Bhool jaane ka hausla na huwa
Door reh kar bhi woh juda na huwa
Tujh se mil kar kisi se kya miltay
Koi tujh jaisa doosra na huwa
Mere shairoon mein us ki surat hai
Jis ko dekhe huwe zamaana huwa
Sirf uss se wafa na ki 'Rashid'
Jo kabhi hum se bewafa na huwa ...
Darmeyaan mere us ke khwaab ki musaafat thee
Yeh magar hakeekat hai us ko meri chaahat thee
Darmeyaan bichay thay jo faasilay safar jaisay
Woh bhi kuch raqeeboon ki baahami siyasat thee
Khubaroo balaa ka thaa, chaand jaisa chehra thaa
Chaal hirneyoon jaisi aur bhi qayyamat thee
Mein ne jis ko dekha thaa maatami nigahoon se
Us ke shokh lehjay mein kis qadar sharaarat thee
Bewafa sa lagta thaa dekhne mein woh lekin
Aankh mein nami aana pyar ki alaamat thee
Us ke baad mein us ko phir kabhi nahee bhoola
Jis ke yaad aane ki sirf ek saa'at thee
Mere chairh dene per us ka sirf 'Naa' kehna
Us ke phool lehjay mein kis qadr halaawat thee
Us ne mujh ko chaaha thaa toot kar 'Raza' lekin
Saath umer bhar rehtay ... iski kab zaamanat thee ...
all of these are great:k:
Bunch of thanks for you Swera not even for keep visiting the thread but also for your rememberance … God bless you and you may get success in your ambition … Ameen !
Simply a GREAT Collection...
Thanks a lot and keep it up.....
Pramod
Its really wonderful to see you back ... Where were you man ? Glad that you still remember me ... I hope to see your wonderful poetry soon ! Thanks for the comments ...
all of them are superb :k:
thanks for sharing
mahnoor
Thank you for your kind words of appreciation and visiting my thread …
bouhat khoob… zawanfira :k:
Thanks AsSweetAs ...
Nice Selections
ARIF nawaz 
zawan fira after a long long time 
kedhar ghayab they vaisey mein khodh bhe ghayub then 
ap ki nokri sahi hae jamadar wali
seema didi or ap dono safai karnay valay they 
Khuda ap ko bhi always khush rakhay:)
ameen sum ameen
:k:
Bohat khoob.
Bahut shukriya Nazam for your rememberance … Well nice to see you back and hope you are enjoying your life … The thing you are talking about is the past and remember past always give you pain, even in my case, I commented what I felt …
Takcare of yourself !
[QUOTE]
*Originally posted by Swera: *
Khuda ap ko bhi always khush rakhay:) ameen sum ameen
[/QUOTE]
Thank you very much Swera for the prayer ...
Khuda mere hissay ki khushiyaan ussay de dain ... Ameen summa Ameen !
Aisi hi sard shaam thee woh bhi
Jab woh mehndi rachaaye haathoon mein
Surkh aanchal mein munh chupaaye
Apne khat mujh se lene aaee thee
Us ki sehmi huwi nigahoon mein kitni khamosh iltejayain theen
Us ke chehre ki zard rangat mein kitni majboreyoon ke saaye thay
Mere hathoon se khat pakartay hi
Jane kya soch kar achanak woh
Mera shaana pakar ke roee thee
Us ke yaqoot rang hontoo ke, kap'kapaatay huwe kinaroo per
Sabt beetay huwe zamaanay thay
Sainkroo un-kahay afsaanay thay
Sard shaamoon mein aaj bhi aksar
Us ki rukhsat ka be-sada manzar, meri aankhon mein jhilmilata hai
Ek lamha hinaee haathoon se mujh ko apni taraf bulata hai
Aisi hi sard shaam thee woh bhi ...
Amjad Islam Amjad
Abhi yeh baat kal ki hai
Abhi yeh baat kal ki hai
Ke mein aur tu kisi lamhay
Milay thay ajnabi ban ke
Kaheen anjaan raahoon pe
Abhi yeh baat kal ki hai
Kiya thaa saath dene ka
Tum ne mujh se waada
Magar kuch din hi guzray thay
Khilay thay phool jo dil mein
Mehak jin ke tum se thee
Khizaan ke aahani haathoon
Sabhi murjha gaye aakhir
Dil-e-betaab ki dharkan
Meri aankhain mere baazoo
Tumhein sab yaad kartay hain
Magar tum aankh se oujhal
Bahut hi door ho mujh se
Mera yeh almeyya dekho
Chamman ke beech mein tanha
Khara umeed ke is aakhri patay ke jharnay ka
Azzeyyat naak manzar bhi
Khulli aankhoon bari hi bebasi se tak raha hoon
Soch mein gum summ
Achanak khud se kehta hoon
Abhi yeh baat kal ki hai
Ke mein aur tu kisi lamhay
Milay thay ajnabi ban ke
Kaheen anjaan raahoon pe ...
Yeh bata de mujhe zindagi
Phool kyo saare murjha gaye
Kis leye bhujh gaee chaandni
Yeh bata de mujhe zindagi ...
Kal jo baahoon mein thee
Aur nigahoon mein thee
Ab woh garmi kahaan kho gaee
Na woh andaaz hai
Na woh aawaaz hai
Ab woh narmi kahaan kho gaee
Yeh bata de mujhe zindagi ...
Bewafa tum nahee
Bewafa hum nahee
Phir woh jazbaat kyo sogaye
Pyar tum ko bhi hai
Pyar hum ko bhi hai
Faasilay phir yeh kyon hogaye
Yeh bata de mujhe zindagi ...