WAZOO MAI'N PAIRO'N KA DHONA YA MASAH KARNA??? KIA DURUST HAY?

Society Religion & Philosophy
1

YA AYYO HAL LAZI NA AAMANOO aey eeman walo
IZA QUM TUM ILASSALATI jab tum utho namaz kay liay
FAGHSELOO to dho lo
WAJOOHAKUM WA AYYDIAKUM ILAL MARAFIQE apnay munh or haath koh’nio’n tak
WAMSAHOO or masah kar lo
BEROO OSEKUM WA ARJOLAKUM ILAL KABAIN apnay sar ka or pairo’n ka takh’no’n tak

AL-QURAN 5:6.

WAZOO MAI’N PAIRO’N PAR MASAH KARNAY KA HUKAM QURAN KI ISS AYAH MUBARIKAH MAI’N WAZEH HAY…

WAZOO MAI’N PAIRO’N KO DHONAY KA HUKAM KAHAA’N HAY YAA HAM RUKAN-E-WAZOO KAY TEHET PAIRO’N KO DHOTAY KIOO’N HAI’N???

2

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

yeah i think evrybody does

dont they????
right???

I need something to
3

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Assalaam ,
Nadeem sb

I will appreciate if u write your next post in small letters,its is difficult to read in CAPS.

thanks

4

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

another misunderstanding of Quranic verses just due to lack of proper knowledge of Arabic language....

had it been "arjulikum" (i.e. a zer under the laam) then the order wud have been the mas'h....
but in the verse, the word is "arjulakum" (i.e. a zabar in the laam) hence the order cannot be of mas'h....

5

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Dear armughal

Agar Quranic ayah mai'n "arjulakum" par mojood "zabar" ka maani pairo'n ko dhona hi hay to pairo'n ko dhonay ka hukam dainay kay liay ayah ki translation mai'n brackets () laga kar unn brackets mai'n "tafseer bil raey" kay tehet "(dho lo)" likhnay ki zaroorat kioo'n?

pairo'n ko dhonay ka hukam tarjumay mai'n barah-e-raast adjust kioo'n nahee'n hota?

arabic knowledge par mamooli si bhi das'taras ho to kam az kam itna to pata chalta hi hay keh ayah mubarak mai'n hukam kis tarah hay....

YA AYYO HAL LAZI NA AAMANOO **
*aey eeman walo
IZA QUM TUM ILASSALATI *
**jab tum utho namaz kay liay
FAGHSELOO WAJOOHAKUM WA AYYDIAKUM ILAL MARAFIQE **
*to dho lo *apnay munh or haath koh'nio'n tak**
WAMSAHOO BEROO OSEKUM WA ARJOLAKUM ILAL KABAIN **
*or masah kar lo *apnay sar ka or pairo'n ka takh'no'n tak**

*"wamsahoo" say pehlay "faghseloo" kay zumray mai'n dhonay ka hukam khatam hay or uss kay ikhtatam par hi "wamsahoo" kay tehet "or masah kar lo" ka hukam or phir unn azaa ka naam hay jin par masah ka hukam hay. *

Timepass
6

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

*iss hi ayah mubarikah mai'n aagay chal kar zikr hay keh *

FALAM TAJEDOO MAA ANN **
**phir na mayassar ho tum ko paani
FATAYAMM-MAMOO SAEEDAN TAYYEBANN **
**to tayammum kar lo paak mitti say
FAMSEHOO BEWOJOOHEKUM WA AYYDIAKUM MIN'HO **
**so masah karo apnay munh ka or apnay hatho'n ka uss say

*wazoo kay hawalay say jin jin azaa par dhonay ka hukam iss ayah mubarikah mai'n mojood hay yaani (munh or haath) bilkul un hi azaa par tayammum kay tehet paak mitti par hath maar kar masah karnay ka hukam bhi is hi ayah mubarikah mai'n milta hay jab keh jin azaa par wazoo kay tehet masah ka hukam hay yaani (sar or pair), tayammum kay hukam main un aazaa ka zikr bhi mojood nahee'n..... *

agar wazoo kay tehet pairo'n ko dhonay ka hi hukam hay to tayammum kay hukam mai'n pairo'n par masah ka zikar kioo'n nazar nahee'n aata?

