wowwww this one is beautiful 
Zabardast jee thx 4 sharing :)
Thank you Mahnoor … glad you like it
[QUOTE]
*Originally posted by Mrs_Mazhar: *
Zabardast jee thx 4 sharing :)
[/QUOTE]
Mrs_Mazhar Aap ki aamad ka bahut bahut shukriya ...
God bless you ... !
Jab un se mulakaat ka waada bhi nahee hai ...
Bana gulaab tu kaantay chubba gaya ek shaks
Huwa chiraag tu ghar hi jala gaya ek shaks
Tamaam rang mere aur saaray khwaab mere
Fasaana thaa ke fasaana bana gaya ek shaks
Mein kis hawa mein urroon kis fiza mein lehraoun
Dukhoon ke jaal har ek soo bicha gaya ek shaks
Pallat sakoon na mein, naa agay hi barh sakon mein jis per
Mujhe yeh kon se rastay laga gaya ek shaks
Muhabbatain bhi ajjab us ki, nafratain bhi kamaal
Meri tarah ka hi mujh mein sama gaya ek shaks
Khulla yeh raaz ke aaenaa khaana hai duniya
Aur is mein mujh ko tamaasha bana gaya ek shaks ... ...
Us tarah se na kabhi toot ke bikhray koi ...
Mujhe tum kabhi bhi bhula na sakoge
Na jaane mujhe kyon yaqeen hochala hai
Mere pyar ko tum mitta na sakoge
Meri yaad hogi jidhar jaaoge tum
Kabhi naghma ban ke kabhi ban ke aansoo
Tarapta mujhe har taraf paaoge tum
Shama jo jalaee hai meri wafa ne
Bhujaana bhi chaaho bhuja na sakoge
Kabhi naam baatoon mein aaya jo mera
Tu bechain ho ho ke dil thaam loge
Nigahoon mein chaaye ga gham ka andhera
Kisi ne jo poocha sabab aanso'oun ka
Bataana bhi chaaho bata na sakoge
Mujhe tum nazar se gira tu rahe ho
Mujhe tum kabhi bhi bhula na sakoge
Na jaane mujhe kyon yaqeen hochala hai
Mere pyar ko tum mitta na sakoge ...**
Din guzar gaya aitbaar mein
Raat kat gaee intezaar mein
Woh maza kahaan wasl-e-yaar mein
Lutf jo mila intezaar mein
Un ki ek nazar kaam kar gaee
Hosh ab kahaan hoshiyar mein
Mere kabzay mein kainaat hai
Mein hoon ap ke ikhteyar mein
Aankh tu uthee phool ki taraf
Dil ulajh gaya husn-e-khaar mein
Tujh se kya kahain kitne gham sahain
Hum ne bewafa tere pyar mein
Kis tarah yeh ghum bhool jayain hum
Woh juda huwa is bahaar mein ...
Kabhi yun bhi tu ho ...
Dariya ka Saahil ho, poore chaand ki raat ho
Aur tum aaoo ...
Kabhi yun bhi tu ho ...
Pareyoon ki mehfil ho, koi tumhari baat ho
Aur tum aaoo ...
Kabhi yun bhi tu ho ...
Kabhi yun bhi tu ho
Yeh naram mulayyam thandi hawain
Jab ghar se tumhare guzrain
Tumhari khushboo churrayain
Mere ghar aayain
Kabhi yun bhi tu ho ...
Kabhi yun bhi tu ho ...
Sooni har mehfil ho, koi na mere saath ho
Aur tum aaoo ...
Kabhi yun bhi tu ho ...
Kabhi yun bhi tu ho
Kabhi yun bhi tu ho
Yeh badal aisa toot ke barsay
Mere dil ki tarah milne ko tumhara dil bhi tarsay
Tum niklo ghar se
Kabhi yun bhi tu ho ...
Kabhi yun bhi tu ho
Kabhi yun bhi tu ho
Tanhaee ho dil ho, boondain ho, barsaat ho
Aur tum aaoo ...
Kabhi yun bhi tu ho ...
Kabhi yun bhi tu ho
Kabhi yun bhi tu ho
Dariya ka Saahil ho, poore chaand ki raat ho
Aur tum aaoo ...
Kabhi yun bhi tu ho ...
Kabhi yun bhi tu ho ...
Kabhi yun bhi tu ho ...
Apni marzi se kahaan apne safar ke hum hain
Rukh hawao'oun ka jidhar ka hai udhar ke hum hain
Pehlay har cheez thee apni magar ab lagta hai
Apne hi ghar mein kisi dosre ghar ke hum hain
Wakt ke saath hai mitti ka safar sadeyoon se
Kis ko maloom kahaan phir hain kidhar ke hum hain
Chaltay rehtay hain ke chalna hai musafir ka naseeb
Sochtay rehtay hain kis raah-guzar ke hum hain ...
