Re: “Poet Of The Month - - - Poet Of GS”
nahi ab yehi theek hai ye id mujhay kisi nay gift kya tha 
Re: “Poet Of The Month - - - Poet Of GS”
:aq:
hmm…chalo phir sambhaal k rakhoo
Re: “Poet Of The Month - - - Poet Of GS”
bat to Amal ki ho rahi hai lakin Koyal nay kaha na usay aadat hai, anay or janay ki.
shair wali story main bhi aisa hi hota hai na, 2 bar s hair nahi aata lakin 3rd time aa hi jata hai 
2 Likes
Re: “Poet Of The Month - - - Poet Of GS”
Han…sahee…araay pagal…dou baar tou larka jhoot boltaa hai…third time Shair aataa hai:bummer:
Re: "Poet Of The Month - - - Poet Of GS"
wo story suni ho gi aap nay shair aaya shair aaya. or kabhi kabhi waqayee shair aa bhi jata hai :)
nahi ye sher ata jata rahte hai :D
Re: "Poet Of The Month - - - Poet Of GS"
aur waqt hamaarey beech hadeyN kheyNchta raha
meiN haath barrhaaey kharra raha ke rok luN usey
par naa jaaney apne dil meiN wo kya sochta raha
dosti ke haseen jazbey ko usney soda bana diya
par jo bhi us ney shart rakhi, meiN maanta raha
us shakhs ki qurbat ney wo tanhaai mujhey bakhshi
ke meiN apney hi saaey sey door bhaagtaa raha
ik khaab ney aaNkhoN meiN meri khaar bhar deeye
phir yuN huwa ke tamaam umr meiN jaagta raha
meri zindagi ney is qadar mujh pe keeye sitam
meiN apney hi marney ki duwa maangtaa raha
By: Amal
My second-last ghazal :)***
Re: “Poet Of The Month - - - Poet Of GS”
oh kyuu?? stock hatm hogya 
Re: "Poet Of The Month - - - Poet Of GS"
Nai manziloN ki taraf janey waley
zara ruk ke tu apney rakht-e-safar meiN
hamaari duwaaoN ki saogaat ley ja...
YuN ho ke tera ye safar jab shuru ho
terey raastoN meiN hawaaoN ke sang sang
kai qafley jugnuoN ke bhi aeiN
terey har qadam pe nai roshni ho
har morr pe kharri khud zindagi ho
jo terey leeye wo khushi le ke aey
ke tu raat sotey meiN bhi muskuraey...
YuN ho ke terey ird-gird ki jo fiza hey
bahareiN unhey sadaa mehkaeiN rakheiN
terey ghar ko jatey hoN jo raastey bhi
sitarey unhey sadaa jagmagaeiN rakheiN
teri har duwaa meiN asar hi asar ho
kisi gulsitaaN meiN, kisi kehkashaaN meiN
jannat ke jesa tera apna ghar ho...
YuN ho ke jab apney ghar tu pohNch jaey
milney ko tujhey qismat ki devi khud aey
miley terey humsafar ko umr-e-jawedaani
wo tujhey apni palkoN pe bitthaey rakhey
mehaktey huwey naey gulaboN ki maanind
tujhey dil ke guldastey meiN sajaey rakhey...!!!
By: Amal
Re: "Poet Of The Month - - - Poet Of GS"
nahi ye sher ata jata rahte hai :D
Allah karay k ab bhi jald hi vapis aa jay :)
Re: "Poet Of The Month - - - Poet Of GS"
Roshni sey bohat pyaar tha to aaNkhoN ko roshan kar letey
bhala aaNdhiyoN ke beech tumhey deeye jalaa ke kya mila
chalo pyar tak to theek tha magar ye pooja kis leeye
ik apney jesey bashar ko tumhey khuda banaa ke kya mila
aatish-e-ishq to tham gai par fiza hey ab bhi dhuwaN dhuwaN
usey aag laga ke kya mila, tumhey aag bujha ke kya mila
nahi zindagi ke falsafey meiN sab saaNs leney sey muttasil
jab dil ki dunya hi lut gai to tumhey sar bacha ke kya mila
is gup tanhai ke aalam meiN ye baam-o-dar kya boleiN ge
sarrkoN ka shor hi behtar tha, tumhey ghar pe aa ke kya mila
By: Amal
Re: "Poet Of The Month - - - Poet Of GS"
Go kaachi umar meiN meetthi neend ke khaab suhaaney lagtey heiN
par neend sey jaag ke dekho to wohi khaab sataaney lagtey heiN
tum kya jano ye chahaney waaley kis karb sey guzra kartey heiN
umar bhar saath nibhaney waaley jab haath churraney lagtey heiN
kabhi in pyaar ke sodey-baazoN sey jab ehd-e-wafaa ki baat karo
ye jheel si gehri aaNkhoN waaley tab nazar churaaney lagtey heiN
jab diloN ki dunya lut’ti hey aur har qadam pe thokar lagti hey
tab mohabbat ki qasmeiN waadey jhootey afsaaney lagtey heiN
jo guzrey mehboob ke pehlu meiN wohi gharri amar ho jaati hey
wohi chand lamhey bhulaaney meiN phir kai zamaaney lagtey heiN
jazbaat ke ujrrey gulshan meiN jab yaadoN ke mosam aatey heiN
tab kitaboN meiN rakhey sookhey phool khoon rulaney lagtey heiN
ye sha’oor ki nazar kya hoti hey kya jaan pehchaan sey hota hey!
haalaat ki gard jab urrti hey to chehrey dhundlaaney lagtey heiN
By: Amal
Re: “Poet Of The Month - - - Poet Of GS”
Posted by Amal on 17th february 2001.
