Eik our fav. nazm jo buhat arsey sey post karna chahti thi per kabhi kar naheen payii, her cheez apney waqt pe injam pati he so is ney shayed is dhagey ki zeenat banana tha :)... yeh bhi A.IA ka hi eik masterpiece he, A.I.A ko yeh hunar hasil he, juzbooN ko aisa roop bakhshtey haiN keh lagta he yeh bhi mery dil meiN he ...
**Aye zameen-e-watan hum gunhegaar haiN
Hun gunh-e-gaar haiN
Aye zameen-e-watan hum gunh-e-gaar haiN
Hum ney nazmooN mein tery chamaktey hoye bam-o-dar key betaab qissey likhey
phool chehrooN pe shabnum si ghazleeN kaheeN, khwaab aankhooN key khushboo qaseedey likhey
terey khaitooN ki faslooN ko sona gina, teri galiyooN meiN dil key jareedey likhey
jin ko khud apni aankhooN sey dekha naheeN, hum ney teri jabeeN pe woh lahmey likhey
jo tassawur key lashker meiN larhtey rahey
hum woh salaar haiN
aye zameen-e-watan hum guh-e-gaar haiN
Jagti aankh sey khwaab dekhey, unheen apni marzi ki tabeer detey rahey
hum tery baarwar mousmooN key liye bad-e-sar sar meiN taseer detey rahey
hum aandherey manazir ko roshan dinooN ki umeedooN sey tanweer detey rahey
tery sahil ki aazadiyooN key liye hum talatum ko zanjeer detey rahey
jo humeesha tujhey aarzoo key jharookey sey taktey rahey
hum woh fankaar haiN
aye zameen-e-watan hum guh-e-gaar haiN
Aye zameen-e-watan hum gunh-e-gaar haiN, hum tery dukh samunder sey ghafil rahey
tery chehry ki rounaq dhuaaN ho gayi, hum raheen-e-ghum-e-dil rahey
zulm key ruhbaruu lab kushayi nah ki, is tarah zalimooN meiN bhi shamil rahey
hashar-aawar dinooN meiN jo sooeye rahey
hum woh bedaar haiN
aye zameen-e-watan hum gunh-e-gaar haiN
Jab tery zard partey hoye mousmooN ko mehkti shafak ki zaroorat parhi
Hum ney apna lahoo aazmaya naheen*sigh*
teri khushboo sakooN ki tamanna liye aandhiyooN key jaloo meiN bhatakti rahi
Hun ney roka naheen
Teri mitti nigahooN nigahooN meiN badal liye khushk mousam key rastey mein bethi rahi
hum ney dil ko sumander banaya naheen
Teri izzat zamaney key bazar meiN dil jalati boliyooN pe biki
hum ney kanooN meiN seesa utara naheen
Hum gunh-e-gaar haiN
Aye zameen-e-watan tujh ko to ilm he, loog kyooN dar-e-rah-e-mulamat howey
Jin muhafiz dushmanooN key alam tery roshan lahoo ki shahadat howey
Hum bhi un ki siyaasat key nakhcheer haiN, aasteenooN key jo saanp sabit hoye
hum bhi teri tarah sazishooN ki hawa key gireftaar haiN
Hum gunh-e-haar haiN
Hum gunh-e-gaar haiN, aye zameen-e-watan per qasam he hameen apney ajdaad ki
sarhadooN sey bulatey howey khoon ki, apni behnooN ki hurmat ki, aulaad ki
haan qasam he hameen aaney waley dinooN ki, our aankhooN meiN thehri hoyi yaad ki
Ab muhafiz numaa dushmanooN key alam
un key kaley lahoo sey bhagoeeN gey hum
Tery daman pe ruswaooN key nishaaN
apney aansooN sey dhooeeN gey hum
Aakhri martaba aye mataey-e-nazar
aaj apney gunahooN pe roeeN gey hum
Teri aanhkhooN meiN ab aye nigar-e-watan
sharam-sari key aansoo naheen aayeeN gey
Hum ko teri qasam aye bahar-e-watan
ab aandhery safar ko nah duhrayeeN gey
Gar kissi ney tery sath dhooka kiya to woh koyi bhi ho
Us key rastey ki diwaar ban jaeeN gey
Jaan dey kar tera naam kar jaeeN gey**
[This message has been edited by Rameesha (edited August 02, 2002).]
.. maiN soch rahi thi keh apni koyi fav. nazm post karooN our boloN keh koyi useey 14 august key program meiN koyi parh dey ya ga dey.. pochhney ka shukria.. mujee buhat khushi ho gi agar tum parho to