Re: “Poet Of The Month December- - - Poet Of GS”
zara ghour say daikhiyay k yay **kis **nay post kia hai…???
Re: "Poet Of The Month December- - - Poet Of GS"
Iqraar jab kia tha haathoN meiN mooN chupa ke
meiN chun rahaa hooN moti ab tak usi sadaa ke
meri hasratoN ka darpan jis meiN chamak raha hey
wo aks heiN dhanak ke ya rang teri haya ke
ye nazar ki gehri jheeleiN aesey na mujh pe kholo
mujhey khaahishoN ke lehreiN ley jaeiN na baha ke
** meiN kya karooN ke ab to khulti nahi heiN aaNkheiN
ik khuaab dey gaya hey khushbu meiN wo sajaa ke **
meiN fiza meiN urrta urrta terey paas pohaNch jaaoN
aey kaash la ke dey dey koi mujh ko par hawaa ke
meri shaeri sey shaaed kuch tum bhi seekh jaao
ye mohabbatoN ke qissey jaa'ezey heiN wafaa ke
By: Amal
Re: "Poet Of The Month December- - - Poet Of GS"
^ tahreem ne :) lakiN keon?---------------poocha :)
Re: "Poet Of The Month December- - - Poet Of GS"
^ tahreem ne :) lakiN keon?---------------poocha :)
no its not tehreem, tehreem nay already posted per comment kiyay hain, or unhi ko main nay kaha hai k zara ghour say daikhiyay k yay post kis nay ki thi or comment unhoon nay kis per kia hai :)
Re: "Poet Of The Month December- - - Poet Of GS"
^ Really MArch ki koncji date ko hoti :)
its Mid of march :)
Re: "Poet Of The Month December- - - Poet Of GS"
MeiN aksar sochney lagta hooN
Jab subha ki chaadar kheitoN par kirnoN ki baarish karti hey
meiN aksar sochney lagta hooN
ye jitney chottey podey heiN inhey kis ney ugna sikhaaya hey
ye jo nanhey nanhey panchi heiN inhey urrna kesey aaya hey
ye kon subha hi ambar ko neeley rang sey rang deta hey
subha subha sab baaghon ko in phooloN sey bhar deta hey
titli ke naazuk pankhoN ko rangoN sey kon sajaata hey
kon kalyoN ke daaman ko khushbuoN sey bhar jaata hey
ye kon hey jis ko phaloN ke ooper khaol charrhaana aata hey
ye kon hey jis ko beej ke andar darakht chupaana aata hey
kon behar sey ley kar paani abar ke ghar pohanchaata hey
phir usi abar sey keh kar baarish jagaa jagaa barsaata hey
kon fiza ki band mutthi meiN hawaa ke jhonkey rakhta hey
ye kon samandar ke paani ko saahil pe rokey rakhta hey
kon kahaN sey shaam dhaley hi chaand ko dhoond ke laata hey
har raat ambar ki basti meiN taaroN ke deep jalaata hey
har pal ragoN ki sarrkoN par kon lahu daorrata hey
aaNkhoN ke korey kaaghaz par tasveereiN kon banaata hey
jab subha ki chaadar kheitoN par kirnoN ki baarish karti hey
meiN aksar sochney lagta hooN...!
