[QUOTE]
*Originally posted by zawanfira: *
[/QUOTE]
that was gr8 woh meray dil ki deewarain hila gaya chup chaap.....
Bahut shukriya ke ap ne meri thread ko baess-e-tareef samajh kar reply kiya ... Is thread ka har lafz jissay pukaar raha thaa, hakeekat hai ke dua agar dil se ki jaye tu raegaan nahee hoti ... Khush raho hamesha abaad raho .. Ameen
[thumb=E]ab_main_dohondo117849_7279975.JPG[/thumb]
**
Bicharne se zara pehlay
Tumhein bhi soch lena chaheyey thaa
Haan, tumhein bhi soch lena chaheyey thaa
Ke yun chaahat ko thukraaya nahee kartay
Ke yun beetay dinoo ko bholna acha nahee hota
Ke yun anjaan ban kar chain se jeena
Hamaaray waastay mumkin nahee hoga
Tumhein bhi soch lena chaheyey thaa
Ke woh baatain jo hum ek dosre se kar chuke hain
Ab kabhi waapis na ayengi
Ke woh lamhay jo hum ek dosray mein ji chuke hain
Phir kabhi zinda nahee honge
Bicharne se zara pehlay
Tumhein bhi soch lene chaheyey thaa ...**
Meri bijli mera haasil kahaan hai ...
Muqaam us ka hai dil ki khalwitoon mein ...
Khuda jaane muqaam-e-dil kahaan hai ...
Jis din se juda woh hum se huwe, is dil ne dharakna chor diya
Hai chaand ka munh utra utra, taaroon ne chamakna chor diya
Woh paas hamaare rehtay thay, be-rut bhi bahaar aajati thee
Ab laakh bahaarain ayain tu kya, phoolon ne mehakna chor diya
Hum-raah koi saathi bhi nahee, ab yaad koi baaki bhi nahee
Ab phol khilain zakhmon ke kya, aankhon ne barasna chor diya
Hum ne yeh dua jab bhi maangi, taqdeer badal de ay Maalik
Awaaz aaee ke ab hum ne, taqdeer badalna chor diya
Jis din se juda woh hum se huwe, Is dil ne dharakna chor diya
Hai chaand ka munh utra utra, taaroon ne chamakna chor diya ...**
**
Aaj ehsaas huwa hai mujh ko
Tum ne sar paoon pe rakh kar mere
Bheek maangi thee rafaqat ki jab
Mein ne kuch ban'ne ki dhun mein us wakt
Aur koi hoor koi apsara paane ke leye
Ya kisi apne se mazboot ghirane ke leye
Tum ko tarpaaya thaa, thukraaya thaa
Aakhri apni mulakaat thee woh
Hoor tu mil gaee mujh ko lekin
Us ne qadmoon pe kaee baar jhukaya mujh ko
Aise lamhoon mein Khuda jaanta hai
Tum kaee baar mujhe toot ke yaad aaee ho ...**
**
Mein kab ka apne aansoo paunch kar
Bazaahir daftari kaamoon mein uljha
Dukh bhara dil
Hansta chehra le ke betha hoon
Magar woh beetay lamhay jo
Tumhari qurbatoon ke sath guzray thay
Nazar uth'tee hai meri itefaaqan bhi
Tu ankhoon ke kinaroon per
Nami mehsoos hoti hai
Mujhe phir zindagi mein kuch
Kami mehsoos hoti hai ...**
**
Aaj se das bars qabal hum
Bas, kisi be-sabab baat per
Lar paray thay
Khafa hogaye thay
Juda hogaye thay
Zamaana guzarta gaya
Wakt bhi zakhm bharta gaya
Hum idhar se udhar hogaye
Hum udhar se idhar hogaye
Be-khabar hogaye
Naukari saath le kar mujhe
Shehar dar shehar phirti rahi
Zindagi, wakt ki out mein chupp gaee
Barf girti rahi
Daftari kaam barhtay gaye
Khair, phir bhi, kabhi shaam ko
Sair se laut aane ke baad
Aur kabhi, raat ko dair tak jaagnay aur
Likhne likhaane ke baad
Lamha bhar ke leye hi sahi
Mein ussay yaad karta raha
Aur ... zamaana guzarta raha
Aaj, jab, das baras baad
Phir, lamha bhar ke leye
Phone per us ki awaaz, mein ne suni
Mein, ussay
Aur tu kuch nahee keh saka
Bas, koi ek nana sa aansoo
Meri aankh se beh saka
Phone ke band hone se pehlay ...**