Poet of the Month SAGAR SIDDIQUI

Arts & Culture Poetry ( Intikhaab & Sho'ra-e-Gupshup)
1

Asalam U Alaikum 2 all ma friend.

chupaaye dil meIn Ghamoon ka jahan baithe hain
tumhaarii bazm mein ham bezabaan baithe hain

ye aur baat ki manzil pe ham pohanch na sake
magar ye kam hai ki raahon ko chhaan baithe hain

fugaa.n hai dard hai soz-o-firaaq-o-daag-e-alam
abhii to ghar mein bohat meharabaan baithe hain

ab aur gardish-e-taqadiir kyaa sataayegii
lutaa ke ishq mein naam-o-nishaan baithe hain

vo ek lafz-e-mohabbat hii dil kaa dushman hai
jise shariat-e-ehasaas maan baithe hain

hai maikadon kii bahaaron se dostii ‘Sagar’
baraaye had-e-yaqiin-o-gumaan baithe hain

Khush rahain Amin..chalta hoon BeInG LoNely.. SiD !!!

2

Re: Poet of the Month SAGAR SIDDIQUI

nice....!!!

3

Re: Poet of the Month SAGAR SIDDIQUI

Poocha kisi ne haal kisi ka tu roo diye
Paani mein aks chand ka dekha tu roo diye

Nagma kisi ne saaz pe chhera tu hans parey
Ganicha kisi ne shhah se toora tu roo diye

Uurta hua gubar sare e raa dekh ker
Anjam hum ne ishq ka soocha tu roo diye

Badal fiza mein aap ki tasveer ban gaye
Saaya koi khayal se guzra tu roo diye

Rang e shafak se aag shagofon mein lag gayi
Sager hamarey haath se chalka tu roo diye

By:Sager Siddiqie

4

Re: Poet of the Month SAGAR SIDDIQUI

*hai duaa yaad magar harf-e-duaa yaad nahiin
mere naGmaat ko andaaz-e-navaa yaad nahiin *

*main ne palakon se dar-e-yaar pe dastak dii hai
main vo saahil huuN jise ko_ii sadaa yaad nahiin *

*main ne jin ke liye raahon mein bichhayaa thaa lahuu
ham se kahate hain vahii ahad-e-vafaa yaad nahiin *

*kaise bhar aa_iin sar-e-shaam kisii kii aaNkhein
kaise tharraa_e charaaGon kii ziyaa yaad nahiin *

*sirf dhundhalaa_ii sitaaron kii chamak dekhii hai
kab huaa kaun huaa kis se Khafaa yaad nahiin *

*zindagii jabr-e-musalasal kii tarah kaTatii hai
jaane kis jurm kii paa_ii hai sazaa yaad nahiin *

*aao ik sajdaa kare.n aalam-e-madhahoshii mein
log kahate hain "Sagar" ko Khudaa yaad nahiin *

Poet: Sager Siddiqie

5

Re: Poet of the Month SAGAR SIDDIQUI

ye jo diivaane se do chaar nazar aate hain
in main kuchh saahib-e-asraar nazar aate hain

terii mahafil kaa bharam rakahate hain so jaate hain
varnaa ye log to bedaar nazar aate hain

duur tak ko_ii sitaaraa hai na ko_ii juganuu
marg-e-ummiid ke aasaar nazar aate hain

mere daaman main sharaaron ke sivaa kuchh bhii nahiin
aap phuulon ke Khariidaar nazar aate hain

kal jise chhuu nahiin sakatii thii farishton kii nazar
aaj vo raunaq-e-baazaar nazar aate hain

hashr main kaun gavaahii merii degaa 'Sagar'
sab tumhaare hii taraf_Daar nazar aate hain

6

Re: Poet of the Month SAGAR SIDDIQUI

buhat khoob ,beinglonely,maham ji and bookworm,buhat achi sharing ki hain ap ne

7

Re: Poet of the Month SAGAR SIDDIQUI

:k:

8

Re: Poet of the Month SAGAR SIDDIQUI

**Phool Chahe Thay Magar Haath Main Aiy Pathar
Humne Aaghosh E Mohabbat Main Sulaay Pathar

Wahshat E Dil Kay Takaluf Ki Zarorat Kay Liye
Aaj Us Shookh Ne Zulfon Main Sajay Pathar

Un Kay Qadmon Kay Talay Chand Sitaray Dekhay
Apni Raahon Main Sulagtay Hoy Pay Pathar

Mein Teri Yaad Ko Yon Dil Main Liye Phirta Hon
Jaisay Farhad Ne Seenay Se Lagay Pathar

Fikar Saghar Kay Khareedar Na Bholaingay Kabhi
Maine Askhon Kay Gheray Thay Jo Banay Pathar**

9

Re: Poet of the Month SAGAR SIDDIQUI

very nice .....keep it up all of u.