Timepass
7

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

i think its right to do masah of feet cuz it is proven in many traditions that prophet( PB U H) used to do that!!

whereas masah of neck is a bidah but still many ppl do that!

Justin Bieber fathers a baby
8

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

saying (do masah of your feet) in arabic by writing it as "wamsahuu bearjulakum" is gramatically wrong....

if u think that Allah has made a grammatical error in the Quran then u can accept that the washing of the feet is not intended here but rather the masah....

and brackets r put in the translation for ppl like yourself who do not understand the real meaning and start jumping to wrong conclusions....

9

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

ok so wat bout the traditions that prove that prophet used to do that??

im not saying that it is masah instead of washing

im saying its both!!

10

Re: JARR-E-JAWWAR KI BEHES.....

jo log wazoo mai'n dono'n paow'n kay masah kay khilaf or paow'n ko dhonay kay qael hai'n woh ayat-e-wazoo par grammer ki behes kartay hai'n or uzar kartay hai'n keh ayat-e-wazoo mai'n "beroo'osekum" main "seen" kay neechay ki zair ki wajah say "jarr" jawwar ki hay laikin khud ulama-e-ahl-e-sunnat hi nay is ko batil qarar dia hay jaisa keh Imam-e-Ahl-e-Sunnat Fakhar-uddin Razi Apni Tafseer-e-Kabeer Mai'n yeh behes iss tarah kartay hai'n.

Ham kehtay hai'n Qirrat-e-Jarr, muq'tazi hay "arjolo" ma'toof ho "ra'oos" par to jis tarah sar ka masah wajib hooa us'hi tarah paow'n ka bhi masah hi wajib hooa. Pass agar yeh kaha jaey keh kioo'n nah isay "jarr-e-jawwar" kehna jae'z mana jaey?

To Ham Jawaban kehtay hai'n keh yeh uzar kaee wajooh say batil hay.

1. jarr "jawwar-ul-hunn" mai'n shumar hoti hay jo keh sakht zaroorat ki wajah say sirf shair (poetry) main bardasht ki jati hay or Allah kay kalam ka aisi zaroorat-e-shair say munazzah hona wajib hay.

2. Doosri wajah yah hay keh jarr-e-jawwar ki janib milaan mehez uss jagah ho sakta hay keh jahaa’n il’tabas (yani ish’tabah-e-mafhoom) say aman ho or is ayat-e-wazoo mai’n il’tabas (yani mano’n kay mash’kook honay) say aman ghair hasil hay.

3. Teesri wajah yeh hay keh jarr-e-jawwar haraf-e-ataf kay baghair hoti hay, yahaa’n ayat-e-wazoo mai’n haraf-e-ataf mojood hay (Tafseer-e-Kabeer, Jild 3, Safah 546).

Phir Imam Razi nay yeh bhi tehreer kia hay keh “ka’ab” uss haddi ko kehtay hai’n jo paow’n kay jor kay neechay hoti hay, is liay paow’n ki pusht ka masah wajib hooa.

*Imam Ahl-e-sunnat Fakhar-uddin Razi Sahab ki yeh behes “JARR-E-JAWWAR” kay uzar ko batil kar dainay kay liay kafi hay, taham mazeed it’menaan kay liay Allama Ahl-e-Hadees Nawab Siddique Hasan Bhopali ki tafseer Fatah-ul-Bayan, Jild 3, Safah 26 mai’n mulahizah farmae’n keh mosoof kehtay hai’n keh *

Agar Jarr-e-Jawwar faseeh kalaam mai’n waqe ho to who haraf “waow” kay baghair hoti hay.

Armughal aap kay uzar ko sahi tasleem kar lainay say Khuda kay kalam ko ghair faseeh maan’na parta hay jo keh yaqeenan manafi-e-eeman hay.