Mein jis ke hijar mein phirta hoon pagloon ki tarah ...
Qusoor yeh thaa ke jeenay ke khwaab dekhay thay ...
Liya thaa ek waada tum ne mujh se
Hamesha khush hi rehna hai
Tu dekho ... dekh lo aa ke
Meri aankhoon ko dekho tu
Yeh kitni shokh lagteen hain
Mere hontoo ko dekho tum
Hamesha muskuraatay rehtay hain
Koi bhi gham agaya aaya
Issay hans kar sahaa hai mein ne
Mere chehray ko dekho tum
Hamesha pur-sukoon rehta hai
Mujh se miloge tu tum sochoge
Kiya thaa mein ne jo tum se
Woh waada kar diya poora
Magar ek baat hai janaan
*Kabhi jo wakt mil jaaye
Tu meri shaaeri parhna *
Tumhein mehsoos tu hoga
Kaheen talkhi bhara jumla
Kaheen pe sard sa lehja
Kaheen pe dard ki jheelain
Kaheen lehjay ki karwaahat
Suno ... Suno meri jaanaan !
Mein khush tu hoon lekin
Lahoo har lafz rota hai ...
Sadma tu hai mujhe bhi ke tujh se juda hoon mein
Lekin yeh sochta hoon ke ab tera kya hoon mein
Bikhra para hai tere hi ghar mein tera wajood
Bekaar mehfiloon mein tujhe dhoondta hoon mein
**
Kya jaanay kis ada se liya tu ne mera naam
Duniya samajh rahi hai ke sab kuch tera hoon mein**
Le mere tajruboon se sabaq ay mera raqeeb
Do chaar saal umer mein tujh se bara hoon mein ...
Chupke chupke se tere aane ka poocha mujh se
Poocha, sandaisaa koi, chitti koi aayee hai ... ?
Gun'gunaate huwe jharnoon ne zara tham tham ke
Poocha saajan ki khabar kaheen paayee hai ... ?
Aaj phir rat'jagaa aangan mein mere utreyga
Aaj phir neend ki waadi mera ghar bhooleygi
Aaj phir chaand ke chehre ka ye an'chuwaa tilsim
Mujhe dekheyga tu bas dekhta reh jaayega
Aaj phir bhoor'bhuye tak teri baatain khud se
Apni tanhaee se hi karti chali jaoongi
Aaj phir birhaa ki mari huwi badli koi
Meri aankhoon mein jo jhaankeygi, thithakk jaayegi
Aaj phir dair talak... dair talak... dair talak
Tu na aayega... teri yaad chali aayegi...
Jaan-e-jaanaan mehsoos mat karna magar
In dinoo bemaar bhi hoon aur kuch halaat bhi ache nahee
Raat din sochoon mein gum rehti hoon
Dosre alfaaz mein ab "mein" nahee rehti hoon
"Tum" rehti hoon mein
Ek guzarish hai bura mat maan'na
Mere khat meri tasveerain tamaam
Mujh ko waapis bhej do
Meri mangni hone waali hai bahut majboor hoon
Us ki tasveerain aur us ke tamaam khat
Mein ne chun chun kar rawaana kar deye
Us ne phir likha ke saari zindagi
Apni thehreeroon ki tasveroon ki surat mein sada
Ab tumhein dekhongi mein
Apni saansoon se bahut nazdeek paongi tumhein
Dosroo ke waastay mein bhool jaongi tumhein ...
Us ki mehfil mein jaa ke dekh liya
Apna sab kuch lutta ke dekh liya
Laakh samjhaaya per na samjheyga
Dil ko phir aazmaa ke dekh liya...
Patthar kahaa gaya kabhi sheesha kaha gaya
Dil jaisi ek cheez ko kya kya kaha gaya
Shairoon mein us ke husn ko kya kya kaha gaya
Baadal ko zulf phool ko chehra kaha gaya
Socho tu yeh bhi ek qafas hi tu hai jissay
Thehzeeb ki zubaan mein kamra kaha gaya
Ek baat ikhteyaar se baahar jo thee ussay
Kis khoobsurati se tamanna kaha gaya
Hairat hai un ki bazm-e-muhabbat mein kal 'Zafar'
Mujh se gunheghaar ko apna kaha gaya...
Magar
Khwaab....
