~ Few Selections ~

Arts & Culture Poetry ( Intikhaab & Sho'ra-e-Gupshup)
141

Bhulaoon kaise ...
Woh tera mujh ko salaam karna
Woh meri nazroo ke zaweyoo ko
Badal ke apna ghulam karna
Woh tera mujh per nigah karna
Woh lab gazeda si muskurahat se munh chupa kar nibah karna
Woh tera mujh se sawwal karna
Woh inbisaat-e-hayyat ban kar
Mere ghamoo ko nidhaal karna
Bhulaoon kaise... !
Woh mauj baad-e-saba ke shanoo pe raqs karti
Haseen zulfain
Woh surkh hontoo se shasta lafzoo ka jhilmilaana
Woh tera mehfil mein aanaa jaanaa bhulaoon kaise
Bhulaoon kaise, yehi tu jeene ka hai sahaara
Tumheein kahoo kuch, Tumheee bataaooo
Inhein mein kaise chupa sakonga
Inhein mein kaise bhula sakonga ...

142

**
Yunhi hansi hansi mein hum
diloon se khail jaate hain
Koi choti si theekhi baat
Koi chubhta huwa jumla
Koi zehar alood lejha
Koi be-zarar si zu-maeni baat
Sun'ne wale ke dil per ghaoo laga jati hai
Phir kitne hi talafi ke marham lagao
Qatra qatra khoon tapakta hi rehta hai
Woh aansoo jo aankh se girta hi nahee
Ander hi ander jam jata hai
Barf per gire, moum ke qatray ki tarha
Aur woh barf tu shayad wakt ki garmi se
Phighal jati hai
Magar woh qatra jab pighalne lagta hai
Phail jaata hai
Barh jata hai, bas khatm nahee hota
Aur
Yunhi hansi hansi mein hum
Diloon se khail jate hain ...**

143

Sargoshi karna kaan mein mere gun'gunana chupke se
Woh madham sansoon ki aanch kareeb aana chupke se

Hawao'oun ki tarannum mein gana mere leye geet
Woh tamaam shab mujhe taktay rehna chupke se

Dil-e-bekhabar ko chahat ke shehar se agaah karna
Muhabatton ke raaz afshaa karna chupke se

Pichli raat ke akhri pehar neend se mera jaag jana
Woh mere sarhaanay se kisi ka khara hojana chupke se

Khwaboon ki kehkashaoun mein sath sath chalna mere
Phir achanak hath chura kar nazrain churana chupke se

Aas hai ke phir se laut ayenge woh din woh raat
Warna ay umer-e-rawaan yunhee beet jaana chupke se

Saba keh de woh mujhe ek baar phir se aa kar
Guzra na koi din tumhein yaad keye bina chupke se ...

144

Jab mein haar jaati hoon ...

Jab mein haar jaati hoon
Haan ... Jab mein haar jaati hoon
Mein laut nahee paati
Bas thehar jaati hoon
Log jab haartay hain tu
Gharoon ko laut jaatay hain
Magar mein tu ruk jaati hoon
Aur mere baal dhool se att jatay hain
Meri paoon thakkan se shall
Magar mein bas ek jagah khari
Patthar aankhoon aur pathar dil se sab ko dekhti jati hoon
Kyon ke
Mein buzdil hoon
Mujh mein lautnay ki himmat nahee hoti
Mein darti hoon
Mein laut gaee tu
Mere dil ki aag dheemi par jaayegi
Mere muqabil ki khushi ki tarah
Is liye
Jab mein haar jaati hoon
Mein ruk jaati hoon
Ke jeetne waloo ko koi dukh na ho
Meri kami bhi mehsoos na ho
Bhala jeetne waloo ko koi pachtawa kyon ho
Sazaayain tu
Haarne waloo ka maqsoom hoti hain
Jab mein haar jaati ho tu ro bhi nahee paati
Kyon ke
Muhabbaton ka soug nahee manaatay
Shikasatoon ko roug nahee banaatay
Mein bas hansti jaati hoon
Meri khushk aankhain aur patthar qeh'qahay
Meri rooh ko
Pyaasa aur zakhmi kar dete hain
Magar mein hansti rehti hoon
Kyon ke
Mein buzdil hoon
Mujh mein rone ki himmat nahee hoti
Mein darti hoon
Mere aansoo
Kisi ki saza na ban jaayain
Jeet ka taana na ho jayain
Aur phir
Jo mujh se lartay hain
Woh mere apne hotay hain
Mere muqabil
Meri muhabbat mere sapnay hotay hain ...

145

Meri muhabbat ki kahaani
Ungleyoon se tapakte huwe lahoo ki kahaani hai
Jo aankhoon ke samne
Qatra qatra kar ke tapakta hai
Aur dil ke saamne
Apne nishanaat ke seyah parne tak
Zameen ka zakhm ban kar numaayaan rehta hai
Meri muhabbat ki kahaani
Sehrao'on ki pyaas ki kahaani hai
Aur sadeyon hi se har saraab ke peeche dewanawar bhag rahi hai
Meri muhabbat ki kahaani
Rutoon ki bewagi ki kahaani hai
Jis ke haath mein betay huwe lamhoo ki khush tehnoeyoo
Aur jali huwi patteyoon ke siwa
Kuch bhi nahee
Meri muhabbat ki kahaani
Shehroon ki ghuttan aur jungloo ke sakoot ki kahaani hai
Jab ek ek saans pe bhaari zanjeerain par jaati hai
Aur badan kisi androoni badan per bojh lagne lagta hai
Meri muhabbat ki kahaani
Khushk dareyaaon ki kahaani hai
Jin ke barhana seene
Pagdandeyoo aur rah-guzaroon
Ki aireyyoon talay kuchle jate hain
Meri muhabbat ki kahaani
Jala watan deewane ki kahaani hai
Deewaana jo khud apne waatan mein bhi
Kisi jala watan hi ki maanind hota hai
Meri muhabbat ki kahaani
Aisi ratoon ki kahaani hai
Jab chaand tu nikalta hai lekin
Chaand aur nigahoon ke darmeyaan
Nadeeda tareekeyaan hayyal rehti hai
Mein kya sunaoon
Meri muhabbat ki kahaani ek aisi kahaani hai
Jis ka markazi kirdaar
Khud apni zaat ke adhoore pan ki karabnaak
Saleeb per latka
Kisi gumshuda kirdaar ko sadayain de raha hai
Aur sadeyoon ke intezaar mein dafan hai...