10

Re: Poet of the Month SAGAR SIDDIQUI

Thanx Ehsass,,,

11

Re: Poet of the Month SAGAR SIDDIQUI

dukh dard kii sauGaat hai duniyaa terii kyaa hai

*dukh dard kii sauGaat hai duniyaa terii kyaa hai
ashko.n se bharii raat hai duniyaa terii kyaa hai *

*kuchh log yahaa.N nuur-e-sahar Dhuu.NDh rahe hai.n
taariik sii ik raat hai duniyaa terii kyaa hai *

*paaband-e-mashiyat hai tanaffus bhii nazar bhii
ik jaziyaa-e-lamhaat hai duniyaa terii kyaa hai *

*taqadiir ke chehare kii shikan dekh rahaa huu.N
aa_iinaa-e-haalaat hai duniyaa terii kyaa hai *

*majaruuh-e-taqaddus hai taqaddus kii haqiiqat
ruudaad-e-Kharaabaat hai duniyaa terii kyaa hai *

*"Sagar" me.n chhalakate hai.n samavaat ke isaraar
saaqii kii karaamaat hai duniyaa terii kyaa hai *

12

Re: Poet of the Month SAGAR SIDDIQUI

gul ko shabnam se aag lag jaye
moj ko rum se aag lag jaye
bazm-e-taqdees ki fizaoon se
husn-e-berham se aag lag jaye
aisey zakhmoon ko kiya kerey koi
jin ko merham se aag lag jaye
kaash aiy zindagee ki raqasah
teri cham cham se aag lag jaye
dill ki be-taab ahtoon main nadeem
zulf-e-berham se aag lag jaye
*chandni ke sohaag main sagar
chashm-e-purnam se aag lag jaye *

13

Re: Poet of the Month SAGAR SIDDIQUI

hmm hey nice.. i luv this person..

azmat-e-zindagii ko bech diyaa
ham ne apanii Khushii ko bech diyaa

chashm-e-saaqii ke ik ishaare pe
umr kii tishnagi ko bech diyaa

rind jaam-o-subuu pe ha.Nsate hai.n
shaiKh ne bandagii ko bech diyaa

rah_guzaaro.n pe luT ga_ii raadhaa
shaam ne baa.Nsurii ko bech diyaa

jagamagaate hai.n vahashato.n ke dayaar
aql ne aadamii ko bech diyaa

lab-o-ruKhsaar ke ivaz ham ne
sitvat-e-Khusravii ko bech diyaa

ishq beharuupiyaa hai ai 'Sagar'
aap ne saadagii ko bech diyaa

14

Re: Poet of the Month SAGAR SIDDIQUI

hey i need help..
sagar siddiqui ka ek shair tha. jis mein kuch istarah yeh kehte hain k..

zamana ko humse shiqwa hain k hum dard ki batein aam karte hain..
agar kisi ko is ka pata ho to zaroor share kijiye ga.. thanx

15

Re: Poet of the Month SAGAR SIDDIQUI

Faqeeh-e-shehr ne tohmat lagaai Saaghar par
Ye shakhs dard ki daulat ko aam karta hai......

16

Re: Poet of the Month SAGAR SIDDIQUI

hmm hey nice.. i luv this person.. azmat-e-zindagii ko bech diyaa ham ne apanii Khushii ko bech diyaa chashm-e-saaqii ke ik ishaare pe umr kii tishnagi ko bech diyaa rind jaam-o-subuu pe ha.Nsate hai.n shaiKh ne bandagii ko bech diyaa rah_guzaaro.n pe luT ga_ii raadhaa shaam ne baa.Nsurii ko bech diyaa jagamagaate hai.n vahashato.n ke dayaar aql ne aadamii ko bech diyaa lab-o-ruKhsaar ke ivaz ham ne sitvat-e-Khusravii ko bech diyaa ishq beharuupiyaa hai ai 'Sagar' aap ne saadagii ko bech diyaa

[QUOTE]

[/QUOTE]

Nice one!

17

Re: Poet of the Month SAGAR SIDDIQUI

*teri dunya mein ya rab zist ke saman jalte hain
fareb-e-zindagi ki ag mein insan jalte hain *

*dilon mein azmat-e-tauhid k dipak fasurda hain
jabinon par riya-o-kubr k saman jalte hain *

*hawas ki baryabi hai khird-mandon ki mahfil mein
rupahli tikaliyon ki ot mein iman jalte hain *

*hawadis raqs-farma hain qayamat muskurati hai
suna hai nakhuda k nam se tufan jalte hain *

*shagufe jhulte hain is chaman mein bhuk k jhule
baharon mein nasheman to bahar-e-unwan jalte hain *

*kahin azeb ki chan-chan mein majburi tarapti hai
riya dam tor deti hai sunehre dan jalte hain *

manao jashn-e-may-noshi bikhrao zulf-e-maykhana
ibadat se to "Sagar" dahar k shaitan jalte hain

18

Re: Poet of the Month SAGAR SIDDIQUI

ohoo bas na. luv u na..
u r the best !:D

19

Re: Poet of the Month SAGAR SIDDIQUI

nice sharings all of u

20

Re: Poet of the Month SAGAR SIDDIQUI

Someone plzz share the ghazal, I don' have it :

" La'l o gohar ki zyaaoN se khazaana be-khabar "

Thank you.