**Is tarha yaad hey teri har baat jesey kuch deir hi qabal
tu merey pehlu meiN beitthi kuch keh rahi thi mujhey
aur meiN dunya-o-jahaaN sey be’gaana ho kar
teri jheel si aaNkhoN meiN kho raha tha kaheeN
par waqt ke haath sey lamhoN ki reit nikli to khula
ke hum faasloN ke an’ginat samandaroN ke aar paar
apney apney khaaboN ki tooti hui kashtiyaaN utthey
firaaq ke aesey kinaaroN par aan pohNchey heiN
jahaaN par ik doosrey ki simt bhi hameiN yaad nahi
khuaab to ab bhi phool ke maanind yaad ki shaakoN par
har aek mosam meiN reh reh ke khiltey rehtey heiN
par safar haeraan hey ke manzil ke nishaaN gaeb heiN
waqt ka ishaara hey ke rastoN ke khuda khaaif heiN bikhrey jazbaat ke malboosaat dil ki almaari meiN
muntazir heiN ke terey haathoN sey phir tarteeb miley
laakh rastoN ke khudaaoN ney mooN morr liya
dil ye chahata hey tujh sey milney ki koi tarkeeb miley!
KahaaN wo lamhey ke har pal nigaah meiN rehtey they
kahaaN ye aalam ke chehrey bhi theek sey yaad nahi
jin ki aaghosh meiN mohabbat ke phool khiltey they
aaj un baahoN ke gheirey bhi theek sey yaad nahi
tarha tarha ke bahaanoN sey jahaN jahaN bhi miley
mulaaqaatoN ke wo dey’rey bhi theek sey yaad nahi!
Kis tarha aas ke dhokey meiN saaNs chalti rahi - yaad nahi
kis tarha ummeed par be’basi ki os parrti rahi - yaad nahi
kis tarha zindagi apney rang dhang badalti rahi - yaad nahi
nahi nahi mujhey kuch bhi nahi yaad magar,
is tarha yaad hey teri har baat jesey kuch dier hi qabal
tu merey pehlu meiN beitthi,
kuch keh rahi thi mujhey…!!!
Beautiful!
You know Amal we all love your poetry , but really mughay tu at times words hi nahi miltay they are so nice k sumagh nahi aati kay tareef bhi kaysy ki jaye...
khair , i hope you understand what i mean.
Thanks for shairing.
wah yaar amal, kia baat hey aap ki jinaab. when your book is coming??? i would really love to buy as many copies of your book as possible and send it to every one i know who loves poetry and you know what I am 100% sure that would be the greatest gift ever for them.
Keep writing wonderful stuff and you will be known as the top poet from the new genration of Pakistan. Best of Luck!
bikhrey jazbaat ke malboosaat dil ki almaari meiN
muntazir heiN ke terey haathoN sey phir tarteeb miley
laakh rastoN ke khudaaoN ney mooN morr liya
dil ye chahata hey tujh sey milney ki koi tarkeeb miley!
Kis tarha aas ke dhokey meiN saaNs chalti rahi - yaad nahi
kis tarha ummeed par be'basi ki os parrti rahi - yaad nahi
kis tarha zindagi apney rang dhang badalti rahi - yaad nahi
nahi nahi mujhey kuch bhi nahi yaad magar,
is tarha yaad hey teri har baat jesey kuch dier hi qabal
Beautiful words Amal k i cudn't fine my words to say......:)
… chodhry yaar yahaaN par bohat saarey dost heiN jo ye jaantey heiN ke meiN kitna bura likhta hooN. Wesey to wo log merey thread meiN aana gawaara nahi kartey, lekin agar unhey kaheiN is baat ki bhanak bhi parr gai to aap ki aur meri, donoN ki kheir nahi
**Amal… No doubt you have the power to twist words as u wish… Words when arranged by you create a different effect and i assure it lasts for a long time
ph keon nahi uthatey
… chodhry yaar yahaaN par bohat saarey dost heiN jo ye jaantey heiN ke meiN kitna bura likhta hooN. Wesey to wo log merey thread meiN aana gawaara nahi kartey, lekin agar unhey kaheiN is baat ki bhanak bhi parr gai to aap ki aur meri, donoN ki kheir nahi 
