujarr gai
By Amal
*
Re: "Poet Of The Month - - - Poet Of GS"
Dayaar-e-yaar ki galyoN meiN ja ke rakh aaey
hamaarey haath meiN jitney wafa ke moti they
duwa ke lafzoN ko taskeen mil rahi thi ajab
falak ke hoNt par shaaed nida ke moti they
dil jhoom uttha tha kuch reshmi sey nagmoN par
hamaari sama'at meiN mehki sada ke moti they
guloN ney rakh leeye choom kar aqeedat ke saath
sehar ke haath meiN jitney saba ke moti they
rutoN ney daal deeye bastiyoN ki jholi meiN
fiza ke haath meiN jitney hawa ke moti they
shab-e-muraad ki soorat meiN dhal gaey saarey
duwaaoN ke hoNtoN pe jo iltija ke moti they
ik rakh-rakhaao ney us ko saNwaar rakha tha
us ki har baat meiN anokhi adaa ke moti they
hum apni yaadoN ki maala meiN sab piro laey
us ki nigaah meiN jitney haya ke moti they!
By: Amal<!-- / message -->
Re: "Poet Of The Month - - - Poet Of GS"
*RaatoN ko jaag ke terey leeye hum ashq bahaa kar deikheiN ge
raahoN meiN teri ummeedoN ke hum deeye jalaa kar deikheiN ge
kehtey heiN mohabbat manzil ho to saari umr safar meiN kat'ti hey
hum phir bhi apni aaNkhoN meiN terey khaab sajaa kar deikheiN ge
jo dhool utthey gi rastoN sey terey sang ke aevaz hum seh leiN gey
hum apni nigah ke sarey rang teri raah meiN gaNwa kar deikheiN ge
jo dard miley ga dunya sey hum khushi sey ley kar rakh leiN ge
jo zakham lagey ga rasmoN ka terey naam pe kha kar deikheiN ge
jo rang lagey ga tujh ko bahala us rang meiN khud ko rang leiN ge
hum aaj sey apni har raahat teri khushi meiN paa kar deikheiN ge
hameiN jitni duwaaeiN aati heiN un sab meiN tujh ko maaNgeiN ge
socha hey dil ki har mannat terey naam lagaa kar deikheiN ge
phooloN sey yaari kar deikh phooloN ney bhi hum ko khaar deeye
is baar to socha hey daaman kaaNtoN meiN uljha kar deikheiN ge
hameiN seem-o-zar ke meloN sey teri sooni galyaaN piyaari heiN
hum chorr ke apney mehloN ko terey ghar pe aa kar deikheiN ge
tassavvur ki ujli sochoN ko aqeedat si hey terey naam ke saath
hum apni zaat ke darpan meiN bas tujhi ko laa kar deikheiN ge
chaahey aab miley ya saraab miley ab khaof nahi kisi khatrey sey
is dasht-e-fareb meiN terey leeye hum dhoka kha kar deikheiN ge
chalo maana ke ishq ki baazi meiN harjaana jaan bhi hota hey
hum kuch bhi ho har qeemat par ye juwa lagaa kar deikheiN ge
By: Amal<!-- / message -->*
Re: "Poet Of The Month - - - Poet Of GS"
*Merey aaenoN meiN har taraf jo khayaal hey ik saja huwa
wohi aek aks lateef sa meri zindagi pe hey parra huwa
jesey aarzu ke mosamoN meiN ja-ba-ja hoN gul khileiN
jesey zindagi ka gulsitaaN ho khushbuoN sey bhara huwa
mujhey kehkashaaN ki talab nahi meiN jugnuoN ka karooN ga kya
teri chaahatoN ka chaand jo hey meri khirrkiyoN pe kharra huwa
koi roshni ki rida leeye merey saath rehta hey har gharri
yehi aek dhoka wisaal ka mujhey khalwatoN meiN sada huwa
jis roz sey teri inaayateiN meri haalatoN ko naseeb hueiN
usi roz sey yahaN har shakhs hey heiratoN meiN parra huwa
jesey mannatoN ke par lagaeiN duwaeiN aasmaN pe urrti jaaeiN
jesey hasratoN ki jheel meiN ho kaNwal aarzu ka khila hwua
ye wafa-gari ki rivaayateiN heiN zindagi ki alaamateiN
jesey khuwaahishoN ka libaas ho barri mohabbatoN sey sila huwa!
By: Amal<!-- / message -->*
Re: "Poet Of The Month - - - Poet Of GS"
*MohabbatoN meiN bhi kai madd-o-jazar deikhey heiN
saba ki dastak pe toot'tey huwey ghar deikhey heiN
meiN us ki sookhi hui aaNkhoN pe kya yaqeeN karta!
meiN ney thehrey huwey paani meiN bhaNwar deikhey heiN
pat'tey toot'tey heiN to shaakoN ko khooN rulaatey heiN
tum ney khizaaN meiN kabhi ghaor sey shajar deikhey heiN!
