Tujhe bhool ke na bhula sakoon, tujhe chah ke na paa sakoon
Meri hastron ko shumaar kar, meri chahaton ka sila na de
Re: Word of the Week - Sila
raastay, manzilaiN, justaju.. aur maiN
ham nafas.. ik teri aarzu.. aur maiN
koi rishta, shanasaai, kuch bhi nahiN
aaina hai mere rubaru.. aur maiN
jugnuoN ki talab ka sila yeh mila
teergi hai mere chaar su.. aur maiN
khwaab ki titliyaN jab uReeN aankh say
reh gai khwahish-e-rang-o-bu.. aur maiN…..
raat bhar jaagtay haiN sitaroN talay
tera lehja.. teri guftagu.. aur maiN
aankh maiN khwaab ki kirchiyaN reh gayeeN
hath maiN qismatoN ka lahu.. aur maiN ……
sochti hooN.. kahaN jaooN, kis say kahoon
shehr dushman.. Faza bhi adu.. aur maiN
ik mere ishq ki tishnagi.. aur tu
ik tere hijr ki aabju.. aur maiN
daaman-e-umr main sar chupa kar, bohat
ro diye haiN.. teri aarzu.. aur maiN
raig-e-sehra huwe haiN tere ishq maiN
mere aihsaas ki aabru.. aur maiN
mere saahir.. bichaRtay samay reh gayeeN…
teri aankhaiN mere chaar su.. aur maiN
kaash aisa ho.. saahil kanaaray kabhi
!..aur koi na ho.. sirf tu.. aur maiN…..
Re: Word of the Week - Sila
Hum ne kab manga he tum se apni wafaon ka sila.
Bas dard dete raha karo mohabbat barhti jae gi
Re: Word of the Week - Sila
Tum aoroon ki mehfil ka diya ban k jalo phir
Tanhaai mily tum ko sila kesa lgy ga
Re: Word of the Week - Sila
Tu wafa kar wafa ka sila wafa jaany khuda jaany
too diya jalaaty rahna hawa jaany khuda jaany
khizan ka khauf maali ko buzdil nahen kar sakta
chaman aabad rakh baad-e-saba jaany khuda jaany
Mareez-e-ishq dawaey dil samajh dilbar ko
Maraz jaany dawa jaany Shifa jaaany khuda jaaany
Re: Word of the Week - Sila
Dost Kya Khoob Wafaon Ka Sila Dete Hain,
Har Naye Mod Par Ek Zakhm Naya Dete Hain,
Tum Se To Khair Ghadi Bhar Ki Mulakat Rahi,
Log Barson Ki Rafakat Ko Bhula Dete Hain,
Kaise Mumkin Hai Ke Dhuwan Bhi Na Ho Aur Dil Bhi Jale,
*** Padti Hai To Patthar Bhi Sada Dete Hain,
Kaun Hota Hai Musibat Mein Kisika Aye Sanam,
Aag Lagti Hai To Patte Bhi Hawa Dete Hain,
Jinpe Hota Hai Bahut Dilka Bharosa Jane Kyon,
WaQt Padne Pe Wohi Log Daga Dete Hain...
