~ Few Selections ~

Amarbail · February 16, 2004, 7:35pm

Phir ajj woh bholi kahani yaad ati hai
Tumhare saath guzri zindagani yaad ati hai
Tumhe bhole hue bhi ek zamana ho gaya lekan
Jhalak jati hai ankhen jab purani yaad ati hai
Woh jis mein markazi kirdar hasil tha kabhi mujhko
Mein jitna bholti hon woh kahani yaad ati hai
Mere dil ko gham-e-duniya ki dulat bakhshne wale
Mujhe reh reh ke teri meherbani yaad ati hai
Ujarte dil ki duniya dekhna khamosh rehjana
Abhi tak Doston woh bezubani yaad ati hai ...

Amarbail · February 16, 2004, 7:42pm

Mujh se door tum ban ke ajnabi kab tak rahogi
Mere bina tum is bhari duniya mein kaise rahogi

Bhool jaana mujhe maazi ki tarah tumahre bas mein nahee
Yeh nakaam koshish aakhir tum kab tak karti rahogi

Waabasta hai meri zaat se tumhaara aik aik pal
Apni zindagi ki door ko tum kab tak jortay rahogi

Hum ko tum ne thukra diya ek bejaan se shay samajh kar
Apne dil ke sukoon ko tum har taraf dhoonti rahogi...

Amarbail · February 16, 2004, 7:45pm

Bichar kar chaand se ek tanha taara
Tumhare bin mera yeh dil bechaara
Kabhi lauto tu yunhi
Waise hi ek baar aana
Hamaari qabr per ek deep laana
Jala ke is mein apni aarzo'oain
Jala ke is mein sare shikwe apne
Keye thay pyar mein jo hum ne waday
Jala dena woh tum sare ke sare
Woh khwahish hum ne jo ek sath ki thee
Woh sare khwab jo mil kar thay dekhay
Woh khushiyaaan
Gham woh jo mil kar sahe thay
Woh sab ke sab waheen per chor dena
Tum aisa karna ke phir laut jaana
Hamaari qabr pe na aansoo bahaana
Tum aisa karna ke phir laut jaana
Magar
Jane se pehle aik pal ko
Palat kar dekhna aur yaad karna
Woh larki
Haan woh ek pagal si larki
Tumhari raah takti thee hamaisha
Tumhee ko yaad karti thee hamaisha
Achaanak
Chor di kyo us ne duniya
Bas ek lamhay ko itna soch lena
Phir apne aanso'oon ko ponch lena
Tum aisa karna ke phir laut jaana
Tum aisa karna ke waapis na aanaa ...

Amarbail · February 16, 2004, 7:48pm

**Aansoo bhari hain yeh jeevan ki raahain
koi un se keh de humein bhool jaayein

Waaday bhula dain qassam tor dain woh
Haalat pe apni humein chor dain woh
Aise jahaan se kyo hum dil lagaayein
Koi un se keh de humein bhool jaayein

Barbaadeyoo ki ajjab daastaan hoon
Shabnam bhi roye mein woh aasmaan hoon
Unhain ghar mubaarak humein apni aahaaein
Koi un se keh de humein bhool jaayein

Aansoo bhari hain yeh jeevan ki raahain
koi un se keh de humein bhool jaayein ...**

Amarbail · February 17, 2004, 5:34am

<center*A L V I D A*

Alvida
Saal-e-guzashta ke aakhir guzartay lamhoo
Tumhare be-ant dhoop saaye hi
Kitne yaraan-e-dil garafta ke khwab masmoom kar gaye thay
Woh jin ki aankhoon ne khwaab dekhay
Haseen subhoo, sabeeh shamoon ke
Un ki aankhoon mein kircheyaan hain
Woh jin ke haathoon ne pyar likha
Woh jin ke zehanoo ne aman socha
Unhi ko tum ne jala diya thaa
Tu yeh na socho ... Ke hum ne un ko bhula diya hai
Yeh chand lamhoo ki baat hai ab
Tumhare lamhay simat rahe hain
Phir ek suraj, wafa ka suraj nikal raha hai
Umeed-e-subhe nihaal lekar
Naya ilm hum bana rahe hain
Yaqeen naa aye tu dekh laina
Jo kal ka suraj ubhar raha hai
Woh roshni ka khiraj dega
Hamare khoon ki misaal dega
Hamaara khoon raayegaan na jaaye
Ay subh-e-awwal ki pehli kirnoo
Gawaah rehna
Tumhein nikhaara lahoo se hum ne
Gawaah rehna ke hum ne jaise bhi hosaka hai
Phir apna khoon-e-jigar jala kar
Woh aakhri shab guzaar li hai
Hamaara suraj, wafa ka suraj
Muhabatton ka masaal suraj
Nikal raha hai
Alvida ...
Shaam-e-nashagufta ...

