Bait Bazi - Part LXV

GuL-e-Tasbeeh · October 1, 2002, 6:59pm

Abhi abhi wuh gae haiN magar yeh Aalam hay
Buhat dinoN say wuh jaesey nazar nahiN aaey

ye*

Rameesha · October 1, 2002, 7:00pm

Assalam-o-alaikum Logo

Yeh ehl-e-dard haiN inka chalan he sab sey alag
makaaN rakhtey haiN our lamakaaN rehtey haiN
Hamarey bakht-e-sitamsaaz ka kamal he yeh
Gul-e-bahar haiN lekin khizaaN meiN rehtey haiN

Amal · October 1, 2002, 7:03pm

Wa Alykum Assalaam :)

**
Ujarr ujarr ke saNwarti hey terey hijr ki shaam
na pooch kesey guzarti hey terey hijr ki shaam

"meem"

Rameesha · October 1, 2002, 7:05pm

^^oper zara nazar kijiye Amal jee :D

GuL-e-Tasbeeh · October 1, 2002, 7:06pm

Wa Alaikum Assalaam :)

Muhabat kay liyey kuch khaas Dil makhsoos hotey haiN
Yeh wuh naghma hay, jo har saaz pe gaaya nahiN jaata

alif*

Amal · October 1, 2002, 7:06pm

my mistake :(

Rameesha · October 1, 2002, 7:08pm

:)

Us key ik ik harf ki teh meiN chahat ka darya dekha
LEKIN us ki aankh meiN hum ney aksar peyaas ka sehra dekha
dard ki rut meiN koon kissi key zahmooN per marham rakhta he
sardi ki ratooN meiN hum ney porey chaand ko tanha dekha

Amal · October 1, 2002, 7:08pm

**
Ab khushi hey na koi gham rulaaney waala
hum ney apna liya h ar rang zamaaney waala

"alif"

GuL-e-Tasbeeh · October 1, 2002, 7:10pm

In BaarishoN say Dosti Achi nahiN Faraaz"
Kacha Tera makaan hay, Kuch tou khayaal kar

Re*

Rameesha · October 1, 2002, 7:12pm

Ro meiN he rakhsh-e-umr kahan dekhiye thamey
Ney hath bhaag per nah pa he rakab meiN

Amal · October 1, 2002, 7:13pm

**
Raat phir aaey gi phir zehan ke darwaazey par
koi mehNdi meiN raNgey haath sey dastak dey ga

"alif"

GuL-e-Tasbeeh · October 1, 2002, 7:13pm

[QUOTE]
Originally posted by Rameesha: *
*Ro meiN he rakhsh-e-umr kahan dekhiye thamey
Ney bhaag per nah pa he rakab meiN
[/QUOTE]

humain ek lafz bhi samjh nahiN aya sniff

Amal · October 1, 2002, 7:14pm

my mistake, again :(

Rameesha · October 1, 2002, 7:15pm

ab dekhiye shayed samajh aa jaye :)

phir bhi nah samjh aayi to samjhaney ki koshish ker laitey haiN :D

GuL-e-Tasbeeh · October 1, 2002, 7:16pm

AankhoN meiN jitney Ashk thay Jugnoo say ban gaey
Wuh muskuraaya, aur Merii Duniya badal geyaa

alif*

GuL-e-Tasbeeh · October 1, 2002, 7:17pm

[QUOTE]
*Originally posted by Rameesha: *
ab dekhiye shayed samajh aa jaye :)

phir bhi nah samjh aayi to samjhaney ki koshish ker laitey haiN :D
[/QUOTE]

Tou samjhaaiye phir :-(

Amal · October 1, 2002, 7:18pm

**
Ab agar aao tu jaaney ke leeye mat aana
sirf ehsaan jataaney ke leeye mat aana

"alif"

GuL-e-Tasbeeh · October 1, 2002, 7:19pm

Uss ki khushi azeez thi, kuch Uss sey pyaar tha
Apni anaa" ko tor ke jhukna para Mujhey

ye*

Rameesha · October 1, 2002, 7:20pm

idhar bataooN ya PM marooN:)

Amal · October 1, 2002, 7:23pm

**
Ye jo hum rotey heiN chup kar kabhi tanhaai meiN
rafta rafta tujhey aaNkhoN sey nikaal aatey heiN

"noon"