Bait Bazi - Part LXIV

Amal · September 25, 2002, 6:33pm

**
yehi andaaz-e-deyaanat raha to kal ka taajir
barf ke baat leeye dhoop meiN bettha ho ga

"alif"

GuL-e-Tasbeeh · September 25, 2002, 6:36pm

Beautiful all time my fav:k:

Ab yeh sehra hi terey muQadar meiN haiN
Tunay mangii hi kyuuN thii Duaa Rait par

Next: Re*

Amal · September 25, 2002, 6:41pm

thanx:)

**
Rah-e-aashiqi ke maarey rah-e-aam tak na pohNchey
kabhi shub tak na pohNchey, kabhi shaam tak na pohNchey
mujhey mast agar banaa de ye nigaah-e-mast teri
mera haath kya nazar bhi kabhi jaam tak na pohNchey

"ye"

GuL-e-Tasbeeh · September 25, 2002, 6:43pm

ye kya ke ek jahaaN ko karo waqf-e-iztaraab
ye kya ke ek diL ko shakebaaN na kar sako
aesa na ho ye dard baney dard-e-La-zawaL
aesaa na ho ke tum bhii mudaawa na kar sako

Next: wao*

Amal · September 25, 2002, 6:46pm

**
Waqf rakhna ye andheroN ka kafan merey leeye
tum sey maaNgooN bhi to qurbat ki zia mat dena
phir na karna kisi ummeed se aaNkheiN roshan
phir merey dil meiN koi shamma jalaa mat dena

"alif"

GuL-e-Tasbeeh · September 25, 2002, 6:48pm

AgLii muhabtoN nay wuh Na-muraadiaN diiN
Taaza RifaQatoN say Dil tha dara dara sa

Next: alif*

Amal · September 25, 2002, 6:51pm

**
Itna be'his ke pighalta hi na tha baatoN sey
aadmi tha ke taraasha huwa patthar dekha
dukh hi aesa tha ke roya bohat Mohsin warna
gham chupa kar usey hanstey huwey aksar dekha

"alif"

GuL-e-Tasbeeh · September 25, 2002, 6:53pm

ab iLtefaat-e-khaas ki hum ko nahiN talaB
Manoos ho chukay haiN terii be-rukhi say hum..

Next: Meem*

Amal · September 25, 2002, 6:57pm

Gul am off for a while...see you later.

**
Meri zindagi hey zaaim terey gham sey aashkaara
tera gham hey dar'haqeeqat mujhey zindagi sey pyaara
wo agar bura na maaney to jahaan-e-rang-o-bu meiN
meiN sakoon-e-dil ki khaatir koi dhooNdh looN sahaara

"alif"

GuL-e-Tasbeeh · September 25, 2002, 7:01pm

ok.

Ik Terii hi kamii hay aesay Haseen paL meiN
Warna yahaN tou sub kuch Laai hay Chand RaaT

Next: Te*

NikamiJano · September 25, 2002, 7:45pm

turb is doo'aR puR ashoob miaN kia kuch nahi mumkiN
magaR dushmaN kia ho jab nigha-e-doostaa'N badlaY

"ye"

Amal · September 25, 2002, 7:45pm

**
yuN bhi nahi ke merey bulaaney sey aa gaya
jab reh nahi paaya to bahaaney sey aa gaya

"alif"

GuL-e-Tasbeeh · September 25, 2002, 7:52pm

WB !

ishQ bhii ho hijaab meiN husn bhii ho hijaab meiN
ya tu Khud aashakar ho ya mujhko aashakar kar

Next: Re*

Amal · September 25, 2002, 7:57pm

**
rabt-e-baaham pe hameiN kya na kaheiN ge dushman
aashna jab terey peghaam sey jal jaatey heiN
jab bhi aata hey mera naam terey naam ke saath
janey kiuN log merey naam sey jal jaatey heiN

"noon"

GuL-e-Tasbeeh · September 25, 2002, 8:01pm

Na puucho Ehd-e-uLfat ki, bus ik khawaab-e-PareeshaN tha
Na DiL ko Raah par Laae na diL ka Mud'aa samjhay

Next:ye*

Amal · September 25, 2002, 8:05pm

**
yaad bhi aata nahi ab ke giley they kya kya
sab ko us aaNkh ney baatoN meiN laga rakha tha
dil meiN khusbu ki tarhaN phirti heiN yaadeiN Amjad
ham ney is dasht ko gulzaar banaa rakha tha

"alif"

GuL-e-Tasbeeh · September 25, 2002, 8:08pm

Andar lagi thi Aag magar be-khabar thay Log
JaLtay huey Makaan kay bahar Dhuh'aan na Tha

Next: alif*

Amal · September 25, 2002, 8:11pm

Nice one:k:

** is baar par ugeiN ge to deikheiN ge aasmaan thorra sa ban raha hey iraada urran ka

“alif”

GuL-e-Tasbeeh · September 25, 2002, 8:15pm

:)

Ulat Jaain gi TadbeeraiN,badaL jaain gi TaQdeeraiN
Haqeeqat hay,nahiN hay yeh meray TakhayuL kii khaLLaaQi

Next:ye*

Amal · September 25, 2002, 8:19pm

**
Yehi hey jazb-e-mohabbat, yehi hey shart-e-janooN
ghamoN sey kheil raha hooN teri khushi ke leeye

"ye"