kuch nazmein

deadsoul · July 3, 2007, 7:18am

Re: kuch nazmein

wah ji wah

kash
tumhari muhabat k haath hotay
jo dheeray dheeray dil pay apni grift mazboot kertay
meri khawahishoon ko samayt'tay
khushion k chotay barey jugnu
pyar aur ahistagi say
meri rooh pay rekhtay
jism k under beith ker
meri ankhoon ko holay holay band kertay
tumhari tasweer ankh ki putlion mein saja ker
meri bikhri muhabat ko apni goud mein akhatta kertay
aur phir mujhey thap-thapatey
sarey dukhoon ko jhatek ker
tumhein aur mujhey zindagi ki kali dori mein
do sachey mootyon ki tarah parotey
kash
tumhari muhabat k haath hotay

tahreem_saeed · July 3, 2007, 9:04am

Re: kuch nazmein

beautiful thanks 4 participating

**Mera aina mera aks bhi'
meray meherban ki nazar hua....
meri siskian, meri aarzoo,
meri justujoo, meri chashm e tar, mera her safer'
meri soch k sabhi zaviye'
wo diay jo us nay bujha diay'
meri hastian, meri bastian'
meri shairi, meri raagni'
Meray saath jin ka guzer hua"
MERAY MAHERBAAN KI NAZAR HUA! **

deadsoul · July 3, 2007, 9:18am

Re: kuch nazmein

nice
ji ap phir agyin

woh aksar mujh say kehti thi
meri bass itni khwahish hai
kuch aisay pehchani jaon
app k naam say jani jaon

tahreem_saeed · July 3, 2007, 9:22am

Re: kuch nazmein

wah maza aagaya jee main phir aagee:D

**APNE PHONE PE APNA NUMBER
BAAR BAAR DIAL KERTI HOON
AUR SOCHTI HOON
KAB TAK US KA TELEPHONE ENGAGE RAHE GA
ITNI ITNI DER TALAK WO
KIS SE BAATAIN KERTA HO GA **

deadsoul · July 3, 2007, 9:27am

Re: kuch nazmein

hmmm apnay fone pay na karain na
nice

mohabbat main koi bhi "kaaf" nah hota
"kia","kab,"kaisay" aur "kio"
koi bhi lafz nahi hota
mohabbat mujh say shro hokar
tum pay khatam hojati hai
mohabbat main koi bhi kaaf nahi hota

tahreem_saeed · July 3, 2007, 9:33am

Re: kuch nazmein

wah dead soul jee maza aagaya sab pey bhari gayee ye post ,

Dua ki soorat mein us ki khatir,
"jo mere honton se lafz nikley,
"jo meri ankhon se ashk nikley,
unhi k badlay mein ay KHUDAYA.....
jab bhi us ka naseeb likhna
''UROOJ likhna,
"KAMAL likhna,
"kabhi na harf-e-ZAWAL likna.
"aur us ki umar-e-draaz likhna,

deadsoul · July 3, 2007, 9:40am

Re: kuch nazmein

khobsorat tehreem
dua k akhir me ameen bhi likha karain

Kisi Kamzor Lamhay Main
Ager Tum Say Keh Doon
Mujhay Tum Say Mohabbat Hai Tou
Tum Yeh Mat Samajh Lena K
Main Nay Such Kaha Hoga
Aisi Dil Nasheen Baton Ko
Aisay Dilber Pairaye Main
Mujhay Bachpan Say Aata Hai
Meri Aankhein Mera Chehra
Mera Yeh Bay-Sakhta Lehjaa
Yeh Sab Kuch Jhoot Kehta Hai
Isay Tum Jhoot He Kehna Mager
Iss Jhoot Main Ek Such Yeh Bhi Hai
K
Mujhay Tum Say Mohabbat Hai

tahreem_saeed · July 3, 2007, 9:50am

Re: kuch nazmein

ok jee I will Inshallah

yeh qissa buhat puraana hai
kuch yaad raha kuch yaad nahi
jo yaad raha...
bas aankhen then
bas aankhen then...
kuch khwabeedah, si khwabeedah
do jheel si gehri aankhen then
men doob gaya in aankhon men
ab is se ziyadah yaad nahi...!!!

