ay dil-e-raayegaan udaas udaas
phir rahe ho kahan udaas udaas
chaand ik umr se safar mei hae
aasma aasma udaas udaas
jab bhi dekha hae jhank kar dil mei
ho gaya sab jahaan udaas udaas
zindagi khel hae udaasi ka
hum yahan, tum wahan udaas udaas
kya udaasi siva nahi kuch bhi
ay mere laa-makaan udaas udaas
raat phir kyun jaagte ho aakhir
is tarha meri jaa udaas udaas
ik taraf gham hai ik taraf khushiyaan
aur mae darmiyaan udaas udaas
Farhat Abbas Shah.