Re: "Poet Of The Month - - - Poet Of GS"
** Ye weham nahi to kya hey, ye gumaaN nahi to kya hey
ye jo dil sey utth raha hey, ye dhuwaaN nahi to kya hey
tujhey kis dard ka rishta merey dar pe kheyNch laaya
tujhey kis ney keh diya tha merey paas har dawaa hey
terey kisi dukh ka chaaraa merey haath meiN nahi hey
meiN to khud bekaraaN hooN merey paas kya dharaa hey
abhi bastiyaaN yaheeN heiN, tu loat jaa yaheeN sey
merey saath saath na chal tu, ye bohat barra juwa hey
tujhey kya khabar aey hamdam ke teri aarzu ke badly
merey dil pe jo laga tha, ab tak wo zakhm haraa hey
par gila nahi hey tujh sey, merey khaloos meiN hi kami hey
meiN ney jisey bhi dil sey chaaha, usey laga ke wo khuda hey
meiN koi waaqeya nahi hooN, mujhey is tarhaN na socho
meri daastaaN ko chorro, bhala is meiN kya maza hey
tu laot ke aa gayaa hey, par mera dil to bujh chuka hey
ab tu kisi aur sey pyaar kar ley, bas yehi teri sazaa hey
By: Amal
Mujhey umeed hey ke aap logoN ko meri ye
aakhri ghazal bhi pasand aaey gi
posted on 24th june, 2001
**
Re: “Poet Of The Month - - - Poet Of GS”
Ye zara zara si baat par tarhaN tarhaN ke azaab kiuN?
jo kisi sey bhi khafa na ho mujhey us khuda ki talaash hey
mujhey laghzishoN pe har gharri koi tok’ta hey baar baar
jisey kar ke dil ko dukh na ho mujhey us gunaah ki talaash hey
mujhay bhi ialso wana do something so so bad but but …
meiN dhooNdta hooN wo khizaaN jisey gulshanoN sey pyaar ho
jisey kisi chiragh sey na bey’r ho mujhey us hawa ki talaash hey
mujhey us nagar ki hey justuju jahaN koi bhi chahata nahi lahu
jahaN hiran ko sheir sey dar na ho mujhey us jaga ki talaash hey
yahaN ik lamhey ke parrao meiN merey sarey phool jhulas gaey
ab jahaaN talkhioN ki tappish na ho mujhey us fiza ki talaash hey
bina humsafar ke kab talak koi musafitoN meiN laga rahey
jahaN koi kisi sey juda na ho mujhey us raah ki talaash hey
in husn-kadoN ke shor sey meri samaa’ateiN heiN ajnabi
ho jis pukaar meiN mukhlisi mujhey us sada ki talaash hey
mujhey deikh kar jo ik nazar merey sarey dard samajh sakey
jo is qadar ho chaara-gar mujhey us nigaah ki talaash hey
By: Amal
beautiful beautifulll amal 
Re: “Poet Of The Month - - - Poet Of GS”
aray baba akhir kyu? kya huwa :aq:
Re: “Poet Of The Month - - - Poet Of GS”
main nay nahi yay Amal nay likha tha. so ithought let it be :d. neechay date bhi likhi hai main nay jis date ko Amal nay post ki thi yay 
Re: "Poet Of The Month - - - Poet Of GS"
Shab-e-tanhaai meiN sitaaroN ka libaada orrhey
teri yaadoN ke jugnuN sey chamakney lagtey heiN
aur dil pe cha jaata hey khud-farebi ka aesa aalam
ke har taraf teri hi aamad ka samaaN hota hey
jesey kisi aavaaz ke dhokey meiN koi murr kar dekhey
jesey sehra meiN saraaboN ka gumaaN hota hey
By: Amal
Re: "Poet Of The Month - - - Poet Of GS"
main nay nahi yay Amal nay likha tha. so ithought let it be :d. neechay date bhi likhi hai main nay jis date ko Amal nay post ki thi yay :)
oh acha :LB:
Re: "Poet Of The Month - - - Poet Of GS"
Ik shola sa hey dil meiN jo ke bujhta hi nahi hey
aur ik dard hey musalsal jo ke rukta hi nahi hey
saaNsoN ka aana jaana to tasalsul ke saath hey
par meiN ab tak ji rahaa hooN, lagta hi nahi hey
mujhey us ke rang-o-bu ki koi khabar nahi ab to
meri neend sey wo khaab ab guzarta hi nahi hey
waqt ke haath tum ney apna har khaab beych diya
par ye meri wafa ka bhaao hey jo girta hi nahi hey
** sehra ney thak haar ke ye poocha hey falak sey
kya faaeda us baadal ka jo barasta hi nahi hey
**
By: Amal
(Posted on 19th July, 2001)
Re: "Poet Of The Month - - - Poet Of GS"
Sawaal-naama
Merey lab pe jo duwa hey
kya tujh ko kuch pata hey
ke wo kis ke waastey hey!
merey tasavvuroN meiN har su
jo ik gulaab khila huwa hey
usey kis ki aarzu hey!
terey aaNganoN meiN aa kar
jo chaandi ruki hey
usey kis ki justuju hey!
is koocha-e-dilbari meiN
ye jo itni roshni hey
wo kis ko dhooNdti hey!
meri bekhudi ko taktey
ye jo chaand haNs raha hey
to usey kya lag raha hey!
ke fasl-e-gul kaheeN nahi hey
fiza phir bhi mehak rahi hey
teri rahguzar meiN har su
jo chiraagh jal rahey heiN
unhey aag kis ney di hey!
Zara soch kar bataana
kya tujhey yuN nahi hey lagta
ke merey lab pe jo duwa hey
merey tasavvuroN meiN har su
jo gulaab khila huwa hey
wo terey waastey hey…!
By: Amal
bus baqikal aj kaliye itna hi:D