deadsoul · July 3, 2007, 9:55am

Re: kuch nazmein

buhat khob

tanhayi
mulaqaat
pyar,mohabbat, ishq
aur phir judayi
bol meray dost
aik he saal main
tanhayi say judayi ka safar kais alaga...?

tahreem_saeed · July 3, 2007, 10:01am

Re: kuch nazmein

***Jab Shaam Dhalay Chalte Chalte
Manzil Ka Na Koi Naam Milay
Ik Hansta Hua Aaghaaz Milay
Ik Rota Hua Anjaam Milay
Palkon Ke LarazTey AshkoN Se
Is Dil koi Koi Paighaam Milay
Aur Saari Wafaaon Ke Badlay
Mujh Ko Hi Koi Ilzaam Milay
Aisay Hi Kisi Ik Lamhay Main
Chupke Se Kabhi Khaamoshi Main
Kuch Phool Achaanak Khhil Jayen
Kuch Beetay Lamhay Yaad Aayen
Tab Yaad Tumhari Aati Hai

deadsoul · July 3, 2007, 10:08am

Re: kuch nazmein

hmmm

"CHAAND"

aik say musaafir hain
aik sa muqaddar hai
main zameen pay tanha
aur woh asmaanon main

tahreem_saeed · July 3, 2007, 10:19am

Re: kuch nazmein

sorry dc hogaya tha net

**Suniye..."
Apni Khubsurat Kalayi Mein
Barey Chao Se
Choorian Ghumatey Hoye Uss Ne Kaha
Yeh Choorian Dekhiye
Kaisi Hain ?
Aap Ko Pasand Hain ?
Yeh Aap Ke Naam Ki Hain
Hum Ne Aap Ki Taraf Se Li Hain
Aap Hamary Ho Na ?
Ho Na ? Aap Hamary...
Iss Se Pehlay k Vo
Meri Aankh Mein Chamaktay Aansoo Dekhti
Jaldi Se Main Ne Kaha
Han Bohat Khubsurat Hain Yeh Choorian
Tumhari Kalayii Mein Khoob Saj Rahi Hain
Mery Naam Ki DaweyDaar
Vo Pyarii Masoom Larki
Khushi Se Muskura Di
Aur Bhool Gayi
Apney Sawal Ka Jawab...!!! **

deadsoul · July 3, 2007, 10:26am

Re: kuch nazmein

abhi to sirf
ummedain he reh gayi hain
kio k shayad duyaen
apna asar kho baithi hain
duayon ki qaboliyat say
mera yaqeen dagmata jaraha hai
dua to qismat badal deti hai
kia "to" meri qismat me nahi
ya....
kia meri dua
ab tak na mukammal hai...

tahreem_saeed · July 3, 2007, 10:43am

Re: kuch nazmein

sorrry 4 late reply net stupid

***Nahi falsafa koi ishq ka
Jahan dil jhukay
Wahin sar jhuka
Wahin zanu morh k baith ja
Na koi sawal-o-jawab kar

deadsoul · July 3, 2007, 10:58am

Re: kuch nazmein

Besabab to na theen teri yaadain
teri yaadon se kia nahin seekha
zabt ka hosla bharha laina
ansoun ko kaheen chupa laina
kanpti dolti sadaon ko
chup ki chadar se dhaanp ker rakhna
besabab bhi kabhi kabhi hansna
jab bhi ho baat koi talkhi ki
mouzo-e-guftogu badal daina
besabab to nahin teri yaadain
teri yaadon se kia nahin seekha