**By: Amal
posted on '4th July 2007'
**
Re: "Poet Of The Month December- - - Poet Of GS"
^ tahreem ne :) lakiN keon?---------------poocha :)
tehreem nay nahi sheal nay post ki hai :D repost hogaye isliye woh kahrahi :)
Re: "Poet Of The Month December- - - Poet Of GS"
Kisi be’wafaa ki yaadeiN kisi dil’ruba ke parchey
bhala aur kya miley ga ab kisi ko merey ghar sey
meri hasratoN ki dharti saari umr rahey gi banjar
teri qurbatoN ke baadal kaheiN aur jaa ke barsey
merey dil ke gulsitaaN ko yuN zardiyoN ney loota
ab bahaar idhar naa aey shaaed khizaaN ke dar sey
teri aarzu ko ley kar meiN khaaN khaaN na bhatka
par mili na koi bashaarat mujhey maojzoN ke dar sey
meiN jugnuoN ko ley kar bettha hooN raastey meiN
thak haar ke laot aaey, wo shaaed kabhi safar sey
gar ho sakey aey hum’dum to ik pal ko laot aao
ye kash’makash ki beileiN, inhey noch daalo jarr sey
By: Amal
Re: "Poet Of The Month December- - - Poet Of GS"
YuN maatmi sey libaas meiN koi aah-o-fagaaN hey aaj bhi
jesey chahsm-e-tar meiN khaab koi pareshaaN hey aaj bhi
meiN zindagi ki raah-guzar pe dar-badar hooN is leeye
ke mohabbatoN ke shehar meiN dil be'makaaN hey aaj bhi
teri aarzu hey bohat magar meri pohaNch nahi hey is qadar
meri khuwaahishoN ke waastey tu aasmaaN hey aaj bhi
meiN toheed ke har hisaab sey wesey to musalmaan hooN
par tujhey poojney ki baat hey, to dil be'imaaN hey aaj bhi
teri anjuman tera har karam, teri chahateiN to chin gaeeN
magar dard jo mera naseeb bana, wo meharbaaN hey aaj bhi
teri azyatoN ka sawaal hey to mujhey kal bhi zabt pe naaz tha
tujhey kosney ki baat hey to dil be'zubaaN hey aaj bhi
kabhi dard had sey barrha bhi to meiN teri had sey barrha nahi
meri to saaNs ki tasbeeyoN meiN ik tu hi rawaaN hey aaj bhi
so baadloN ke silsiley meri chatt pe baras kar chaley gaey
par jala jala, dhuwaaN dhuwaaN mera aashyaaN hey aaj bhi
mujhey kal miley they kuch gulaab jo terey leeye ye keh gaey
ke terey intizaar meiN sog'waar gulshan ka samaaN hey aaj bhi
By: Amal
Re: "Poet Of The Month December- - - Poet Of GS"
tehreem nay nahi sheal nay post ki hai :D repost hogaye isliye woh kahrahi :)
ap bhi ghalat samjhi ho.
this is what she wrote in post number 120.
[quote]
wow Amazing Bohat Khoob dil main utar janye walye lafz Thanks sj 4 sharing Allah Amal g ko zindagi k her Mor pey qameeyabi ata karye Aameen
[/quote]
- see the highlighted name. :)
Re: “Poet Of The Month December- - - Poet Of GS”
http://www.paklinks.com/gsmedia/files/Amal/tanha.jpg
posted on 7th July 2006
Re: "Poet Of The Month December- - - Poet Of GS"
Wo ajnabhi hey na'jaaney kya dil meiN ho us ke
** tum apni taqdeer uski lakeeroN sey mila beitthey ho**
** ab na jaaney isey bachaaney ki kya qeemat ho gi**
** tum toofaan meiN ye jo chiraagh jalaa beitthey ho**
Re: "Poet Of The Month December- - - Poet Of GS"
** Ye weham nahi to kya hey, ye gumaaN nahi to kya hey**
** ye jo dil sey utth raha hey, ye dhuwaaN nahi to kya hey!**
** meiN koi waqeya nahi hooN, mujhey is tarha na socho**
** meri daastaaN ko chorro, bhala is meiN kya dharra hey**
Re: "Poet Of The Month December- - - Poet Of GS"
Ye dunya waley kya janeiN meiN kiuN ye ghazleiN kehta hooN
apney likhey sheiroN meiN meiN tujh ko dhoondta rehta hooN
ab bhi meri nazmoN meiN tu mujh sey baateiN karti hey
meiN sara aalam bhool bhula ke tujh ko sunta rehta hooN
Re: "Poet Of The Month December- - - Poet Of GS"
ap bhi ghalat samjhi ho. this is what she wrote in post number 120.
