[QUOTE]
Originally posted by zawanfira: *
Kabhi waapis na aaonga
Magar tum dheyaan rakhna
Tu mujh ko yaad kar lena...
[/QUOTE]
:( bohat khoob...
I wrote something like that, too.
Aisay laga ke ek zamaanaa guzar gaya
Sub ke leye buland rahe haath umer bhar
Apne leye duwaoon ka lamha guzar gaya
Koi hajoom dehr mein karta raha talaash
Koi raah-e-hayaat se tanha guzar gaya
Milna tu khair us ko naseeboon ki baat hai
Dekhe huwe bhi us ko zamaana guzar gaya
Dil yun kata huwa hai kisi ki judaee mein
Jaise kisi zameen se dareyaa guzar gaya
Is baat ka malaal bahut hai mujhe adeem
Woh mere samne se akela guzar gaya
Hum dekhne ka dhang samajhte rahay adeem
Itne mein zindagi ka tamaasha guzar gaya
Baaqi bas aik naam-e-Khuda reh gaya adeem
Sab kuch baha ke wakt ka dareya guzar gaya...
Kisi ka haath thaam kar
Hansti huwi nazar aaoon
Tu yeh mat samajhna ke
Mein ne tumhari yaadoon ko bhula diya hai
Woh pehla naqsh jo yaad ban kar
Mere dil mein jum sa gaya hai
Ajnabi qadmoon ki aamd-o-raft ne mita diya hai
Khali frame ke ander
Maslehatt ke taur per
Mein ne kisi aur ki tasver sajai tu hai
Magar tum tu jaantay ho
Meri jaan...
Jis tarah bichar jaana
Tumhari majboori ban gaya
Ussi tarah zinda rehne ke leye
Mein ne bhi wakt ke saath
Ek samjhota kiya hai ...
Muhabbatoon ke deye jala ke
Meri wafa ne ujaar deen hain
Umeed ki basteyaan basaa ke
Tujhe bhula denge apne dil se
Yeh faisla kiya tu hai lekin
Na dil ko maloom hai na hum ko
Jeeyenge kaise tujhe bhula ke
Kabhi milenge jo raastay mein
Tu munh phira kar pallat parenge
Kaheen sunenge jo naam tera
Tu chup rahenge nazar jhuka ke
**Na sochne per bhi sochti hoon
Ke zindagi mein kya raheyga
Teri tamanna ko bas mein kar ke
Tere khayaloon se door ja ke...**
Dil chahta thaa jis tarha waisa nahee raha
Un se mile bhi hum tu judai ke mor par
Kashti huwi naseeb tu dariya nahee raha
**
Kehtay thay ek pal na jeyenge tere bagair
Hum donoo reh gaye hain woh wada nahee raha**
Kaate hain is tarha se tere baad shab-o-roz
Mein saans le raha thaa per zinda nahee raha
Aankhein bhi dekh dekh ke khwab aa gaee hain tang
Dil mein bhi ab woh shauk woh lapka nahee raha...
[QUOTE]
*Originally posted by zawanfira: *
Kisi ka haath thaam kar
Hansti huwi nazar aaoon
Tu yeh mat samajhna ke
Mein ne tumhari yaadoon ko bhula diya hai
Woh pehla naqsh jo yaad ban kar
Ajnabi qadmoon ki aamd-o-raft ne mita diya hai
I]
[/QUOTE]
Bohat khoob...
mashaAllah
Zindagi ki raahoon mein
Baar'haa yeh dekha hai
Sirf sun nahee rakha
Khud bhi aazmaaya hai
Wah!
Kisi sapnay ko sacha jaan'na acha nahee hota
Is duniya mein sathi tu bahut mil jaayenge lekin
Kisi ko yun akela chorna acha nahee hota
Na jaane kis ke dil mein kis tarha ka chor betha ho
Yun sab ke saamne dil kholna acha nahee hota
Khabar kya kis ghar saare wafaoon ko woh thukra de
Kisi ko is qadar bhi chaahana acha nahee hota
Lakeeroon ko lakeeroon ka hi darjah do tu behta hai
Lakeeroon mein muqqadar dekhna acha nahee hota ...