tahreem_saeed · July 4, 2007, 10:02am

Re: kuch nazmein

sorry kal ligh chali gayee the ye lein aaj is ka jawab :D

*baarishon ka mausam hai
rooh ki fizaaon main
gham zada hawaaon main
bay sabab udaasi hai
is ajeeb mausam main
bay qarar raaton ki
bay shumaar baatain hain
un ginat fasaanay hain
jo buhat khamooshi say
dil pe sehtay phirtay hain
aur ba amar majboori
sab say kehtay phirtay hain
"aaj mausam buhat accha hai
aaj hum buhat khush hain" *

deadsoul · July 4, 2007, 10:16am

Re: kuch nazmein

Mujhe Har Kaam Say Pehlay
Sehar Say Shaam Say Pehlay
Yehi Eik Kaam Karna Hai
Tumhara Naam Lena Hai
Tumhi ko Yaad Karna Hai
Kay Jaab Bhi Dard Pena hai
Kay Jab Bhi Zakham Seena Hai
Ghum-e-Duniya Say Gabra kar
Mujhe Jab Jaam Lena Hai
Tumhara Naam Lena Hai
Tumhi Ko Yaad Karna Hai
Tumhari Yaad Hai Dil Main
Kay Eiik Sayad Hai Dil Main
Koi Barbad Hai Dil Main
Ussay Abaad Karna Hai
Tumhara Naam Lena Hai
Tumhi Ko Yaad Karna Hai

tahreem_saeed · July 4, 2007, 10:19am

Re: kuch nazmein

hmmm bohat khoob

Ab Yunhi Kabhi Baithay Baithay,
Kuch Yaad Achanak Aa ja Ay
Her Baat Say Dil Bayzar Sa Ho,
Her Cheez Say Dil Ghabra JaAy
Karna Bhi Mujhay Kuch Aur He Ho,
Kuch Aur He Mujh Say Ho JaAy
Kuch Aur He Sochoon Mein Dil Mein,
Kuch Aur He Hontoon Per Aa Ay
Aisay He Kisee Aik Lamhay Mein,
Chupkay Say Kabhi Khamoshi Mein
Kuch Phool Achanak Khil Ja Ain,
Kuch Betay Lamhay Yaad Aa Ain
Tub Yaad Tumhari Aatee Hai ...
Phir Man Mera Sharmata Hai...

deadsoul · July 4, 2007, 10:25am

Re: kuch nazmein

hmmm wah

Suno!
naraz ho hum se
mager hum woh hain jinhain manana nahi ata
kisi ne aaj tak hum se mohabbat jo nahi ki hai
mohabbat kis tarah hoti
humarey shehar k atraaf main to sakht pehra tha khizaon ka
aur is shehar -e-pareshan ki faslain to zerd patton se ladi thin
aur in main
na khushbo thi na koi phool tum jaisa
mehak otthtey humarey deeda dil jis ki qurbat se
hum aisy shehar ki sunsaan galiyun main kisi sokhey howey
weeran patttey ki tarah the
k jab zalim hawa hum per khadam rakhti to os k paoon
k neechy humara dam nikal jata
mager patt jhar ka woh mousum sapna tal chuka hai ab to
mager jo haar hona thi woh to ho chuki hum ko
Suno!!!
HAREY HOWEY LOGON SE ROTT'HA NAHI KARTEY

tahreem_saeed · July 4, 2007, 10:32am

Re: kuch nazmein

wah wah bohat khoob

juda hona hi thehra to
gilay kaisay shikayat kya
juda ho jayen chupkey se
na tum bolo na main boloon
hamare bol perne se
judaayi phhail sakti hai
hawaun main
fizaaaaon main
judaai zaat main bher lein
chalo ham is terha ker lain
kisi sunsaan raste ke
kisi bhi morre per dono
juda ho jayen chupke se
na tum bolo na main bolon
hamare bol parney se
judayi phhail sakti hai