- see the highlighted name. :)
OH got it :D
Re: "Poet Of The Month December- - - Poet Of GS"
^... Good :D
Re: "Poet Of The Month December- - - Poet Of GS"
Jisey nazar churaani hoti hey wo aankh milaata hi kiuN hey!
jisey laot ke jaana hota hey kuch door wo aata hi kiuN hey!
** rasmoN ke zalim panjoN sey jisey dar ho toot, bikharney ka
mohabbat ke kheil khilonoN sey wo dil behlaata hi kiuN hey!**
murjhaaey huwey sab phooloN sey wehshat si hoti hey jis ko
khizan ke ujrey mosam meiN wo baagh meiN jaata hi kiuN hey!
** jisey khatra ho haathoN ki chatri aandhi ko rok na paey gi
wo waqt ki teiz hawaaoN meiN phir deep jalaata hi kiuN hey!**
neend sey utthney par aksar jab toot hi jaana hey is ney
har koi phir apni aankhoN meiN ye khaab sajaata hi kiuN hey!
** do'raahoN par aa kar aksar simtoN ke masaail hotey heiN
manzil ka pata janey bin bhi koi qadam barrhata hi kiuN hey!**
ashqoN sey bheega do'shaala gar pyaar meiN dena hey ik din
to chorr ke jaaney waala phir rootthey ko manaata hi kiuN hey!
** yuNhi panchi ishq, mohabbat ke naadaani kartey rehtey heiN
jisey dar toofaan sey lagta hey wo par pheilaata hi kiuN hey!**
By: Amal
Posted on 7 july 2007
Re: "Poet Of The Month December- - - Poet Of GS"
**MeiN ny chaaha tery janam-din per
aesa tuhfaa teri nazar karooN
jisay tu umr bhar yaad rakhay
phir aik lamhay ki soach nay
mery haath buland ke’ye
kuch lafzoN ky phool
duwaaoN ky panchi
dil ki gehraaiyoN say aazad ke’ye
ky aanay waalay mausamoaN maiN
gham ki ghataaiN kabhi teray qareeb na aaeN
teri aankhoN ky jugnooN sadaa chamakty raheN
khuda tera daaman hamesha musarratoN say humkinaar karay
kabhi jo tu zindagi ki karri dhoop maiN palat ke daikhay
to bohat si khush-rung yaadeN
gulaab lehjoN ki dilfaraib bataeN
beetay lamhoN ki chaandni
tery dil ko bahaar kary
tu her guzray lamhay say pyaar karay
aur Khuda-e-lum yazl
teri umr daraaz karay...
by AMAL
posted on August 29th, 2000
Re: "Poet Of The Month December- - - Poet Of GS"
Kuch log
AankhoN meiN leeye chaahat ke phool
baatoN meiN leeye lagaawat ke phool
mehboob ke paas hi rehtey heiN
jazbaat magar kabhi lafzoN meiN
dhal kar zubaaN tak nahi aatey
dil meiN basi umangoN ke rang
ubhar ke nigaah tak nahi aatey
ik khaab sajaaey aaNkhoN meiN
aaNkhey kholtey dartey heiN
ab tak kuch log is dunya meiN
aesey bhi mohabbat kartey heiN!
Gawaah
Inhi pahaarroN ke darmiyaaN
inhi darakhtoN ke aas paas
kabhi ham ney waadey keeye they kuch
kisi rabt ney diloN ke darmiyaaN
peghaam idhar sey udhar keeye
kuch iqraar to hawaa ney suney bhi they
tumhey yaad ab kuch bhaley na ho
wo gawaah magar nahi bhooltey
mujhey rokna nahi bhooltey
tera poochna nahi bhooltey…
By: Amal