Malik sahib,
Aapke jo dost urdu me apna naam nahin likh pate unhone kabhi urdu seekhne ki kosish nahin ki hogi, warna yahan takreeban har sarkari school me urdu ke teachers hain, aur urdu talib ilm ke liye ek optional subject hai. Aur jo aapke dost Aligarh Muslim University se graduate hain,unko urdu ke taleem na hone ki baat mujhe bhi hairat me daalti hai. Halanki aisa amooman hota nahin hai.
Maine aapko pehle hi bataya hai ki har sarkari school me urdu teacher hona lazmi hai. Isliye aap ye nahin kah sakte ki urdu ke sahi dekhbhal hindostaan me nahin ho pa rahi hai.
Main aapki baat se ekdum ittefaq rakhta hoon ki urdu kisi quam ya mulk ki zuban nahin hai, balke har us shaks ki zuban hai jo urdu se mohabbat karta hai.