Bait Bazi - Part LXV

NikamiJano · October 13, 2002, 7:42pm

vo dil nasiib huaa jis ko daaG bhii na milaa
milaa to Gam-kadaa jis meiN chiraG bhi na milaa

"alif"

Amal · October 14, 2002, 9:57am

**
Aaena kiuN na dooN ke tamaasha kaheiN jisey
aesa kahaaN sey laooN ke tujh sa kaheiN jisey
sar par hujum-e-dard-e-gharibi sey daalye
wo ik musht-e-khaak ke sahaara kaheiN jisey

"ye"

GuL-e-Tasbeeh · October 14, 2002, 11:23am

ye dastuR-e-zubaaN-bandi hay kaesi terii mahfiL meiN
yahaN tou baat karnay ko tarastii hay zubaaN merii

Tapak aey shama aaNsu ban ke parwaaNe ki aaNkhoN say
sarapa Dard huuN hasraT bhari hay daastaaN merii

Ye*

Rameesha · October 14, 2002, 12:46pm

YahaN to saans bhi laina muhaal lagta he
Hum us faseel key qaidi haiN jis meiN dar bhi naheeN
Buhat shadeed he khuwahish urhaan ki lekin
Qafas-naseeb parindooN key bal-o-par bhi naheeN

NikamiJano · October 14, 2002, 1:15pm

na sawal-e-vasal na arz-e-gham na hikayteiN na shikayateiN
teRay ayhad maiN dil-e-zaaR k sabhi ikhtayaR chalaY gaye

"ye"

GuL-e-Tasbeeh · October 14, 2002, 6:19pm

yuuN hi nahiN mashhuuR-e-zamaanaa meraa qaatiL
us shaKhs ko is fan meiN mahaarat bhii buhat thii

ye*

Amal · October 15, 2002, 11:41am

**
Ye udaas udaas phirna, yuN kisi sey bhi na milna
hey yuN hi nahi ye sab kuch, koi saaneha to ho ga

"alif"

GuL-e-Tasbeeh · October 15, 2002, 3:44pm

Eik diL hay ke basaaya nahiN jaata hum say
Log SehraaoN ko guLzaaR bana detay haiN

Noon*

Amal · October 15, 2002, 3:51pm

**
Na to yun huwa ke terey baad hameiN mil gai nai zindagi
na yuN huwa ke terey baad hum sisak sisak ke mar gaey

"ye"

GuL-e-Tasbeeh · October 15, 2002, 3:55pm

yuuN bharosa tou hay buhat phir bhi
kyuN na eik baar Aazma'oN ussay

ye*

Rameesha · October 15, 2002, 5:01pm

Yeh khaloos koyi khaloos he keh dilooN meiN rabt-e-beham naheen
TumheeN aitraf-e-sitam naheen, mujee aitbar-e-karam naheen
Yeh faqt gharoor ki baat he keh zubaaN sey apni nah tum kahoo
tumheeN warna is ki khalish to he keh tumhari bazm meiN hum naheen

Amal · October 15, 2002, 5:24pm

Beautiful **Rameesha ji:k:

yaheeN kaheeN pe mila kabhi ke ab saji hey khizaaN jidhar nai khushbuoN ki mehak leeye meri rah-guzar pe kharra tha wo

“wao”

GuL-e-Tasbeeh · October 15, 2002, 5:58pm

wuh chand Lamhay milaap kay meri hasrtoN ka samar banay
wuh khawab thay ya sarab thay jo sanwar sanwar kay bigar gaey

ye*

Amal · October 15, 2002, 6:24pm

**Ye hasratoN ke gulab rang inhey bacha ke rakhna khizaaN sey tum
ik bar kaheeN jo jhulas gaey to phir kabhi na khileiN ge ye

"ye"

GuL-e-Tasbeeh · October 15, 2002, 7:03pm

ye shab-namii Lahjaa hay aahistaa Ghazal parhanaa
titallii kii kahaanii hay phuuloN kii zabaanii hay

ye*

Amal · October 15, 2002, 7:23pm

**
Yaad aa jaati hey jab terey tabassum ki hameiN
deir tak dil meiN chiraagaN ka samaaN rehta hey

"ye"

_Masoom_Muskaan · October 16, 2002, 7:29am

aham aham gul :k:

ye kesie Jabar kie Nokain rak-e-Gulon par hain
ye kaesei zulm hain mugh par Khuda kei hotei huwei

GuL-e-Tasbeeh · October 16, 2002, 1:57pm

^ M&M :nono: shhhhhhHH

ye kaun Aa geyaa meri bazm-e-Khayaal meiN
puuchaa mizaaj kis nay dil-e-soGawaar kaa

alif*

Amal · October 16, 2002, 2:44pm

**
is sey pehley ke rut badal jaaey
apney saarey gulaab ley jaana

"alif"

GuL-e-Tasbeeh · October 16, 2002, 5:31pm

Un ke dar pe pohanchne tou paaiN,
yeh na pochoo kay hum kya karaiN gay
Sar jhukana agar jurM ho ga,
hum nigahoN say Sajda karaiN gay

Ye*