Re: Poet of the Month SAGAR SIDDIQUI
:k:
Re: Poet of the Month SAGAR SIDDIQUI
ye aur baat ki manzil pe ham pohanch na sake
magar ye kam hai ki raahon ko chhaan baithe hain
Buhat Khub SID:k:
Re: Poet of the Month SAGAR SIDDIQUI
ruudaad-e-muhabbat kya kahiye kuch yaad rahi kuchh bhool gaye
do din ki masarrat kya kahiye kuch yaad rahi kuchh bhool gaye
Re: Poet of the Month SAGAR SIDDIQUI
Woh bulaein tu kya tamasha ho
Hum na jaayein tu kya tamasha ho
Yeh kanaron se khelney waley
Doob jaayein tu kya tamasha ho
Banda parvaz!ju hum pe guzri hai
Hum batayein tu kya tamasha ho
Aaj hum bi teri wafaon per
Muskarayein tu kya tamasha ho
Teri suraat ju itifaak se hum
Bhool jaayein tu kya tamasha ho
Waqt ki chand saetein 'Sager'
Lout aayein tu kya tamasha ho
Re: Poet of the Month SAGAR SIDDIQUI
Main "sagar....sagar" parh parh k tang aa gaya huN, koi to sahi takhallus likh de........................................ "saghar"
"Naam Saghar Hai, Mai Ko Tarse Hai" :(
Re: Poet of the Month SAGAR SIDDIQUI
BEHKEY JHONKON MAIN TERI ZULFON KA KHUMAAR,
BIJLIYAAN JAISEY TEREY KAAN KA BALA CHAMKEY,
DOOR YADON KE MEHEKTEY HUYE JUNGLE MAIN KAHIEN,
JAISEY CHHOTA SA BAHARON KA SHIWALA CHAMKEY.
SAGAR SIDDIQUIE
Re: Poet of the Month SAGAR SIDDIQUI
**
[QUOTE]
**
**BEHKEY JHONKON MAIN TERI ZULFON KA KHUMAAR,
BIJLIYAAN JAISEY TEREY KAAN KA BALA CHAMKEY,
DOOR YADON KE MEHEKTEY HUYE JUNGLE MAIN KAHIEN,
JAISEY CHHOTA SA BAHARON KA SHIWALA CHAMKEY.
SAGAR SIDDIQUIE**
**
[/QUOTE]
**
Buhat khoob...!
<!-- / message -->
Re: Poet of the Month SAGAR SIDDIQUI
sagar bahe hai
saghar cHalke hai
Re: Poet of the Month SAGAR SIDDIQUI
ye jo deevaane se do chaar nazar aate hain
in me.n kuchh saahib-e-asraar nazar aate hain
teri mahafil kaa bharam rakahate hai.n so jaat ehain
varna ye log to bedaar nazar aate hain
duur tak ko_i sitaaraa hai na ko_i juganuu
marg-e-ummeed ke aasaar nazar aate hain
Re: Poet of the Month SAGAR SIDDIQUI
Nice sharing all of u, WELL DONE :k:
These r my fav:
GHAZAL
Aaj rooThe hue saajan ko bohat yaad kia
Apne ujRe hue gulshan ko bohat yaad kia
Jab kabhi gardish-e-taqdeer ne gheira hai hamein
Geisu-e-yaar ki uljhan ko bohat yaad kia
Jis k maathe pe naee subh ka jhoomar hoga
Ham ne us waqt ki dulhan ko bohat yaad kia
Aaj TooTe hue sapnoN ki bohat yaad aaee
Aaj beete hue saawan ko bohat yaad kia
Ham sar-e-toor bhi mayoos-e-tajalli hi rahe
Us dar-e-yaar ki chilman ko bohat yaad kia
Mutma’in ho hi gaye daam o qafas mein Saghar
Ham aseeroN ne nasheiman ko bohat yaad kia
Re: Poet of the Month SAGAR SIDDIQUI
GHAZAL
Main iltefaat-e-yaar ka qaayal nahi hooN dost
Sone k narm taar ka qaayal nahi hooN dost
Mujh ko khizaaN ki eik luTi raat se hai pyar
Main raunaq-e-bahaar ka qaayal nahi hooN dost
Har shaam-e-vasl ho naee tamheed-e-aarzu
Itna bhi intazaar ka qaayal nahi hooN dost
Do chaar din ki baat nahi zindagi ki baat
Do chaar din k pyaar ka qaayal nahi hooN dost
Jis ki jhalak se maand ho ashkoN ki aabru
Us motiyoN k haar ka qaayal nahi hooN dost
Laaya hooN be-hisaab gunaahoN ki eik fard
Majboor hooN shumaar ka qaayal nahi hooN dost
Saghar ba-qadr-e-zarf luTaata hooN naqd-e-hosh
Saaqi se main udhaar ka qaayal nahi hooN dost
Re: Poet of the Month SAGAR SIDDIQUI
GHAZAL
Agarche ham ja rahe hain mehfil se naala-e-dil figaar ban kar
Magar yaqeeN hai k lauT aayeN ge naghma-e-nau-bahaar ban kar
Ye kya qayaamat hai baagh-baano! k jin ki khaatir bahaar aaee
Wohi shagoofe khaTak rahe hain tumhari aankhoN mein khaar ban kar
Jahaan waale hamaare geetoN se jaaeza lein ge siskiyoN ka
Jahaan mein phail jaayeN ge ham bashar bashar ki pukaar ban kar
Bahaar ki bad-naseeb raatein bula rahi hain chale bhi aao
Kisi sitaare ka roop le kar kisi k dil ka qaraar ban kar