Amarbail · February 17, 2004, 5:49am

Bahut tanha sahi lekin ...
**
Bahut tanha sahi lekin
Yeh tanhaee likhi jo hai naam mere
Yeh sab meri nahee jaanaan !
Kabhi socha karo tum bhi
Mere lamhay ... sabhi lamhay
Tumhare naam hotay thay
Meri shaamain, meri subhain
Tumahre naam hoti theen
Tumhare sath gar chaltay koi zarra
Meri aankhoon mein aajata
Tu tum bechain ho jaati
Tumhare hath resham se mere kandoo per aajatay
Wohi romaal komal sa
Meri aankhoon mein aajata
Tumhari saans phir goya
Meri aankhoon mein yun chalti
Masehaaee ko khud tum ne apne saath hi paala hai
Meri aankhoon ke beenaee
Kaheen se barh ke aajati
Achaanak haath jab mera
Tumhare tan se choo jaata
Tumhare jism ka resham achanak hi ulajh jaata
Tumhara lams lekin mere jism-o-jaan ka sathi thaa
Wohi lamhay, wohi mausam ab hain lekin
Wohi zarray meri aankhoon mein partay hain
Magar ab tu meri khaatir koi be-kal nahee hota
Mere kandhoo pe haath apne aur
Aankhoon mein masehaae ki saansain bhi nahee bharta
Mujhe aankhoon ki beenaii bahut kamzoor lagti hai
Aur ab tu surkh doray aankh mein rehtay hain pehroo tak
Unhain yeh kaun samjhaaye
Masehaee ki khaatir aablay aankhoon pe mat bandho
Magar aadat jo hojaye
woh dil se kab nikalti hai
Bahut tanha hoon mein lekin
Yeh dil ko kaun samjhaaye ...**

Amarbail · February 17, 2004, 6:24am

Agar hai mumkin tu bhool jao ...
**
Tum aakhri baar milne aaee ho
Aur apne tamaam khat le ke jaa rahi ho
Inhi khatoon mein tumhari tasveer
Khushbo'oun mein basa mulayam sufaid kagaz
Ke sabt jin per tumhare hontoo ke nishaan hain
Aur naam mera
Tum is tarah apne saath mujh ko bhi
Be-nishaan kar ke jaa rahi ho
Khud apne dil ko rula rahi ho
Tu yun karo
Apni saari yaadain
Tamaam waaday ... bhula ke jao
Agar yeh mumkin hai mera tum se bichar kar rehna
Tu meri aankhain sulaghti rakhna
Wagar na maazi kabhi mujhe aur tum ko dohra gaya tu
Tu shayad mein apne maazi ke sach pe
Izhaar-e-ma'zrat bhi na kar sakonga
Agar hai mumkin
Tu saari rasman, tamaam qasmain
Bhula ke jaoo
Wisaal waadoon ki kashteyaan sab
Jalaa ke jao
Agar hai mumkin
Tu bhool jao ...**

Amarbail · February 17, 2004, 7:12pm

Kabhi hansna, kabhi aansoo bahaana yaad aayega
Tumhein woh pyar ka guzra zamaana yaad aayega
Tumhein phir yaad aayenge hamari sharamgeen nigahain
Mera woh phir rooth kar muskuraana yaad aayega
Chuppeyga badaloon ki aout mein jab chaand ka chehra
Dupattay se mera woh munh chuppaana yaad aayega
Barheygi shaam jab aaye shafaq ki surkheyaan lekar
Tu mera woh haath pe mehndi rachaana yaad aayega
Bahut kuch yaad aayega tumhein meri judaee mein
Kanhakhatti chooreyoon ka gungunaana yaad aayega
Jhuka paaoge jab tum kisi nazuk si daali ko
Hayya ke bojh se sar ko jhukaana yaad aayega
Karakktti bijleyaan maazi ke afsaanay sunaayengi
Woh darr ke bazo'oun mein kapkapaana yaad aayega
Dam-e-rukhsat ki woh gharreyaan musalsal yaad aayenge
Lippat kar tum se woh aansoo bahaana yaad aayega...

Amarbail · February 17, 2004, 7:22pm

Gum summ huwa awaaz ka dariya thaa jo aik shaks
Patthar bhi nahee ab woh, sitaara thaa jo aik shaks

Shayad woh koi harf-e-wafa dhoond raha thaa
Chehroon ko baray gaur se parhta thaa jo aik skaks

Sehra ki tarah jo dair se pyaasa thaa woh shayad
Badal ki tarah toot ke jo barsa thaa aik shaks

Ay taiz hawa koi khabar us ke junoon ki
Tanha safar-e-shouk pe nikla thaa jo aik shaks

Ab aakhri sitroon mein kaheen naam hai us ka
Ehbaab ki fehrist mein jo pehla thaa aik shaks

Hathoon mein chupaaye huwe parhta hai kaheen zakham
Sheeshay ke khiloonoo se behalta thaa jo aik shaks

Murr murr ke ussay dekhna chahain meri aankhain
Kuch door mujhe chorne jo aaya thaa aik shaks

Ab us ne bhi apna leye duniya ke kareenay
Saaye ki rafaqat se bhi darta thaa jo aik shaks

Har zehan mein kuch naks-e-wafa chor gaya hai
Kehne ko baray shehar mein tanha thaa jo aik shaks

**Munkar hai wohi ab meri pehchaan ka 'Mohsin'
Aksar mujhe khat khoon se likhta thaa jo shaks ...

Amarbail · February 17, 2004, 7:25pm