the much requested Bait Bazi - LXVI

Galaxy · January 31, 2003, 12:21pm

**
Tumhari zau seu purzian jabeen-e-kainaat hai
Kawakib baqa ho tum, jahan andheri raat hai
**

Dilsay · January 31, 2003, 4:16pm

Ya he nahi ka hamain toor kar giya hai koyee
Usay behi khud ko bohat dair khud ko joorna hoo ga

Galaxy · January 31, 2003, 5:09pm

Asar hai jis mein key har mauj kar farma ka
Woh aik qatra hai haasil tamaam darya ka

Dilsay · January 31, 2003, 5:46pm

Ak pakara e wafa ka ya ijaz dekhna
Kachay gharay ke khooshbo rach gayee Chanab main

_Nazish · January 31, 2003, 6:46pm

NahiN dil meiN kuchh HasratooN ke siwaa
yehi aik meHfil jami reh gaee.

Dilsay · January 31, 2003, 6:50pm

Ya itafaq ka tari gali main aa niklay
Wagar na dur bohat dur hum ko jana tha

_Nazish · January 31, 2003, 6:52pm

Ultee hi chaal chaltye hain deewaangeen-e-ishq
aankhoon ko band ker letye hain deedar ke liye. sigh

Dilsay · January 31, 2003, 6:54pm

Itna lakhoon ga taray baad taray baray main
Anay waloon nay tujah ko pahlay say dekha hoo ga

_Nazish · January 31, 2003, 6:58pm

Ab bhi dilkash hai tera husn, magar kiya keejiye
Aur bhi dukh hain zamanay maiN muhabbat kay siva.

(Faiz Ahmed Faiz)

( I usually tell my friends ke "aur bhee **kaam* hain zamaane maiN muhabat ke siva"* :D )

Dilsay · January 31, 2003, 7:01pm

Us ko khat main likha kar bhajain mazi kee batain
Shiyad pathar ke dewar mainkoyee dar ban jaya...

Magar us nay kaha mazi ke koyee baat nahi kar nee...

_Nazish · January 31, 2003, 7:05pm

Ye aaj shub phir kis ne humeN saza di hai
Ke payar ke ik shama phir jalla di hai
Tumhare hijar ka mosam bara rangeeN thehra
Khayal ne wasal ke zakhmoN ko phir jila di hai.

Galaxy · January 31, 2003, 7:19pm

Yeh be-rukhi aik roz tu maqsoom thee apni
Hum teri tawajjah key talabgar buhat they

Dilsay · January 31, 2003, 7:21pm

Ya qurbat tu hamain ankh jhapaknay behi nahi deeti
Bohat kareeb suraj ka ujala hota jata hai

_Nazish · January 31, 2003, 7:22pm

Ye haadsa bhi ajab hai keh tere deevaane
Lagaae dil se gham.e.rooz.gaar phirte haiN

Galaxy · January 31, 2003, 7:26pm

Na beron ka patta tha aur na koson ghaat milta tha
Jahan tak kaam karti theen nigahein paat milta tha

Dilsay · January 31, 2003, 7:28pm

ahal-e-dil aur bhii hai.n ahal-e-vafaa aur bhii hai.n
ek ham hii nahii.n duniyaa se Khafaa aur bhii hai.n

_Nazish · January 31, 2003, 7:29pm

na chooRna kabhi tufaaN meiN aas ki patwaar
ye aa rahi hai sadaa dam.ba.dam kinaarooN se

Galaxy · January 31, 2003, 7:35pm

Yeh kia jaaney key faryadon key maskan haojn tarannum mein
Yeh kia jaaney key gham palta hai aaghosh-e-tabassum mein

_Nazish · January 31, 2003, 7:37pm

Na jaanaa aaj tak kyaa shai Khushii hai
hamaarii zindagii bhii zindagii hai

(Firaq Gorakhpuri )

Galaxy · January 31, 2003, 7:38pm

Yeh kia jaaney abhi dildoz baatein kaisi hoti hain
Yeh kia jaaney abhi majrooh raatein kaisi hoti hain