Zarurat-e-raah k mutaabiq musaafiroN ne bhi seekh li hai
Wo rahzani, muddatoN rahi hai jo rahbaroN ka sha'aar ban kar
Talaash-e-manzil k marhaloN mein ye haadisa ik ajeeb dekha
Fareib raahoN mein baiTh jaata hai soorat-e-aaitbaar ban kar
Ghuroor-e-hasti ne maar Daala wagarna ham log jee hi lete
Kisi ki aankhoN ka noor ho kar kisi k dil ka qaraar ban kar
Dayaar-e-peer-e-maghaaN mein aa kar ye ik haqiqat khuli hai Saghar
Khuda ki basti mein rehne waale to looT lete hain yaar ban kar
Re: Poet of the Month SAGAR SIDDIQUI
GHAZAL
Ham baRi door se aaye hain tumhaari khaatir
Dil k armaan bhi laaye hain tumhaari khaatir
Aaisa ik sang jo taaleef-e-rah o manzil ho
ManziloN dhoond k aaye hain tumhaari khaatir
Kitni be-naam umeedoN k diye picHle peher
Ham ne darya mein bahaaye hain tumhaari khaatir
Ehd-e-raushan k sukhan-war na bhulaayeN ge kabhi
Ham ne wo seher jagaaye hain tumhaari khaatir
Ham na chaahein ge kabhi takht Jam o Khusrau k
Ham ne armaan luTaaye hain tumhaari khaatir
Ham wahaN they k jahaN saghar o meena they mudaam
Dosto ! lauT k aaye hain tumhaari khaatir
Re: Poet of the Month SAGAR SIDDIQUI
GHAZAL
Mataa-e-Kausar o ZamZam k paimaane, teri aankhein
Farishton ko bana deti hain deewaane, teri aankhein
Jahaan-e-rang o bu uljha hua hai in k Doron mein
Lagi hian kaakul-e-taqdeer suljhaane, teri aankhein
Ishaaron se dilon ko cHeiR kar iqraar karti hain
UThaati hain bahaar-e-nau k nazraane, teri aankhein
Wo deewaane zamaam-e-laala o gul thaam lete hain
Jinhein mansoob kar deti hain veeraane, teri aankhein
ShagoofoN ko sharaaroN ka machalta roop deti hain
**Haqeeqat ko bana deti hain afsaane, teri aankhein**
Re: Poet of the Month SAGAR SIDDIQUI
GHAZAL
Eik wa'da hai kisi ka jo wafa hota nahi
Varna in taaroN bhari raatoN mein kya hota nahi
Jee mein aata hai ulaT dein un k chehre se naqaab
Hausla karte hain lekin hausla hota nahi
Shamma jis ki aabru par jaan de de jhoom kar
Wo patanga jal to jaata hai fana hota nahi
Ab to muddat se rah o rasm-e-nazaara band hai
Ab to un ka toor par bhi saamna hota nahi
Har bhikaari pa nahi sakta maqaam-e-khwaajgi
**Har kas o naakas ko tera gham ata hota nahi**
Re: Poet of the Month SAGAR SIDDIQUI
GHAZAL
Charaagh-e-toor jalaao, baRa andhera hai
Zara naqaab uThaao, baRa andhera hai
Abhi to subh k maathe ka rang kaala hai
Abhi qareeb na aao, baRa andhera hai
Wo jin k hote hain khursheed aastinoN mein
Unhein kahiN se bulaao, baRa andhera hai
Mujhe tumhari nigahoN pe aaitmaad nahi
Mere qareeb na aao, baRa andhera hai
Jise zubaan-e-khirad mein sharaab kehte hain
**Wo raushni c jalaao, baRa andhera hai**
Re: Poet of the Month SAGAR SIDDIQUI
GHAZAL
Sho'la-samaan khilaunoN se behel jaata hai
Haaye insaan khilaunoN se behel jaata hai
Husn but-saaz khilaunoN ka puraana khaaliq
Ishq anjaan khilaunoN se behel jaata hai
Ham bahar-haal haqiqat ko samajh lete hain
Dil hai nadaan, khilaunoN se behel jaata hai
Jo tere gham ki nadaamat na uTha sakta ho
Wo pashemaan khilaunoN se behel jaata hai
Mauj-e-giryah se lipaT jaate hai wa'de un k
Gham ka tufaan khilaunoN se behel jaata hai
Chashm-e-Saghar ko nahi khwahish-e-jannat waaiz!
Tera eemaan khilaunoN se behel jaata hai !
Re: Poet of the Month SAGAR SIDDIQUI
Bhooli hui sada huN mujhe yaad kijiye
Tum se kahiN mila huN mujhe yaad kijiye
Manzil nahi huN, Khizr nahi, raahzan nahi
Manzil ka raasta huN mujhe yaad kijiye
NaghmoN ki ibtada thi kabhi mere naam se
AshkoN ki inteha huN mujhe yaad kijiye
Gum-sum khaRi hain donoN jahaN ki haqiqatein
Main un se keh raha huN mujhe yaad kijiye
Kuch is tarha se zeest ko apnaao dosto
Ta-hashr maut ko bhi rahe intazaar-e-zeest
Saghar ki zindagi pe koi tabsara na kar
Ik shamma jal rahi hai sar-e-rahguzaar-e-zeest