Can some one Please write some of her work here !! Parveen Shakir was unique in her poetry. I wish she was alive today…,
sundar komal sapano.n kii baaraat guzar ga_ii jaanaa.N
dhuup aa.Nkho.n tak aa pahu.Nchii hai raat guzar ga_ii jaanaa.N
bhor samay tak jis ne hame.n baaham ulajhaaye rakhaa
vo albelii resham jaisii baat guzar ga_ii jaanaa.N
sadaa kii dekhii raat hame.n is baar milii to chup ke se
Khaalii haath pe rakh ke kyaa sauGaat guzar ga_ii jaanaa.N
kis ko.npal kii aas me.n ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaa.N
log na jaane kin raato.n kii muuraade.n maa.Ngaa karate hai.n
apanii raat to vo jo tere saath guzar ga_ii jaanaa.N
shukeriya Nazi83, parveen shakir mai eik ajeeb sa dard thaa,
*log na jaane kin raato.n kii muuraade.n maa.Ngaa karate hai.n *
apanii raat to vo jo tere saath guzar ga_ii jaanaa.N
no doubt parveen shakir was/is a gr8 poet:flower1: .. ok here is one of my all time fav :k: ..
tum se kaenat ka husan qaim hai
betay lamhoon mein us ne
mere haath tahm ker kaha thaa
aur aaj us ke palat jane se
mujhe yaad aa raha hai ke
yeh kehte hoee aus ke aankhain
johkee hoee thee ..
will post more soon inshAllah ..
kuchh to havaa bhii sard thii kuchh thaa teraa Khayaal bhii
dil ko Khushii ke saath saath hotaa rahaa malaal bhii
baat vo aadhii raat kii raat vo puure chaa.Nd kii
chaa.Nd bhii ain chet kaa us pe teraa jamaal bhii
sab se nazar bachaa ke vo mujh ko aise dekhate
ek dafaa to ruk ga_ii gardish-e-maah-o-saal bhii
dil to chamak sakegaa kyaa phir bhii taraash ke dekh lo
shiishaagaraan-e-shahar ke haath kaa ye kamaal bhii
us ko na paa sake the jab dil kaa ajiib haal thaa
ab jo palaT ke dekhiye baat thii kuchh muhaal bhii
merii talab thaa ek shaKhs vo jo nahii.n milaa to phir
haath duaa se yuu.N giraa bhuul gayaa savaal bhii
shaam kii naasamajh havaa puuchh rahii hai ik pataa
mauj-e-havaa-e-kuu-e-yaar kuchh to meraa Khayaal bhii
us ke hii baazuuo.n me.n aur us ko hii sochate rahe
jism kii Khvaahisho.n pe the ruuh ke aur jaal bhii
one of my fav cutepie:hug: ..
aksekhusbo hon, bikharnay say na rokay koi
aur bikhar jaoo to mujhe ko na simatay koi
kanp uthte hoon mein yeh souch kar tanhae mein
meray chehray pay tera naam na pahr lay koi
jis trha khwab meray ho gaya raiza raiza
is trha say na khabhi tot ka bikhray koi
mein to us din say harasn hoon k jub hukum milay khusk pohlon ko kitaboon mein na rakhay koi
ab to is rah say woh shakhs guzarta bhi nahi
ab kis ummed pay darwazay say jahnkay koi
koi ahat, koi awaz. koi chaap nahi
dil ka galian bare sunsaan hain, ayay koi
jis trha khwab meray ho gaya raiza raiza 
is trha say na khabhi tot ka bikhray koi
thank you GKK CP Nazi,
all ^ are Beutiful poems.
Here one of her poem of my choice. 
apani rusavaii tere naam ka charchaa dekhuN
ek zaraa sher kahuN aur maiN kya kya dekhuN
nind aa jaaye to kyaa mahafileN barpaa dekhuN
aNkh khul jaaye to tanhai kaa sahara dekhuN
shaam bhii ho gai dhundhalaa gai ankheN bhi meri
bhulanevale maiN kab tak tera rastaa dekhuN
sab zideN us ki maiN puri karuN har baat sunuN
ek bachche ki tarah se use haNstaa dekhuN
mujh pe chha jaaye vo barasaat ki Khushboo ki tarah
ang ang apanaa usi rut meN mahakta dekhuN
tu meri tarah se yakta hai magar mere habib
jee meN aata hai koi aur bhi tujh sa dekhuN
maiN ne jis lamhe ko puja hai, use bas ek baar
Khwab ban kar teri ankhoN meN utarata dekhuN
tu mera kuchh nahiN lagataa hai magar jaan-e-hayaat
jaane kyoN tere liye dil ko dha-Dakta dekhuN
terii Khushbuu kaa pataa karatii hai
terii Khushbuu kaa pataa karatii hai
mujh pe ehasaan havaa karatii hai
shab kii tanhaa_ii me.n ab to aksar
guftaguu tujh se rahaa karatii hai
dil ko us raah pe chalanaa hii nahii.n
jo mujhe tujh se judaa karatii hai
zindagii merii thii lekin ab to
tere kahane me.n rahaa karatii hai
us ne dekhaa hii nahii.n varnaa ye aa.Nkh
dil kaa ehavaal kahaa karatii hai
beniyaaz-e-kaaf-e-dariyaa angusht
ret par naam likhaa karatii hai
shaam pa.Date hii kisii shaKhs kii yaad
kuuchaa-e-jaa.N me.n sadaa karatii hai
mujh se bhii us kaa hai vaisaa hii suluuk
haal jo teraa ana??? karatii hai
dukh huaa karataa hai kuchh aur bayaa.N
baat kuchh aur huaa karatii hai
abr barase to inaayat us kii
shaaKh to sirf duaa karatii hai
masalaa jab bhii uThaa chiraaGo.n kaa
faisalaa sirf havaa karatii hai
~Chaand~
Aik se musafir haiN
Aik sa muqadar hai
MaiN zameen par tanha!
