Re: who would be the urdu poet of the century?
I am great fan of Faiz, and love his poetry few days back opened a thread too
but still i would back Ibn-e-insha. He had a novel style and very simplistic way of conveying his thourght into rhythm and free flowing words into poetry.
(^ mistake^ : Read Ka’ran (due to, because of) in the first line)
**Ab Umar ki naqdi khattam hoii..**
Ab Umar ki naqdi khattam hoii
Ab hum ko udhaar ki haajit hei
Hei koi ju saahookaar bannay??
Hei koi ju deevan-haar bannay??
Kuch saal maheenay din logo!
Per sood byaaj ke bin logo!
HaaN apni jaan ke khazaanay se
HaaN ummr ke tosha-khaanay se
Kia koi bi saahookaar nahiN??
Kia koi bi deevan-haar nahiN??
Jab naam udhaar ka aya hei
KiyooN sab nay sarr ko jhukaya hei
Kuch kaam hummeiN niptanay heiN
JInheiN jan-nay wale janeiN heiN
Kuch piyaar dulaar ke dhanday heiN
Kuch jug ke doosray phanday heiN
Hum maaNgtay nahiN hazaar baras
Dus paanch baras du chaar baras
HaaN sood byaaj bi deiN leiN gay
Haan aur kharaaj bi deiN leiN gay
Aasaan banay Dushwaar banay
Per koi tou deevan-haar banay
Tum Kon Tummara naam hei kiya??
Kuch hum se tum ko kaam hei kiya??
KiyooN es majmah meiN aa'yee ho??
Kuch maaNgti ho?? Kuch laa'yee ho??
Yeah karobaar ki baatein heiN
Yeah naqd udhaar ki baateiN heiN
Hum baithay heiN kashkol liay
Sab ummr ki naqdi khattam kiay
Gar sheyr ke rishtay aa'yee ho
Tab samjho jald juddai ho
Ab geet gaya sangeet ga'ya
Haan sheyr ka mausam beet ga'ya
Ab pat-jhaR aa'yee paat girreiN
Kuch subh girreiN kuch raat girreiN
Yeah apnay yaar puraanay heiN
Ek ummr se hum ko janeiN heiN
En sab ke pass hei maal buht
HaaN! ummr ke Mah-o Saal buht
En sub ko hum nay bulaya hei
Aur jhooli ko phaylaya hei
Tum jaao, en se baat kareiN
Hum tum se na mulaqaat kareiN
Kia Paanch Baras??????
Kiya ummr apni ke paanch baras?
Tum jaan ki thailii laa'yee ho??
Kiya pagal ho? soodaii ho?
Jab ummr ka aakhir aata hei
Her din sadiyaaN ban jata hei
Jeenay ki havas hi nirrali hei
Hei kon ju es se khaali hei
Kiya maut se pehlay marna hei?
Tum ko tou buht kuch kerna hei
Phir tum ho hammari kon bhalla?
HaaN tum se hammara kiya Rishta??
Kiya sood byaaj ka Lalich hei?
Kisi aur kharaaj ka laalich hei?
Tum sohni ho, munn mohni ho!
Tum ja ker poori ummr jeeyoo!
Yeah paanch baras yeah chaar baras
Chhin jayeiN tou laggeiN hazar baras
Sub dost ga'ye sub yaar ga'ye
Thay jitnay sahookaar ga'ye
Bus Eik yeah naari bethi hei!
Yeah kon hei?kiya hei? kesi hei?
HaaN ummr hummeiN darkaar bi hei
HaaN jeenay se hummeiN pyaar bi hei
Jab maaNgeiN jeevan ki ghaRiyaaN
"Gustaakh AkhiyaaN kith Ja laRyaaN"
Hum qarz tummeiN lauta deiN gay
Kuch aur bi ghaRyaaN la DeiN gay
Ju Saa'at-o mah-o saal nahiN
Wo ghaRyaaN jin ko zavaal nahiN
Lo Apnay Ji MeiN Utaar Liya
Lo Hum Nay Tum Se Udhaar Liya