Zarb ul Masl Ashaar

Arts & Culture Poetry ( Intikhaab & Sho'ra-e-Gupshup)
1

Zarb ul Masl means lines from poems that are quoted by public in their daily conversation (without knowing that they are misra of a shair).

Few examples of such asharras:

**woh baat saarey fasaney main jis ka zikr naa tha
woh baat unko bohat naagawaar guzri hay!! (Faiz)

**hum talib-e-shuhahrat humain nang say kia kaam
badnaam agar hongain to kia naam naa hoga? (sheefta)

****Lets share such ashaar in this thread. Its said that Ghalib’s poetry is full of such zarb ul Masl lines… Lets see how many such ashaars we can found out.

2

Re: Zarb ul Masl Ashaar

bahot umda laRii hai...mubaarak baashad! :)

mere Khayaal se ziyaada zarb-ul-misl ash'aar Ghalib ne kahe haiN:

kaave kaave saKht jaanii, haaye! tanhaaii na poochh
subHo karnaa shaam kaa laanaa hai joo-e-sheer kaa!

3

Re: Zarb ul Masl Ashaar

"Ham aah bhi karte hain to ho jaate hain badnaam"
*woh qatal bhi karte hain to charcha nahi hota *

(Akbar Ilahbadi)

4

Re: Zarb ul Masl Ashaar

Kaise Kehdon Ke Mujhe ChoR Diya Hai Usne ...
*Baat Tu Sach Hai Magar Baat Hai Ruswai Hai ...
*
(Parveen Shakir)

5

Re: Zarb ul Masl Ashaar

zameen-e-chaman gul khilaati hai kiya kiya
badalta hai rang aasmaan kaise kasie
(Khawaja haider ali aatish)

bajaa kahey jisey aalam usey bajaa samjho
zabaan-e-khalq kou naqaara-e-khuda samjho
(Ibrahim zauq)

baaghban ney aag di jab aashiyaane ko meray
jin pey takiya thaa wohi pattey hawaa dainey lagey
(saaqib lakhnavi)

girtey hein shahsawaar hi maidaan-e-jang mein
woh tifl kiya girey gaa jou ghutnoun key bal chaley
(Azeem dehalvi)

6

Re: Zarb ul Masl Ashaar

is zulf pay phabti shab-e-daijoor ki sojhi
andhay ko andhairay main bari dour ki soojhi

7

Re: Zarb ul Masl Ashaar

Eid kaa din hai galey aaj tou mil ley zaalim
rasm-e-duniya bhi hai, moqa bhi hai dastoor bhi hai
(Anwar sheikh)

8

Re: Zarb ul Masl Ashaar

Hum ko maloom hai jannat ki haqeeqat lekin
dil ke khush rakhne ko Ghalib ye khayal acha hai

(This is normally come as : dil ke behlane ko ye khayal acha hai in routine conversation)

9

Re: Zarb ul Masl Ashaar

Restored attachments:

kaabe.jpg
kaabe.jpg800×600 12 KB

10

Re: Zarb ul Masl Ashaar

Teri zulf main pohanchi tau husn kehlai

wo teergee jo meray nama siyah main hay

11

Re: Zarb ul Masl Ashaar

Hain kawakib kuch, nazar aate hain kuch.....
Dete hain dhoka ye baazi gar khula....

12

Re: Zarb ul Masl Ashaar

be-khudi be-sabab nahin ghalib
kuch tou hai jis ki parda daari hai

nikalna khuld se Adam kaa sunte aaye hein lakin
bohat be-aabroo hou kar teray koochey se hum nikley

ranj se khugar hua insan tou mit jaataa hai ranj
mushkilen mujh par parein itni key aasaan hou gaein

13

Re: Zarb ul Masl Ashaar

Qais jangal mein akela hoga, mujhe jaane do
Khub guzregi mil baithenge jab deewane do

14

Re: Zarb ul Masl Ashaar

Aur honge tere bazm se uth jaane waale
Hazrat ‘Daagh’ jahan baith gaye, baith gaye

15

Re: Zarb ul Masl Ashaar

woh aaein ghar mein hamarey khudaa ki qudrat hai
kabhi hum unn kou kabhi apney ghar kou daikhtey hein

16

Re: Zarb ul Masl Ashaar

Phir usi Bewafa pe martay hain..
Phir Wohi zindagi Humari hay..!!

17

Re: Zarb ul Masl Ashaar

naqsh fariyadi hai kis ki shokhi e tehreer ka
kaghzi hai perhan har pekar e tasveer ka (ghalib)

18

Re: Zarb ul Masl Ashaar

**
kia Husn ne samjhaa hai. kia 'ishq ne jaanaa hai
ham Khaak-nashiinoN kii Thokar meN zamaana ha **

19

Re: Zarb ul Masl Ashaar

zindagi sirf mohabbat hi nahin hai ae dost
aur bhi gham hein zamaaney mein mohabbat key siwa
(Faiz)

20

Re: Zarb ul Masl Ashaar

Apne qaatil ki zahanat se preshan hun main.
Roz ek maut naye tarz ki eejaad kare.

Jugnu ko din ki roshni main parakhne ki zid karen
Bache hamare ahd ke chalak ho gae

(Parveen Shakir)