Kia aisa nahee'n hay?

11

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

*Rozatul’Nnadia sharah dar’baheeh, jild 1, safah 27 mai’n hay keh *

*** Pair dhonay kay qaelo’n nay kajj behsi ki hay pass unho’n nay jarr ko jawwar par mehmool kia hey…**

*** Or mazeed likha hay keh “yeh kajj behsi usi bay insafi ka nateejah hay jo bawaqt-e-ikhtalaf hooa karti hay”.**

*** Or ilm-e-nehev ki mash’hoor kitab “MATAN MATEEN” mat’booa Sahafi, Lahore 1304 Hijri kay safah 163 taa 169 mai’n “amil’ghanay” or “alfiah” sheikh sayooti ka hawala day kar likha hay keh “Jarr-e-jawwar no’ott mai’n qaleel, takeed mai’n nadir or ataf mai’n mum’tana hay jahaa’n maloom ho keh maqsood kay khilaf maf’hoom ziadah zahir karay gi.**

*** Or sharah ma’tah Abdul Rasool, matbooa Ahmadi 1388 Hijri kay safah 11 par tehreer hay keh “Jarr-e-jawwar” sift mai’n qaleel or takeed mai’n nadir aati hay, ataf mai’n mum’tana hay or maqsood kay mushtabah honay wali jagah par khas tor say mum’tana hay.**

Pass mandarjah balaa shawahid-e-ilm-e-nehev kay baad ayat-e-wazoo mai’n “ar’jo’la’kum” ki qir’at jarr mai’n jar-e-jawwar ka uzar qat’ann batil hay or hukam-e-masah qat’ann sabit hay.

Papa Says..... / Papa Kehtain Hain....
12

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

*Sheikh Mohyyuddin ibn-e-arabi “fatoohat-e-makkiah” jild awwal, safah 448 mai’n likhtay hai’n keh *

*** Pass hamara mazhab hay keh “ar’jo’la’kum” kay laam par zabar is hukam ko masah say kharij nahee’n karti pass tehqeeq yeh “waow” ma’eyyat qarar paey ga or ma’eyyat ka “waow” nasb daita hay jaisa boltay hai’n “qaam zaid-o-umar” (yaani khara hooa zaid sath umar kay). Yani is’hi tarah “ar’jo’la’kum”, “be’roo’ose’kum” kay sath hukam mai’n aaya hay.**

Aaemmah o ulama e ahl e sunnat wal jama’at ki tehreer kardah arabi grammar ki behso’n kay baad is amar ki hargiz gunjaesh nahee’n rehti keh Quran ki ayat-e-wazoo mai’n paow’n dhonay ka hukam nikal sakay, lehaza sabit hooa keh Quran majeed mai’n paow’n kay masah karnay ka hi hukam hay dhonay ka nahee’n.

Chunaa’n cheh Mohyyuddin arabi nay majboorann iqrar kia hay keh “Zahir kitab (Quran Majeed) say to wazoo mai’n paow’n ka masah hi hay or paow’n dhona sunnat say hay.

*Or Sheikh Ibn e Arabi kay is qol ka jawab hamari janib say yeh hay keh jo Quran kay khilaf ho woh Sunnat-e-Nabvi s.a.w.a.w., nahee’n hay kioo’n keh Hazoor s.a.w.a.w., har giz Quran ki mukhalifat nahee’n kar saktay thay. Lehaza aisi ahadees har giz qabil-e-qabool nahee’n ho sakti hai’n jo quran kay khilaf ho’n. *

Or waisay bhi Quran Majeed say Hukam e Masah sabit hay to phir paow’n dhonay ki rawayaat ko quran kay khilaf honay ki wajah say kis tarah sahih tasleem kia jaa sakta hay?