Aur woh aasmaanooN meiN!
~Mashwarah~
Nanhi laRki
Sahil ke itne nazdeek
Rait se apne ghar na bana
Koi sarkash mouj idhar aai to
Tere ghar ki bunyaadooN tak beh jaeiN gi
Aur phir un ki yaad meiN tu
Saari umar udaas rahe gi!
Zabardast poems Ghazal & cuteepie…my favourite :k:
Muhabbat karne waale suna hai
aankhoa’n mei taare liye phirte hain
aur chehre pe kos-o kazah ke
rang bhi saare kiye phirte hain
haan baat hai saari kismat ki
warna apni bhi khawaish thi
ke taare dastaras mei hote
keh rang dhank ke apne bass mei hote
Shaam dhale nam naak sarak pe
barf si rangat waali larki
kissi ka rasta dekh rahi hai
khirki khol ke mei kiya dekhoon
keh de gi wo nein chura ke
duniya kitna shak karti hai
kaan ka baala dhoond rahi hoon.
*Mujhe mut batana
K tum ne mujhe choorne ka irada kia tha
Tu kion aur kis waja se
Abhi tu tumhare bicherne ka dukh hee kum nahi howa
Abhi tu mae
BatoN k aur waadoN k shehr-e-talsimaat mein
Aankh per khush gumani ki pattii liye
Tum ko pairoN k peechayN k jhund aur deewar ki pusht per
Darakhto
Dhoondhne mien magan hoon
Kaheen per tumhari sada aur kaheen per tumharii mehek
Mujh pe hunsne mein masroof hai
Abhi tuk tumharii hunsii se nabrd-azma hoon
Aur is jung mein mera hathyaar
Apni wafa per bharosa hai aur kuch nahi
Usse kund kerne ki koshish na kerna
Mujhe mut batana *
Zehan mein nahee
Bas itna yaad hai
Ke do hatheleyaan milli huwi theen
Jin mein aik meri thee
Aur aik tumhari ...
hamaare daramiyaN aisaa koi rishtaa nahiin thaa
tere shaanon pe koi chhat nahin thi
mere zimme koi aaNgan nahin thaa
koi vaadaa teri zanjiir-e-paa banane nahiin paayaa
kisi iqaraar ne meri kalaai ko nahiin thaamaa
havaa-e-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaai pe
dekhaa jaaye to
puuraa tasarruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se bevafaai ki
Hey can anyone post 'Jab say Tum Gaye Ho Aankh mein nami si hai'
HELPPPPPPPPPPPPPPPPPPPPPPPPPPP !!!!!!!!!!!!!!!!
since there are many fans of Parveen shakir so i though to search here and find some of the stuff that some memebers posted so here it is.. is some of them are already posted in this thread just ignore me ..:-D ..
*Dasht-e-shab par dikhai kya deiN gi
silvateiN roshani meiN ubhareiN gi
Ghar ki deewareiN mere jaane par
apani tanhaiyoN ko socheiN gi
UngaliyoN ko taraash dooN phir bhi
aadatan us ka naam likkheiN gi
Rang-o-bu se kahiN panah nahi
KhawahisheiN bhi kahaN amaaN deiN gi
KhiRkiyooN par dabeez parde hooN
baarisheiN phir bhi dastakeiNn deiN gi*
Posted by Sabha
Wo tu khushboo hai, hawaaoa’n mei bikhar jaaye gaa
masla tu phool ka hai, phool kidher jaaye gaa
hum tu samjhe the keh ik zakham hai bhar jaaye gaa
kiya khabar thi keh rag_e jaa’n mei uter jaaye gaa
wo hawaaoa’n ki tarah khana bajaa’n phirta hai
aik jhonka hai jo aye gaa, guzar jaaye gaa
wo jab aye gaa tu phir uss ki rafaqat ke liye
mausam_e gul mere aangan mei thehr jaaye gaa
aakhrish wo bhi kaheen rait pe bethi ho gii
tera ye pyaar bhi daryaa hai, utar jaaye gaa
mujh ko tehzeeb ke barzah ka banaya waaris
jurm ye bhi mere ajdaad ke sarr jaaye gaa…
Posted by maheen2002 :k:
KAMAAL -E-ZABT ( Height Of Patience)
Kamaal-e-zabt ko khud bhi tu aazmaaon gee
Mein apney haath se uss ki dulhan sajaaoon gee..
Supard kar ke ussey chandni ke haathoon mein
Mein apney ghar ke andhairon mein laut aaoon gee
Badan ke karb ko woh bhi samajh na paaiey gaa
Mein dil mein rauoon gee,aankhoon mein muskuraaoon gee
Woh kiya gaya keh rifaqat ke saarey lutf gayey
Mein kiss se rooth sakoon gee kisey manaaoon gee
Woh jhoot boley gaa aur lajawaab kardey gaa
Mein sach kahoon gee magar phir bhi haar jaaoon gee
Jawaaz dhoondh raha tha nai mohabbaton ka
Woh keh raha tha ke mein uss ko bhool jaaaoon gee
Posted by blushing_vision