Bait Bazi - Part LXIV

Amal · September 25, 2002, 2:58pm

amazingly beautiful

**
Ye maojza bhi mohabbat kabhi dikhaaye mujhey
ke sang tujh pe girey aur zakhm aaey mujhey
wo mera dost hey saarey jahaaN ko hey maaloom
dagaa karey wo kisi sey to sharm aaey mujhey

“ye”

GuL-e-Tasbeeh · September 25, 2002, 3:42pm

Thanku:)

yeh ZuLf Bar-dosh kon aya, yeh kis ki AahaT say GuL khilay haiN
MehaK rahi hay Fizaa-e-Hastii TamaaM aaLam bahaaR sa hay

Next: ye*

Amal · September 25, 2002, 3:54pm

:k: you seem quite inform today…

**
Ye jo aa’beyzar sey raqam hui hey, ye daastaaN bhi mustanid hey
wo jo khoon-e-dil sey likha gaya hey, wo haashia bhi to deykhey

“ye”

GuL-e-Tasbeeh · September 25, 2002, 4:12pm

:)

yahaN wabastagi, wahan barhami,kya jaaniye kyoN hay?
Na hum apni nazar samjay na hum unki adaa samjhay

Next: ye*

Amal · September 25, 2002, 4:26pm

**
yuN to heiN be'shumaar wafaa ki nishaaniyaaN
lekin har ik shey sey niraaley tumhaarey khat
jesey ho ik umr bhar ka aasaasa ghareeb ka
kuch is tarhaN meiN ney sambhaaley tumhaarey khat

"te"

Sohaib · September 25, 2002, 5:08pm

tere bina jo umar bitayee beet gayee
ab iss umar ka baaki hissa tere naam

"meem"

GuL-e-Tasbeeh · September 25, 2002, 5:50pm

meiN khud peheL karuuN ya Udher say ho Ibteda
Barson guzar gaey haiN yahii sochtay huey...

Next: ye*

Amal · September 25, 2002, 5:54pm

welcome back :)

**
Ye aarzu bhi barri cheez hey magar ham'dam
wisaal-e-yaar faqat aarzu ki baat nahi

"ye"

GuL-e-Tasbeeh · September 25, 2002, 5:59pm

Shukriya:)

yahaN kisi ko bhi kuch hasb-e-arzuu na milaa
kisi ko hum na miley aur hum ko tuu na milaa

Next: Alif*

Amal · September 25, 2002, 6:01pm

**
Ab bhi jis waqt chalak utthti heiN meri aaNkheiN
apna aaNchal koi chupkey sey barrha deta hey

"ye"

GuL-e-Tasbeeh · September 25, 2002, 6:04pm

yehi EhwaaL rakhnay haiN, issi HaaLaT meiN rehna hay
yeh hum nay Taey kiya hay ab, issi wehshaT meiN rehna hay
koi mausam ho koi Rut ho, Tumhaaray Qurb ki hum ko
kabhi khawahish meiN rehna hay kabhi hasrat meiN rehna hay

Next: ye*

Amal · September 25, 2002, 6:07pm

**
Ye sakoot-e-naaz ye dil ki ragoN ka tootna
khamoshi meiN kuch shikast-e-saaz ki baat karo

"wao"

GuL-e-Tasbeeh · September 25, 2002, 6:13pm

wuh wisaL ho keh firaQ ho teri aag mehke gi Ek din
wuh Gulab ban kay khile ga kya jo chiraag ban ke jalaa na ho

Next:wao*

Amal · September 25, 2002, 6:15pm

**
waada to kar gaey the ke aaeiN ge khaab meiN
maarey khushi ke neend naa aaey to kya karooN

"nooN"

GuL-e-Tasbeeh · September 25, 2002, 6:17pm

naGhmoN ki ibtedaa thii kabhii meray Naam say
AshkoN ki intehaa huuN mujhey yaad kijiyey

Next: ye*

Amal · September 25, 2002, 6:20pm

**
Ye bhi mumkin hey ke kisi roz na pehchaanooN usey
wo jo baar baar naya bheis badal leta hey
baar'ha kaha mujh sey merey yaaroN ney Wasi
ishq wo darya hey jo bacchoN ko nigal leta hey

"ye"

GuL-e-Tasbeeh · September 25, 2002, 6:24pm

yaad kya dast-e-hunar hay keh sanwarta geya maiN
uss ko sochaa tou usey yaad hi karta geya maiN
iss ko tahzib-e-junuN kahiye ke mujh sey pahley
jaesey bikhrey haiN sabhi Log bikharta geya maiN

Next: noon*

Amal · September 25, 2002, 6:29pm

**
Na hareef-e-jaaN na shareek-e-gham shab-e-intizaar koi to ho
kisey bazm-e-shaoq mein laeiN hum dil-e-be-qaraar koi to ho
kisi zindagi hey azeez ab, kisey aarzu-e-shab-e-tarab
magar aey nigaar-e-wafa'talab tera aetabaar koi to ho

"wao"

Sohaib · September 25, 2002, 6:31pm

woh karain bhi tu kin alfaaz main tera shikwa
jin ko teri niagh-e-ulfat nay burbaad kiya

"alif"

GuL-e-Tasbeeh · September 25, 2002, 6:31pm

wuh jo manziloN pe La kar kisi Humsafar ko LuutaiN
inhi Rah-zanoN meiN teraa Kahin Naam Aa na jaae

Next: ye*