13

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

*Armughal brother, *

“arjolakum” kay laam par zair-o-zabar ki behes koi ahmiat nahee’n rakhti hay kioo’n keh dono’n hi soorato’n mai’n hukam-e-masah aqwal-e-ahl-e-sunnat say sabit hay. Ahl-e-bait a.s., or as’haab-e-Rasool s.a.w.a.w., kay mutalliq kutub-e-ahl-e-sunnat mai’n mar’qoom hay keh un ki qir’att mai’n laam par zabar nahee’n balkeh zair hay. Saboot kay liay mulahizah karai’n Tafseer jaame-ul-bayan, Allama Ibn-e-Jareer juz al aashir, safah 55 taa 61 waghaira.

Tafseer Fat’hul bayan, allama ahl-e-hadees nawab siddique Hassan qanooji bhopali, mat’booa siddiqi Bhopal, juzw awwal, tafseer soorah al maedah safah 693 ki ibarat kuch yoo’n hay.

Yaani qartabi nay kaha hazrat Ibn-e-Abbas r.a., say rawayat kia gaya hay keh un’ho’n nay farmaya “wazoo 2 dhonay or 2 masah hay” or akrama apnay dono’n paow’n ka masah kartay thay, un’ho’n nay kaha paow’n dhonay ka hukam nahee’n hay mehez un kay masah ka hukam nazil hooa hay.

Or aamir sho’bi nay kaha Hazrat Jibrail a.s., masah kay hukam kay sath nazil hooay or qatadah nay kaha Allah nay 2 dhonay or 2 masah farz kiay hai’n.

Pass maloom hooa keh saheeh wazoo us’hi mazhab ka ho ga jo 2 masah or 2 dhonay par aamil ho. Jab quran say paow’n ka masah sabit hay to yaqeenan Sunnat-e-Rasool Allah s.a.w.a.w., bhi yehee hay.

Timepass
14

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Rasool-e-Maqbool s.a.w.a.w., nay paow’n kay masah ka hukam dia.

Umda’tul qari sharah Sahih Bokhari, Allama Aini, Mat’booa Daar-ul-taba’at-ul-aam’rah, Misr, jild awwal safah 659 mai’n marqoom hay

Yaani is (wajoob-e-masah ki hadeeso’n) mai’n say hadees-e-rafa’ah ibn-e-rafay say maravvi hay keh Aa’n Hazrat s.a.w.a.w., nay farmaya keh kisi ki namaz tamam nahee’n ho gi jab tak woh Allah kay hukam kay mutabiq wazoo na karay. Pass dhoay apnay munh ko or apnay dono’n hatho’n ko koh’nio’n tak or masah karay apnay sar ka or apnay dono’n paow’n ka takh’no’n tak.

Allama Aini Hanfi likhtay hai’n keh is hadees ko Hafiz Abu Ali Toosi, Abu Eesa Tirmizi or Abubakar baizar nay Hasan mana hay. Hafiz Ibn-e-Hubban or Ibn-e-Hazam nay is hadees ko sahih tasleem kia hay. Ilawah azee’n mulahizah farmae’n sharah ma’aani-ul-aasaar tahaavi, mat’ba-ul-islamia, Lahore jild 1 safah 21.

15

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Mandarjah zail Kutub-e-Ahl-e-Sunnat mai’n likha hay keh Rasool e Khuda s.a.w.a.w., wazoo mai’n apnay dono’n paow’n ka masah farmatay thay.

1. Asabah fee tameez-ul-sahabah, Hafiz Ibn-e-Hajar Asqalani, mat’booa Misr, Jild 1, Safah 192, tarjumah tameem bin zaid. ( is kitab mai’n yeh tasleem kia gaya hay keh is rawayat kay tamam ravi “suqqah” hain ).

2. Tafseer Ibn-e-Jareer Tibri, Mat’booa dar-ul-ma’aarif, Misr, jild 10, safah 75

3. Neel-ul-autaar shokani, jild 1, safah 164.

4. sharah ma’aani-ul-aasaar tahaavi, mat’ba-ul-islamia, Lahore jild 1 safah 21.

5. Kanzul ammal, Allama Ali Muttaqi, Jild 5, Safah 102, Hadees 2193 or safah 147, Hadees 2403.

16

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Mazhab-e-Ahl-e-Bait a.s., paow’n ka masah karna hay.