146

Jis mor per keye thay hum ne qaraar barsoon
Us se lippat ke roye deewana-war barsoon
Tum gulsitaan se aaye zikar-e-khizaan hi laaye
Hum ne qafas mein dekhi fasal-e-bahaar barsoon
Hoti rahi hai yun tu barsaat aanso'oun ki
Uth'tay rahay hain phir bhi dil se gubaar barsoon
Woh sangdil thaa tu koi begaana-e-wafa thaa
Kartay rahay hain jis ka hum intezaar barsoon
Jis mor per keye thay hum ne qaraar barsoon
Us se lippat ke roye deewana-war barsoon ...

147

**
Wafaein keh ke jafaein karna
Na kisi ko aaye tu tum se seekhay
Koi dil se apni pehli muhabbat
Bhulla na paaye tu tum se seekhay

Saath dene ki qasmain khaa ke
Saath chalne ke waaday kar ke
Do chaar qadam bas chal ke koi
Palatna chaahay tu tum se seekhay

Mein bekhabar thaa na jaan paaya
Ke is bholi larki mein barra hunar hai
Ishq ke sauday mein nafaa nuqsaan
Koi samajhna chaahay tu tum se seekhay

Ji chahay jab tak khailoo diloon se
Tumhare leye tu sab dil-lagi hai
Kisi ke khwaboon ko maut de kar
Koi hasna chahay tu tum se seekhay

Falsafa-e-muhabbat se anjaan ban kar
Sab jaan kar bhi nadaan ban kar
Koi kisi ki hasti ko barbaad kar ke
Khud basnaa chahay tu tum se seekhay ....**

148

Dil ki chotoon ne kabhi chain se rehne na diya
Jab chali sard hawa mein ne tujhe yaad kiya
Is ka rona nahee kyon tum ne kiya dil barbaad
Is ka gham hai ke bahut dair mein barbaad kiya ...

149

Kitnay nadaan thay hum
Humein yeh ab maloom huwa
Teri har baat ka najaane kyon
Dil ne bila-jhijhak aitbaar kiya
Kya khabar thee ke tu ek dikhawa thaa
Roz naye bahaanay bana kar
Tu ne hamare dil ko barbaad kiya
Ab na humein tum se koi shikwa hai na shikayat
Hairat hai tu apne is dil per hai
Kaise is dine ne tera aitbaar kiya ...

150

**Niklay thay kahan jaane ke liye,
Pohonchay hain kahan maloom nahi
Ab apne bhatke kadmon ko,
Manzil ka nishaan maloom nahi

Humne bhi kabhi is gulshan mein,
Ek khwaab-e-bahaara dekha tha
Kub phool jharay, Kub gard urhi,
Kub aayi khizaan maaloom nahi

Dil shola-e-gham se khaak huwa,
Ya aag lagi armaanon mein
Kya cheez jali kyun seene se
Utha hai dhuwaan maloom nahi

Barbaad wafa ka afsaana hum
Kisse kahain aur kaise kahain
Khaamosh hain lub aur duniya ko
Ashkon ki zubaan maloom nahi...**

151

*Hum tu zinda thay Jee rahay thay magar
Loog Aa Aa kay Hum ko Maar Gaey
Hum bhi aik din ussay bhula day gain
Aur yehi shart Uss say haar gaey....... *

152

Woh aksar aisa karti thee
Kaghaz pe likh kar naam mera
Janey kya kya soch kar
Phir us ko mitaya karti thee
Bina aahat ke aksar aati thee
Aur chupke se mujhe sata kar
Kahin chhup jaya karti thee
Woh aksar aisa karti thee
Kabhi kangan ghuma kar haathon mein
Aur hounton ko daba kar daanton mein
Dil ko tarpaya karti thee
Raat ke kisi peher mein merey
Kaanon mein sargoshi karke
Mujh ko jagaya karti thee
Woh aksar aisa karti thee

Haal-e-dil mera sunne ke baad
Aksar sharam se daanton mein
Woh ungli bhi dabaya karti thee
Jab chherta paa kar usey tanhayee mein
To sharma ke merey shaano'n par
Zulfein bikhraya karti thee
Woh aksar aisa karti thee ...

153

[thumb=E]Copyofghazal00117849_8724763.JPG[/thumb]

154

[thumb=E]WP304517849_2486846.JPG[/thumb]

155

[thumb=E]NISHANI17849_2486846.JPG[/thumb]

156

[thumb=E]12077617849_3735272.JPG[/thumb]

157

[thumb=E]2317849_2486846.JPG[/thumb]

158

[thumb=E]i26896219379617849_2486846.JPG[/thumb]

159

[thumb=E]9869717849_5346750.JPG[/thumb]

160

[thumb=E]Bujha_diye17849_2091227.JPG[/thumb]