kisi chaman ka mujhey koi nishaaN kaheeN na mila
haaN dasht ke saaey meiN ney ta'hadd-e-nazar deikhey heiN
meiN ney na thakney ka sabaq seekha hey parindoN sey
wo jab miley heiN un ke paroN meiN safar deikhey heiN
nasha ho 'ishq' ka ya 'janm-o-janam' ke rishtoN ka
meiN ney dinoN meiN utartey ye asar deikhey heiN
By: Amal<!-- / message -->*
Re: "Poet Of The Month - - - Poet Of GS"
Firaaq ka taryaak ho ya wisaal ki duwaaeiN
is dard ka yahaaN koi hal sochey nahi milta
reh reh ke mil jaatey heiN kuch ajnabi chehrey
jisey dhoondney niklo wo dhoondey nahi milta
insaanoN ke selaab meiN apnoN ko sambhalo
jo kho gaya ik baar wo to mar ke nahi milta
so log takar jaatey heiN har aek qadam par
man ka magar meet to maaNgey nahi milta
Re: "Poet Of The Month - - - Poet Of GS"
YuN dost saarey apney apney rastey badal gaey
kuch peechey ruk gaey to kuch aagey nikal gaey
haalaat ki dhoop zaraa si deir ko teiz kya hui
jitney wafaa ke peikar they saarey pighal gaey
waadoN ke taarey raatoN sey baahar na jaa sakey
iraadoN ke din nikalney sey pehley hi dhal gaey
wafaaoN ke rang shabnam ke qatroN ney dho deeye
mohabbat ke phool jazboN ki 'shiddat' sey jal gaey
taanoN ke teer dunya ki kamaanoN pe jab charrhey
sabar ke daaman haathon sey yak'dam phical gaey
aaNkheiN khuleiN to khaaboN ko bura laga magar
kuch deir wo reh ke muztarib khud hi behal gaey
pehley pehal to ajeeb lagey badley huwey chehrey
phir yuN huwa ke waqt ke saath hum bhi sambhal gaey
By: Amal
<!-- / message -->
Re: "Poet Of The Month - - - Poet Of GS"
*Ye chaand agar kabhi taaroN sey kisi roz larrey to kya ho ga!
kisi roz yuNhi zid meiN aa kar na raat dhaley to kya ho ga!
tera naam hi aaya tha lab par ke saari khalqat cheekh utthi
tera haath pakar kar sarkoN par terey saath chaley to kya ho ga!
yahaN har koi mujh sey kehta hey tujhey hargiz bhi na sochooN meiN
par phir bhi meri aaNkhoN meiN tera khaab paley to kya ho ga!
teri chaahat ki saari shammeiN meiN ney ik ik kar ke bujha di heiN
gar phir bhi dil ke dareechoN par koi deep jaley to kya ho ga
terey saamney be'khud ho jaooN yehi soch ke meiN to darta hooN
koi aesa lamha paagal sa aa kar na taley to kya ho ga!
meiN aksar sochney lagta hooN aakhaast ki neeli basti meiN
tera taara merey taarey sey agar aan miley to kya ho ga!
By: Amal<!-- / message -->*
Re: "Poet Of The Month - - - Poet Of GS"
*Hum usey gali gali, shehar shehar dhoondtey rahey
go thi khabar na miley ga magar dhoondtey rahey
gai jo us ki talaash meiN to laoti na phir kabhi
hum kahaaN kahaaN apni nazar dhoondtey rahey
utthey jo haath to sabar ke saath dil behal gaya magar
hum saari umar us duwa ka asar dhoondtey rahey
rastey badal gaey they ya kaheen aur nikal gaey they
hum kitni hi deir apna hi ghar dhoondtey rahey
chaaoN ki khuwaahishoN ney yuN jhulsa diya tha sar
ke hum nagar nagar dhoop ke shajar dhoondtey rahey
rastey chupa ke beitthey huwey they hamaari manzileiN
aur hum be'basi sey ikhtitaam-e-safar dhoondtey rahey
yuN raat ki tanhaaiyoN sey sehma huwa tha dil
ke hum shaam sey hi aasaar-e-sehar dhoondtey rahey
ye yaqeen tha ke rok leiN gey sabar sey saarey ashq
wo mila magar to hum apna hunar dhoondtey rahey
toofaan urra ke ley gaya tha musaafat ke hosley
parindey magar tootey huwey par dhoondtey rahey
By: Amal<!-- / message -->*
Re: “Poet Of The Month - - - Poet Of GS”
hehehe ap kahaN se tapki…me samji me akeli bethi chalo yehi kar day ap ne pinup keoN kia 
Re: "Poet Of The Month - - - Poet Of GS"
tera naam hi aaya tha lab par ke saari khalqat cheekh utthi tera haath pakar kar sarkoN par terey saath chaley to kya ho ga!
yahaN har koi mujh sey kehta hey tujhey hargiz bhi na sochooN meiN par phir bhi meri aaNkhoN meiN tera khaab paley to kya ho ga!
teri chaahat ki saari shammeiN meiN ney ik ik kar ke bujha di heiN gar phir bhi dil ke dareechoN par koi deep jaley to kya ho ga
terey saamney be'khud ho jaooN yehi soch ke meiN to darta hooN koi aesa lamha paagal sa aa kar na taley to kya ho ga!
meiN aksar sochney lagta hooN aakhaast ki neeli basti meiN tera taara merey taarey sey agar aan miley to kya ho ga!
By: Amal<!-- / message -->*
Beautiiiiiiifullll :)
Re: “Poet Of The Month - - - Poet Of GS”
isliye nahi kay ek din mai sub kardain sara month thread dead para rahay ga 
Re: “Poet Of The Month - - - Poet Of GS”
sara month dosrey haiN na posting k leay :D…efciancy dekha de na US ko dsotooN se shikwa tha ab nahi rahay gha na ..u know koyla Amal karna janti sirf idher udher ki nahi na hankti 