Aksar aisa bhi hota hai
Jaise dil seenay mein
Chup hojaata hai
Har soo
Ek andheyaar ghup hojata hai
Us lamhay
Bas ek dua yaad aati hai
Ya Rab
Tu ussay khush rakhna ... *
(Ameen)
Kisi khushi ki tamanna nahee rahi
Lekin sirf ek khwahish
Teri nafrat ki zaroor hai
Meri jaan nafrat karo
Mujh se !
Isqadar shadeed
Jaise meri muhabbat
Meri muhabbat tere dil mein
Wafa ke phool tu na khila saki
Magar yeh yaqeen rakh
Teri nafrat rayegaan nahee jayegi
Mere jazboon ko
Lamha lamha mout mileygi
Magar yeh soch bhi baes-e-sukoon hai
Ke !
Ke mera daaman khali nahee
Aur teri sakahwat ka bharam bhi reh jayega
Mujh se toot kar nafrat karo
Itni nafrat ke
Mujhe apni zaat se
Har jazbay se
Har khwahish se
Nafrat ho jaye
Magar
Ek muhabbat sirf baqi rahe
Jo Arif ko tum se hai...
Anso'oun ko chupa kar muskuraana acha laga
Tum ajnabi thay mere leye
Magar apna jaan kar acha laga
Pehchaan tu ek pal ki thee
Magar sadeyoon se jaan kar acha laga
Khwaboon mein yadoon mein tum thay
Magar tum ko bhulaana acha laga
Meri rooh ka ek hissa thay
Magar khud se juda karna acha laga
Meri zindagi ka sarmaaya thay
Magar tum ko lautaana acha laga
Mere armaanoon ka saawan thay
Magar tum ko barsaana acha laga
Meri khushiyoon ka jahaan thay
Magar tum ko mitaana acha laga
Khud ko bhool janaa aur
Tum ko yaad karna acha laga
Sab khwahishoon ko mitaana
Sirf tumhein paana acha laga
Logoon ke kehnay mein aana aur
Sab kuch bhulaana bolo kissay acha laga
Yehi tu rasm-e-duniya hai issay nibhaana acha laga ...
Very amAziN :k:
KahAN say liya ye sab?
apNAy dil say?
ya kitaab say? 
ya kidarh aur se?
Keep up the good work bhai! 
Arif Nawaz, thanks for sharing your wide collection.
Ofcourse I have not read all of them, but the ones I have read are all very nice.
Thanks once again.
Dekhte hein sab mujhe, pehchanta koyee nahin
Main ne khud masdood kar rakhe hein apne raaste
Mera dushman khud mere apne siva koyee nahin
Aarzoo ke dasht mein, kuch khawahishon ki simt mein
Chal raha hoon main agarche raasta koyee nahin
Dil ke hai ik goonjtee khamoshiyoon ke shaher sa
Shor sa barpaa hai lekin bolta koyee nahin
Sab mere chehre pe mattii dekhte hein ghour se
Raasta kitna kathin tha sochta koyee nahin
Aye mere sab an-kahe lafzon ko sun'ne wale Rab
Haath phaile hein magar lab per duaa koyee nahin
Woh jise Jawaid khone ka kabhi socha na tha
Ab usay paane ka shayad raasta koyee nahin ...*
Faqat ek khwaab ki chaah mein har hakeekat bhula di hum ne
Ab sochtay hain kyoon khud ko yah saza dee hum nay
Dono hee qaid rahay apni an'a kay hisaar main
Na us nay murh ke daikha na sada dee hum nay
Es umeed pe ke kabhi to shab-e-gham ki bhi sahar ho gee
Tamaam umar teeragi main hee bita dee hum nay
Rishtay bhi ajnabi thay ajnabi dayaar kay
Wohi dushman-e-jaan hoa jisay dil main jagah dee hum nay
Ahl-e-dunia dushmani janay kis tor nibha laitay hain