Hazrat Ameer-ul-Momeneen Ali Ibn-e-Abi Talib a.s., bhi wazoo mai’n paow’n ka masah hi kartay thay, mulahizah kijiay masnad-e-imam-e-ahl-e-sunnat wal jamaat Ahmad bin Hambal, mat’booa Misr, Jild 1, Safah 116.

Imam Muhammad Baqar a.s., bhi masah hi kartay thay, mulahizah kijiay “tafseer tarjuman-ul-quran” Ahl-e-Hadees Allama Siddique Hassan Bhopali, mat’booa Lahore, jild 3, safah 842.

As’haab-e-Rasool s.a.w.a.w., or Taba’een ka amal.

Mandarjah balaa satoor mai’n Fakhar-uddin Razi or Allama Bhopali kay iqrar say sabit hay keh Hazrat Ibn-e-Abbas r.a., Akrama, Sho’bi, Qatadah or Hassan Basri waghair’ham ka amal wazoo mai’n pairo’n ka masah karna tha, iss silsilay mai’n mazeed saboot hasb-e-zail kutub mai’n mulahizah karai’n.

1. Umdatul tafseer, Hafiz Ibn-e-Kaseer, Mat’booa dar-ul-ma’aarif, Misr, jild 4, safah 97.

2. Tafseer tarjuman ul quran, nawab bhopali, jild 3, safah 842 mai’n Ibn-e-Umroo Al’qama, Imam Muhammad Baqar a.s., -o- Hassan Basri-o-Jabir or Ibn-e-Zaid waghair’ham say paow’n ka masah hi maravvi hay.

3. Tafseer-e-ma’aalam-ul-tanzeel, bar hashiah tafseer khazin, mat’booa Misr, Juzv al sani, safah 16.

17

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Jab quran majeed or ahadees-e-kutub ahl-e-sunnah wal jamaat say yeh baat bakhoobi sabit ho jati hay keh wazoo mai’n paow’n kay dhonay ka hukam nahee’n bulkeh masah karnay ka hukam hay to Ulama-e-Ahl-e-sunnat ajeeb-o-ghareeb uzar bhi batatay hai’n.

Maslan Allama Ibn-e-Hajar Asqalani kehtay hai’n keh “Sahabah mai’n say Hazrat Ali a.s., or Ibn-e-Abbas r.a. or Anas Bin Malik paow’n dhonay kay mukhalif thay laikin baad mai’n Hazrat Ali a.s., or Ibn-e-Abbas r.a., nay rajoo kar lia tha”. Jis ka matlab saaf hooa keh Baab-e-Madinatul Ilm or Behr-ul-uloom jaisay jaleel-ul-qadar buzurgan kuch arsah ghalat hi wazoo kartay rahay, hala’n keh yeh baat na qabil-e-ait’baar hay kioo’n keh Hazrat Ali a.s., nay Hazoor s.a.w.a.w., kay sath sub say pehlay namaz parhi or jinab Abdullah Ibn-e-Abbas r.a., Jinab-e-Ameer a.s., kay shagird thay, un ko wazoo Hazoor s.a.w.a.w., nay khud sikhaya tha. Pass aisay uzar say safa’e ki raah dhoondna maqool tareeqa nahee’n hay. Bulkeh dar’asal Hazrat Ali a.s., Anas Bin Malik or Jinab Ibn-e-Abbas r.a., par bohtaan bandhna hay or un ki toheen karna hay keh itni qirabat-e-Rasool s.a.w.a.w., kay ba wajood woh wazoo tak bhi na jaantay thay.

