Re: Bait Bazi — Personal Edition
**
na-jaaney qismat ke band saheefoN meiN kon kis ko ataa huwa hey
meiN apni khahish ke kaaghzoN par tera naam likhooN to kesey likhooN!
falak ke aaNgan meiN chupey huwey heiN baadloN ke shareer tukrey
meiN hawaa ki takhti pe chaahatoN ka salam likhoN to kesey likhooN!
"Noon"
**
Re: Bait Bazi — Personal Edition
**Na janay mein nay tumsay kia kaha tha..
Na janay tumnay mujhsay kia sunna tha...
Wu lamha aaj bhee zinda hay mujh mein
Teri chahat ka der jub bund huwa tha..
Yeh shamein aab bhee usko khojti hein..
Tal'uk tore ker ju murr gaya tha..
Meri sansoon ka chalna mas'ala hay
Teri ulfat ka shayd, yeh sila tha...
Next 'Alif'...
**
Re: Bait Bazi — Personal Edition
**
Aaghaaz likhooN to kesey likhooN, anjaam likhooN to kesey likhooN!
meiN aek umr meiN haal dil ka tamaam likhooN to kesey likhooN!
khizaaN ka mosam ruka huwaa hey merey tasavvur ke gulshanoN par
tujhey khusbuoN meiN racha-basa ke payaam likhooN to kesey likhooN!
"Noon"
**
Re: Bait Bazi — Personal Edition
Nadaan khuwahishoon nay bikharana sikha diyaa
Rangeen khayaloon nay sanwarna sikha diyaa
Uljhi meri ju lat tu kubhi na sanwar saki...
Uski innayatunN nay sulagnaa sikha diyaa...
Re: Bait Bazi — Personal Edition
**
Utthey jo haath to sabar ke saath dil behal gaya magar
hum saari umar us duwa ka asar dhoondtey rahey
rastey badal gaey they ya kaheen aur nikal gaey they
hum kitni hi deir apna hi ghar dhoondtey rahey
"Ye"
**
Re: Bait Bazi — Personal Edition
*Yeh chaar dinoon ki heryali bus mehmaan hay pal do pal ki
Phir is say agay duur talak ek rasta hay ju weeran hay...
*
Re: Bait Bazi — Personal Edition
yehi Bohaat hay ky dil osku dondh laya hy
kesi ki sath sahi magaar wo nazar tu aya hy
Re: Bait Bazi — Personal Edition
" YE KON KAH RAHA HAI KE MANZIL QAREEB HAI,
KOI CHALE WAHEEN SE CHALE THEY JAHAN SE HUM !!
darwesh..
Re: Bait Bazi — Personal Edition
**Mainay ju perh lia hay wu aisa nisaab hay
Ju derj nahi hay kisi darsi Kitaab mein..
Kal mujse ijtinaab barat ker wu chal diya
Ab mujhse mil raha hay wu kis hisaab mein...
the nutty 'noon' again..
But i must admit this thread has made me write.. although it only comes from my head not my heart... but i feel good after seeing my thoughts in the form of poetry....
**
Re: Bait Bazi — Personal Edition
**
Naam aatey hi tera hoNtoN par
lafz khiltey heiN phool ban ban kar
"rey"
**
Re: Bait Bazi — Personal Edition
Rasta badalnay say, dil kahanN badalta hay
Ab bhee uski aahat say man ka phool khilta hay..
Re: Bait Bazi — Personal Edition
**
Ye wohi maqaam-e-azaab hey jahaaN haath chootey they haath sey
yahaaN phir sey kehsey guzar huwa, hey koi nai sazaa merey wastey!
"ye"
**
Re: Bait Bazi — Personal Edition
Yeh aur baat k milna nahi hay mumkin abhi
Magar kabhi na milo zeest mein, aisa bhee nahi
Buhat say lafz aur mafhoom unke mushkil hein
Samagh k bhool jayein,khair ab aisa bhee nahi..
Re: Bait Bazi — Personal Edition
YuN maatmi sey libaas meiN koi aah-o-fugaaN hey aaj bhi
jesey chahsm-e-tar meiN khaab koi pareshaaN hey aaj bhi
** meiN zindagi ki raah-guzar pe dar-badar hooN is leeye
ke mohabbatoN ke shehar meiN dil be'makaaN hey aaj bhi**
"ye"
Re: Bait Bazi — Personal Edition
**Ye raat aur yeh khamooshi, yeh meri rooh kay manzar
Kabhi tu tum bhee sochna, mila hay mujhko kia ajar..
**
Re: Bait Bazi — Personal Edition
**fara baji,..... patha nahi app baji hu ya bhiya ,,, kia ya foul nahi **
ya meri rooh ki manzar(eis sy apki shaar ka kia matlab bana,,,,, yani ky ya koch bay sar-O-pa nahi howa) ya ki may nahi samja plz bura na manyai ga
may abi niya niya ho naaaaa,,, tu ap sy siknai ki khatir poch raha hu
Raat hothi wooh saab yaad athy hain
sar-e-rah ju saat choor jathy hain
Re: Bait Bazi — Personal Edition
" NA TUMM AAYE NA MOUT HI AAYEE,
** TUM KAHO KIS KA ETABAAR KAREN " !!**
Re: Bait Bazi — Personal Edition
Na zindagi ka koi etabaar hay naa maut ki koi khaber
Jo chand pal hosh kay hain, unheiN khushi say guzaar
Next:** Ray**
Re: Bait Bazi — Personal Edition
rah-e-wafa main qadam zara sambhal ker rakhna
ke manzil mil bhi jaye yahan tu humsafar nahi milta
hareef-e-bahar tu nahi hain hum log najanay kion?
koi bhi phool magar apnay naam per nahi milta
Re: Bait Bazi — Personal Edition
Welcome Noor_gr8 to GS and to the Personal Edition of Bait Bazi. We hope you will enjoy this place and this compeition.
**
O be-wafaa aa sun zara meri rooh pe guzreeN jo qayamateiN
mera dil dukha to bohat magar merey lab pe ab bhi gilaa nahi
terey dostoN meiN tera bharm rahey yehi soch kar meiN chup raha
jo nigaah meiN tha wo chupa liya jo dil meiN tha wo kahaa nahi
"ye"
**