Bait Bazi - Part LXIV

Amal · September 24, 2002, 5:12pm

**
Anaa ke bojh sey garchey jhuk gaya hey sar
magar meiN jaanta hooN wo aasra na maaNgey ga

"alif"

GuL-e-Tasbeeh · September 24, 2002, 5:15pm

Assalam-o-alaikum& Welcome !

Aek wisaal ki baarish sey wuho saarey shikwey dho day ga
yaani merey saath lipaT ke kuch na kahey ga, ro day ga

Next: alif*

Amal · September 24, 2002, 5:19pm

Wa alykum Assalaam & thanx Gul:)... and a very beautiful sheir of AIA...I love this.

**
aflaas ke taptey sehra meiN jo aek umar sey bhooka ho
wo bhook sey to mar jaey ga lekin duwaa na maaNgey ga

"alif"

GuL-e-Tasbeeh · September 24, 2002, 5:25pm

ur welcome:)

Itna tuutaa huuN ke chuuhney sey bikhar jaon ga
Ab agar aur duaa do gey tou mar jaon ga
Lekar mera pata waQt raiygaan na karo
MaiN tou Banjara huuN kya jaaney kidhar jaon ga

Next: alif*

Amal · September 24, 2002, 5:28pm

**
Us ney khaaboN ka shehar agar basaaya ho ga
mujh ko ehsaas ki dehleez par paaya ho ga

"alif"

GuL-e-Tasbeeh · September 24, 2002, 5:30pm

Ab mulaQat meiN wuh garmi-e-jazbaat kahaaN
ab tou rakhnay wuh mohabat ka bharam aatay haiN

Next: Noon*

Amal · September 24, 2002, 5:34pm

**
Nai rangiy-e-siyaasat-e-daoraaN to deikheeye
manil unheiN mili jo shareek-e-safar na they

"ye"

GuL-e-Tasbeeh · September 24, 2002, 5:36pm

Yaad thiiN hum ko bhi Ranga-Rang bazM aariyaN
Lekin ab naQsh-o-NigaaR-e-taaQ-e-NisyaaN ho gaeiN

Next: Noon*

Amal · September 24, 2002, 5:39pm

**
Na ghubaar meiN na gulaab meiN mujhey dekhna
merey dard ki aab-o-taab meiN mujhey dekhna
kisi waqt shaam-e-malaal meiN mujhey sochna
kabhi apney dil ki kitaab meiN mujhey dekhna

"alif"

GuL-e-Tasbeeh · September 24, 2002, 5:47pm

Aek purani rasam hay baQi aaj talak darbaroN meiN
chand say chehray chun detey haiN pathar ki dewaroN meiN

Next: noon*

Amal · September 24, 2002, 5:50pm

**
Na teri ibtida jaaney na teri inteha jaaney
magar dekhey bina har ik tujh ko lam-yazal maaney
nehaN tu hey, ayaaN tu hey, yahaN tu hey, wahaN tu hey
nazar phir bhi nahiN aata merey maalik kahaaN tu hey

"ye"

GuL-e-Tasbeeh · September 24, 2002, 5:56pm

^Beautiful She’r :k:

yeh Theekh hay koi marta nahiN judaai meiN
Khuda kisi ko kisi say magar Juda na karay

Next: ye*

Amal · September 24, 2002, 5:59pm

Thanx :)

**
ye aur baat teri gali meiN na aaey hum
lekin ye kya ke shehar hi chorr jaeiN hum
muddat hui hey ku-e-butaaN ki taraf gaey
aavaargi sey dil ko kahaaN tak bachaeiN hum

"meem"

GuL-e-Tasbeeh · September 24, 2002, 6:03pm

maiN tou gum tha teray hi dheyan meiN teri aas teray gumaN meiN
saba keh gaei meray kaan meiN meray saath Aa usay bhooL ja

Next: alif*

Amal · September 24, 2002, 6:07pm

**
is dor meiN bhala itni faraaghat kisey naseeb
itna na yaad aa ke tujhey bhool jaaeiN hum

"meem"

GuL-e-Tasbeeh · September 24, 2002, 6:11pm

Mujhey YaQeen Tou Nahin Par Ye Sach Hay Main Terey Liye UmraiN Guzaar Sakta HuuN
Yahi Nahin Ke Tujey Jeetney Ki Khawaish Hay Main Terey Liye Khud Ko Bhi Haar Sakta Hoon

Next: Noon*

Amal · September 24, 2002, 6:13pm

**
Nigaah-e-dehar meiN zarrey sahi magar hum log
zia ki bheek nahi maaNgtey sitaaroN sey

"ye"

GuL-e-Tasbeeh · September 24, 2002, 6:15pm

yuuN galat tou nahiN chehroN ka ta'sur bhi magar
Log waesay bhii nahiN jaesay nazar atay hain

Next: Noon*

Amal · September 24, 2002, 6:18pm

**
Na gila kiya na khafa huwey yuNhi raastey meiN juda huwey
na tu bewafaa na meiN bewafaa, jo guzar gaya so guzar gaya

"alif"

GuL-e-Tasbeeh · September 24, 2002, 6:20pm

Aa NahiN Saktaa Hay Wuh Kuch Uss Ki Hai MajbooriyaaN
Ja NahiN Paata HuuN MaiN Bhii Usskii Jaanib Kyon Kabhii

Next: ye*