18

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

Baaz hazrat yeh rawayat bhi paish kar daitay hai’n keh “airhio’n ki kharabi hay aag say…. “ aisi rawayat awwalan to khilaf-e-quran hai’n, doam khud ulama-e-ahl-e-sunnat nay in ko thukra dia hay jaisa keh Allama Waheed-ul-zaman, Ahl-e-Hadees nay Anwar-ul-Lughat, parah 10 safah 55 or parah 18 safah 154 mai’n tasleem kia hay keh “airhio’n ki kharabi wali ahadees ayat-e-wazoo say qabl ki hai’n” laikin ham kehtay hai’n keh aik taraf to Hazrat-e-ghair shia paow’n dhonay kay farz ya wajib honay ki daleel yeh latay hai’n keh airhia’n khushk naa rahai’n laikin doosri taraf khud hi mozo’n par masah kar laina kafi samajhtay hai’n. Ab farmae’n keh mozo’n par masah karnay ki soorat mai’n airhia’n khushk rahai’n gi ya nahee’n? Or phir yeh keh jab dhona aap kay nazdeek farz ya wajib hay to phir mozo’n ki soorat mai’n is farz say kotahi kioo’n barti jati hay?

Hamai’n is baat par sakht ta’ajjub hay keh mozo’n par masah ko to jaez mana ja’ay or apni jild par masah tasleem na kia jaey! Ham to samajhtay hai’n keh yeh sub Quran-o-Sunnat ki mukhalifat par mabni hay. Haqeeqat yeh hay keh na to paow’n ko dhona jaez hay or na hi mozo’n par masah karna jaez hay. Yehee wajah hay keh Hazrat Ibn-e-Abbas, Abu Hurraira, Abdullah bin umar, or Bibi Aysha mozo’n par masah karnay kay sakht mukhalif thay. (daikhiay fatah-ul-bari, sharah sahi bokhari, jild 1, safah 153, Marqat sharah mishkaat, jild 2, safah 367).

Armughal in tamaam hawalah jaat ki mojood’gi mai’n bhi kia aap “zair-o-zabar” ki uljhan mai’n khud giraftar rehna or doosro’n ko uljha’ay rakhna pasand karai’n gay?

19

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

masala yeh hay keh quran o sunnat kay naam par (bholay bhalay or sunay sunaey) musalmano'n mai'n aisi aisi bidaat ko raaej kar dia gaya hay jin ka quran o sunnat say door door ka bhi waastah nahee'n. yehee wajah hay keh wazoo jaisay aham tareen amal mai'n bhi uljhaow paida kar dia gaya hay halaa'n keh sub firqo'n ka iss baat par mukammal ittefaq hay keh agar wazoo sahi nahee'n to koi namaz nahee'n.

sirf gardan par hi musalman izafi masah nahee'n kar rahay bulkeh kaano'n kay andar tak masah kay doran ungliaa'n daali jaa rahi hai'n or sath hi sath dono'n hatho'n ki pusht par bhi masah kia jaata hay or turrah yeh keh in amaal ko sunnat-e-Rasool Allah s.a.w.a.w., kaha jaata hay jab keh na to sunnat-e-Rasool Allah s.a.w.a.w., main in bato'n ka koi tazkirah hay or na hi quran mai'n.

or aisay tamam moaamlaat ki asal wajah sirf itni hay keh musalman aam tor par un logo'n say deen laina ziadah behtar samajh'tay hai'n jin logo'n ki apni samajh mai'n deen naa aa saka or aisi soorat-e-haal mai'n aisay gull to qayamat tak khiltay hi rahai'n gay.

tehqeeq ka hukam hamaray maz'hab mai'n hay, magar afsos keh bohat say masalak mai'n ulama yeh keh kar (keh behes mai'n naa parna warna gumrah ho jaow gay) tehqeeq say bhi musalmano'n ko door rakhtay hai'n.

kia hi khoob baat ho keh ab MR. ARMUGHAL ya pairo'n ko dhonay ka koi bhi daway dar fidvi ki janib say diay ga'ay hawalah jaat mai'n say kam az kam kisi bhi sirf aik hi hawalay ki tehqeeq kay baad baat karai'n.

Tabiyat Udaas hai
20

Re: WAZOO MAI'N PAIRO'N KA DHONA YA MASAH KARNA??? KIA DURUST HAY?

nadeem zaidi bhai zara aap humain sahi wudu ka tareeka to batain!!!