Bait Bazi - Part LXV

GuL-e-Tasbeeh · October 28, 2002, 6:26pm

ye eik shab kii mulaaqaat bhii Ganeemat hay
kisay hay kaL ki KhabaR thorii duuR saath chalo

wao*

Amal · October 28, 2002, 6:29pm

**
Wo chal deeye to bazm-e-tasavvur meiN kya sajaaeiN
neendeiN hi urr gaeiN to khaaboN meiN kya raha

"alif"

GuL-e-Tasbeeh · October 28, 2002, 6:36pm

ik Ghazal Uss pe likhuuN diL ka taQaza hay buhat
in dinoN Khud say bichaR jaanay ka dharka hay buhat
Raat ho din ho ghaflat ho khwah bedaari ho
ussko dekha tou nahiN hay ussay socha hay buhat

Te*

Amal · October 28, 2002, 6:39pm

**
Tu khuda hey na mera ishq farishtoN jesa!
donoN insaaN heiN to kiuN itney hijaboN meiN mileiN

"noon"

GuL-e-Tasbeeh · October 28, 2002, 6:44pm

NaGma-e-nau-bahaaR agar meray naseeb meiN na ho
is dam-e- neem soz ko taairaak-e-bahaar kaR
ishQ bhii ho hijaab meiN husn bhii ho hijaab meiN
ya tu Khud aashakar ho ya mujhko aashakar kaR

Re*

Amal · October 28, 2002, 6:49pm

**
Resham zulfoN, neelam aaNkhoN waaley achey lagtey heiN
meiN shaer hooN, mujh ko ujley chehrey achey lagteyheiN

"noon"

GuL-e-Tasbeeh · October 28, 2002, 6:55pm

Na jis kii shakL hay koi na jis ka Naam hay koi
ik aesii sha'y ka kyoN hamaiN azaL say intezaaR hay

ye*

Amal · October 28, 2002, 6:59pm

**
yuN be'sabab to koi unhey poojta nahi
kuch to hey pattharoN meiN khad-o-khal ki tarha

"he"

GuL-e-Tasbeeh · October 28, 2002, 7:05pm

hum un kii tasweeR diL meiN chuhpaaey baeThe haiN
WeeraaN zindagii meiN ek Gul khilaaey baiThe haiN

Noon*

Amal · October 28, 2002, 7:08pm

**
Na koi khaab hamaarey na taabeereiN heiN
hum to paani pe banaai hui tasveereiN heiN

"noon"

GuL-e-Tasbeeh · October 28, 2002, 7:12pm

Niyat-e-shauq bhaR na jaaey kahiN
tu bhii diL say utaR na jaaey kahiN
Na mila kar Udaas logoN say
HusN Teraa Bikhar na jaaey kahiN

Noon*

Amal · October 28, 2002, 7:15pm

**
Nigaah-e-yaar ka kya hey, hui, hui na hui
ye dil ka dard hey pyare, gaya, gaya na gaya

"alif"

GuL-e-Tasbeeh · October 28, 2002, 7:19pm

Umeed tou bandh jaati taskeeN tou ho jaatii
wadaa na wafaa kartay wadaa tou kiya hota

Alif*

Amal · October 28, 2002, 7:25pm

**
Aankh rakhtey ho to us aaNkh ki tehreer parrho
mooN sey iqraar na karna to hey aadat us ki

"ye"

GuL-e-Tasbeeh · October 28, 2002, 7:37pm

ye nahiN ke dab gai hay kaheeN gard-e-roz-o-shab meiN
wuh khalish muhabtoN ki, wuh kasak rafaaqtoN ki

Ye*

Amal · October 28, 2002, 7:42pm

**
Ye phir sey kon unhi raastoN meiN chorr gaya
abhi abhi to aazaab-e-safar sey nikla tha

"alif"

GuL-e-Tasbeeh · October 30, 2002, 12:16pm

Eik wisaL ki baarish say wuh saaray shikway dhoh day ga
yaani meray saath LipaT ke kuch na kahay ga, Ro day ga

Alif*

Amal · October 30, 2002, 12:24pm

**
Is qadar pyaar sey aey jaan-e-jahaaN rakha hey
dil ke rukhsaar pe is waqt teri yaad ney haath
yuN gumaaN hota hey garchey hey abhi subh-e-firaq
dhal gaya hijr ka din, aa bhi gai wasl ki raat

"te"

system · October 30, 2002, 4:37pm

[QUOTE]
*Originally posted by Amal: *

"te"
[/QUOTE]

Tu jo badla tu badal gaye hum bhi
Mohabbet ki thee, bandagii tu nahi
Wakt kut jaye ga bahr-surat
Tu koi shart-e-zindagi tu nahi

Silver_Falcon_Of_Kashmir · October 30, 2002, 4:39pm

Tum Hamare kissi Tarah Naa Huwe
Warna Duniya Main Kya Nahi Hota!

  "Alif"