Re: Word of the Week - Sila
Hum apni wafawon ka sila kis say mangtay
Hum ba wafa thay lakin wafa kis say mangtay
Khud hee to kee thi hum nay apnay Rab say baghawat
Phir hum jo duwa mangtay to kis say mangtay
Jo thay tabeeb Dil ke wo bhi dushman-e-jaan thay
Is Dil kee duwa mangtay to kis say mangtay
Mahboob jo tha wo bhi to naraz tha hum say
koyi shokh ada mangtay to kis say mangtay
Jo waqt guzar jayee tho wapis nahi aata
Wo waqt gaya mangtay tho kis say mangtay
Hum us kee justajoo main hua khud say be-ganay
Hum ghar ka pata mangtay to kis say mangtay
Re: Word of the Week - Sila
yi SILAH mila hey mujhko tere dosti key peche
vo mahal bana rahe hen mere jhompri k peche
Re: Word of the Week - Sila
tujh se to koe gilah nahi hi
qismat mi mère SILAHnahi hi
bichre to na janr kia haal ho
jo shaks abhi mila nahi hi
jeene ki to arzu hi kab thi
marne ka bhi hosla nahi hi
jo zest ko mutbar bana dey
esaa koee silsala nahi hey
khushbu ka hisab ho chuka he
orr phul abhi khila nahi he
sarshare ay rahbari mi dekha
peche mèra rafla nabi hey
ek thes pe dil ka phut behna
chune mi to aabla nahi hey
Re: Word of the Week - Sila
Kuch log muhabbat ka sila maang rahe hain
Nadaan hain banday se khuda maang rahe hain
Dunia ne to marne ki saza bakhsh hi di thi
Hum maut se jeene ka ada maang rahe hain
Masle hue pholon ki umeden hain mehak ki
Jalte hue sooraj se ghata maang rahe hain
Phirte hain tere shehr main kuch aabla paa log
Poochay to koi inn se kia maang rahe hain
Re: Word of the Week - Sila
Toot kar zara dekho,
Tum agar bikhar jao,
Bebasi mein ghir jao,
Dil se ik sada dena,
Bus mujhe bula lena,
Main tumhen sambhal longa,
Zindagi mein chalne ka,
Rasta badalne ka ik hunar sikha doonga,
Tum ko hosla donga,
Or jab tum sambhal jao,
Roshni mein dhal jao,
Mujh ko yuon sila dena,
TUM MUJHE BHULA DENA…!!
Re: Word of the Week - Sila
nice sillsila leekan abhi apun ko mood naheen hay 
Re: Word of the Week - Sila
Dost kia khoob wafaon ka sila dete hain
Her nae mod pe ik zakhm naya dete hain
Re: Word of the Week - Sila
vahashat-e-dil sila-e-abalapai le le
mujh se ya rab mere lafzon ke kamai le le
aql har bar dikhati thi jale hath apne
dil ne har bar kaha aag parai le le
main to us subah-e-darakhshan ko tavangar janun
jo mere shahar se kashkol-e-gadai le le
tu gani hai magar itni hain sharayat meri
ye mohabbat jo hamen ras na aayi le le
apne divan ko galiyon me liye phirta hun
hai koi jo hunar-e-zakhmnumai le le
Re: Word of the Week - Sila
Wo Meri Tamaam Wafaon Ka Sila Kuch Is Tarah Se Deta Hai
Baat Karke Kuch Aisi Mujhe Meri Nazron Se Gira Deta Hai
Re: Word of the Week - Sila
Dil Tod Ke Inam-E-Wafa De Gaye
Kya Khoob Mohabbat Ka Sila De Gaye
Itni Si Hui Khata Humse, Ke Pyar Se Dekha Unhe
Aur Wo Aankho Ko Tarasne Ki Saza De Gaye
Re: Word of the Week - Sila
Kisi gham gusaar kee mehnaton ka yeh khoob main ne sila diya
Kay jo mere gham main ghula kia usay main nay dil se bhula dia
Jo jamaal e rooh e hayaat tha, Jo daleel e raah e nijaat tha
Usi raah-ber k naqoosh e paa ko musaafiron nay mita dia
Main tere mazaar kee jalion hee ki midhaton main magan raha
Tere dushmanon ne tere chaman main khizaan ka jaal bichha diya
Tere husn e khulq ki ik ramaq meri zindagi main na mil saki
Main isi main khush hoon kay shehr kay dar o baam ko to saja diya
Tere saur o badr kay baab kay main waraq ulat kay guzar gya
Mujhay sirf teri hikayaton kee riwayaton nay maza dia
Yeh meri aqeedat e bay basar Yeh meri riyazat e bay hunar
Mujhay mere daawa e ishq nay na sanam diya na khuda dia
Tera naqsh e paa tha jo raah numa, to ghubaar e raah thee kehkashan
Isay kho dia to zamanay bhar nay humain nazar se gira dia
Kabhi aay inaayat e kam nazar, tere dil main yeh bhi kasak hui
Jo tabassum e rukh e zeest tha, usay tere gham nay rula dia
Re: Word of the Week - Sila
Na Koi Sila Na Fasanaha-E-Alam Na Ab Koi Muntazir Baki
Laut K Aaya Parvana Habiba Karde Fanaa Imandari Se Tujhme