Ek dosti nibhanay main umar ganwa dee hum nay
Zindagi pahlay bhi kuch itni sahal nahi thee
Phir tujhay chah ke aur bhi kathin bana li hum nay
Un ko bhi ho khabar yah zaroori to nahi
Jin ki khatir apni hasti tak mita dee hum nay
Us kay laut kar aanay ka koi waada tha na umeed
Janay kyoon phir woh raah har shaam taki hum nay ...*
Laut jaata hai agar koi khafa shaam ke baad
Woh jo tal jaati rahi sar se bala shaam ke baad
Koi tu thaa ke jo deta thaa dua shaam ke baad
Aahain bharti hain shab-e-hijar yateemoon ki tarah
Sard ho jaati hai har roz hawa shaam ke baad
Shaam tak qaid raha kartay hain dil ke andar
Dard hojaatay hain saaray hi riha shaam ke baad
Log thak haar ke so jaatay hain lekin janaan
Hum ne khush ho ke tera dard saha shaam ke baad
Shaam se pehlay talak laakh sulaaye rakhain
Jaag uth'ti hai muhabbat ki ana shaam ke baad
Chaand jab ro ke sitaroon se galay milta hai
Ek ajjab rang ki hoti hai fiza shaam ke baad
Hum ne tanhaee se poocha ke milogi kab tak
Us ne bechaini se forun hi kaha shaam ke baad
Mein agar khush bhi rahoon phir bhi mere seenay mein
Sougwaari koi roti hai sada shaam ke baad
Tum gaye ho tu seyah rang ke kapray pehnay
Phirti rehti hai mere ghar mein qaza shaam ke baad
Laut aati hai meri shab ki ibaadat khaali
Jaanay kis arsh pe rehta hai Khuda shaam ke baad
Koi bhoola huwa gham hai jo musalsal mujh ko
Dil ke pataal se deta hai sada shaam ke baad
Maar deta hai ujjar jane ka dohra ehsaas
Kaash ho koi kisi se na juda shaam ke baad...*
Ab ke tujhe sapurd-e-Khuda bhi na kar sakay
Taqseem ho ke reh gaye sad kircheyoon mein hum
Naam-e-wafa ka qarz ada bhi na kar sakay
Nazuk mizaaj log thay hum jaise aaeena
Tootay kuch is tarah ke sada bhi na kar sakay
Khush bhi na rakh sakay tujhe hum apni chaah mein
Achi tarah se tujh ko khafa bhi na kar sakay
Aisa salook kar ke tamashaee hans parain
Koi gila gudaaz, gila bhi na kar sakay
Hum muntazir rahay, koi mashq-e-sitam tu ho
Tum maslehat shanaas, jafa bhi na kar sakay...*
Manooo mitti ke neechay so gaye hain
Azeez-e-jaan hamesha jin ko samjha
Wohi ab dushman-e-jaan ho gaye hain
Bahut din baad hum roye hain itna
Ke aansoo, daagh dil ke dho gaye hain
Kaee misray hain dhundhlaaye huwe say
Ghazal ke shair aansoo ho gaye hain
Jo aansoo ponchnay walay thay mere
Kahaan ja kar woh aakhir so gaye hain...*
Tumhein mujh se muhabbat hai
Tum zindagi ke har maur per
Mere ham-rah rahogay
Meri rahoon mein
Phool nichawar kar dogay
Mere abroo ki jumbish per
Jaan nichawar kar dogay
Tum kehtay ho
Tumahra ishq pinho aur farhaad se siwa hai
Mujhe yaqeen hai mere hum-nasheen
Magar mein phir bhi
Apne dil ke darechay tum per bund rakhongi
Mujhe itafaqqat per bhi yakeen hai
Magar mein is say bhi tu anjaan nahee
Aur kya tum nahee jantay ke
Muhabbatain hamesha adhoori rehti hain ...