Khwaab tu khwaab hote hain
Mere shaour ki aankhoon ne
Jab dekhna seekha tu khwaab nahee dekhay
Khwaab dekhne ki khwaahish
Aur
Us ke azaab dekhay
Muhabbat
Us ka tassavur raushan lagta hai
Magar
Andhere bhar deta hai rooh mein
Weraan kar deta hai dil ki basti ko
Mujh se bhi
Pehla jurm yehi huwa
Mein ne jab likhna seekha tau
Pehla lafz muhabbat likha
Bahut likha
Kaee tarah se likha
Us ki khushboo
Aur us ke tamaam tangoo ko khud mein abaad kiya
Mein muhabbat ki is jang mein
Khoobsurati se bikharna aur marna chahati thee
Mein ne
Woh umer
Apni us zindagi mein bahut talaash ki
Jo titleyoon aur jugno'oun ko muttheyoon mein
Qaid kar ke khush hone ki hoti hai
Gurreyoon se khailne
Aur
Sahiloon per seepeyaan chun'ne se pehlay
Rait ke gharounday banaane ki hoti hai
Magar
Meri zindagi ke samundar per
Na Saahil hai
Na saahiloo ki hawa
Bas rait hi rait hai... rait hi rait
Aur
Hawa ka rait se samjhoota....
Mujhe tu aankhain bachaana theen
Meri aankhoon ne dheroo dhair aansoo dekhay
Magar yeh aansoo mein ne raeygaan nahee jane deye
Girte rahay
Mere dil ke waseeh sehra mein
Behtay rahay
Thanday aur meethay dharoon ki tarah
Mujhe zindagi karna chaheyey thee
Magar
Kya yeh koi aisi shay hai jo khud ki jaa sakti hai
Zindagi mujh se nahee hosaki
Aur phir mein
Aik had per aa kar ruk gaee
Mein is zindagi ke saath
Is ki shartoo per
Is se zeyada aagay nahee ja sakti thee
Mein ne shaeeri ki
Aur
Apni shart per ki
Jaisi bhi ki
Mujhe is se apne tamaam hi rishtoo per garoor hai
Ke yeh sab kuch mera hai
Mera apna
Us ka nahee
Jo rastoo
Aur
Nehar kinaaray
Aistaada darakhtoo per
Sar-e-shaam
Do namoo ko jor kar
Aik naam banaata hai
Aur
Bhool jaata hai
Bhool jaana
Sach se mukharraf hojaana hai
Kirdaar se khaali hojaana....
Meri saari ki saari tanhaee
Yaad rakhne
aur
Sach bolne ki saza hai
Mujhe kuch nahee bhoola
Zard pholoon ki baarish se le kar
Laho laho karti
Rasmoo aur qasmoo tak
Rawajoon aur samajoon tak
Sach
Jo mera yaqeen hai
Mera emaan hai
Ab
Kai tarah ki batoon
Aur barsatoon ne
Ghair rakha hai mujhe
Mere charoo taraf beshumaar ankhain hain
Aur in mein
Meri aankhain
Meir apni aankhain
Sulaghti
Talash karti aankhain
Talaash karti
Zakham khaati aankhain
Aur mein ne tu kabhi
In aankhoon ko
Jhappak kar bhi nahee dekha
Jaanay kyon
Aik dharka
Aik khadsha
Jahaan mein aankh jhapkoongi
Waheen per haadsa hoga
tulooh-e-aaftaab ka manzar acha lagta hoga
Magar
Yeh tu shab guzarne per hai naa
Aur
Mujhe tu shab ke guzarne tak
Aankhoon ko chiraag rakhna hai
Mujhe nahee maloom
Mere saath kisay jagna hai
Mujhe tu bas yeh khabar hai
Ke
Mein jaag rahi hoon
Muhabbatain jab shumaar karna
Meri hayaat-o-kainaat ka
Aaeenaa hai
Aaeenaa tu sach boleyga
Aur phir
Mera aaeenaa
Mein apne sach ke leye
Kaheen bhi
Kabhi bhi
Ma'azratt nahee chahoongi ...
Phool thay, rang thay, lamhoo ki sabahat hum thay
Aise zinda thay ke jeene ki alaamat hum thay
Sab khurd'mand bane phirte thay mashallah
Bas tere shehar mein ek sahab-e-wehshat hum thay
Naap bakhsha hai tujhe kis ke dafoor-e-gham ne
Gar koi thaa tu tere mujrim-e-shohrat hum thay
Rat-jagoon mein teri yaad aaee tu ehsaas huwa
Ek zamaane mein teri neend ki raahat hum thay
Ab tu khud apni zaroorat bhi nahee hai hum ko
Woh bhi din thay ke kabhi teri zaroorat hum thay
Dhoop ke dasht mein kitna woh humein dhoondta thaa
Aitbaar, us ke leye abar ki surat hum thay...