Re: Poet of the Month- Parveen Shakir -
kuchh faisalaa to ho ki kidhar jaanaa chaahiye
paanii ko ab to sar se guzar jaanaa chaahiye
har baar e.Diiyo.n pe giraa hai meraa lahuu
maqtal me.n ab ba-tarz-e-digar jaanaa chaahiye
kyaa chal sakenge jin kaa faqat mas'laa ye hai
jaane se pahale raKht-e-safar jaanaa chaahiye
BY PARVEEN SHAKIR
Re: Poet of the Month- Parveen Shakir -
abr-e-bahaar ne
phool kaa cheharaa
apane banafshii haath mein lekar
aise chuumaa
phuul ke saare dukh
Khushbuu ban kar bah nikale hain.
By:Parveen Shakir
Re: Poet of the Month- Parveen Shakir -
mushkil hai ab shahar me.n nikale ko_ii ghar se
dastaar pe baat aa ga_ii hai hotii hu_ii sar se
barasaa bhii to kis dasht ke be-faiz badan par
ik umr mere khet the jis abr ko tarase
is baar jo indhan ke liye kaT ke giraa hai
chi.Diyo.n ko ba.Daa pyaar thaa us buu.Dhe shajar se
mehanat merii aa.Ndhii se to manasuub nahii.n thii
rahanaa thaa ko_ii rabt shajar kaa bhii samar se
BY PARVEEN SHAKIR
Re: Poet of the Month- Parveen Shakir -
Khwabo'n ka bahrm tot gaya..!!
apnay bistar per bohut dair say may neem-daraz
souchi thee kay woh is waqt kahan ho ga?
main yahaan hoon magar is kocha-o-rung-o-bo
roz ke trha say woh aaj bhi aya ho ga
aur jub us nay mujh ko na paya ho ga!?
app ko ilm hay woh aaj nahi aye hay?
mere her dost say us nay yahi pocha ho ga
kion nahi aye owh kia baat hue hay akhair
khud say is baat per soo baar uljha ho ga
kal woh ayay gee to may us say nahi bolo'n ga
ap he ap kae baar woh rotha ho ga
woh nahi hay to bulandi ka safar kitna kathan hay
sehriyan chartay hoay us nay yahee soucha ho ga
rah-dari may, haray lawn may, mujhe pholo'n kay kareeb
us nay her simt mujhe aan kay dohnda ho ga
naam bholay say jo mera kahin aya ho ga
ghari-mahnoos tarekay say woh chounka ho ga
ek jumlay ko kaye baar suna ho ga
baat kartay hoay so baar woh bhoola ho ga
jo larki naye aye hay, kahin woh to nahi
us nay her chehra yahee souch kay dekha ho ga
jaan-e-mehfil hay magar aaj, faqat meray baghair
hayay kis derjay wohi bazam may tanha ho ga
khabhi santo'n say wahshat jo hoe ho gee usay
usnay baysakhta phir mujhe ko pukara ho ga
chaltay chaltay koi maanoos se ahat paa kar
dosto k bhi kese gadar say roka ho ga
yaad kar kay mujhe, num ho gaye hoonge palkein
'ankh main per gaya kuch' yeh keh kay tala ho ga
aur ghabra kar kitabon main jo li ho gi panah
her satar main mera chehra ubhar aya ho ga
jab mili hogi use meri alalat ki khabar
us ne ahista say deewar ko thama ho ga
soch ker ye, bahel jayay pershanye dil
yun hi bewaja, kise shaks ko roka hoga!
itifaqan mujhe us sham meri dost mili
main ne poocha kay sunau? ayay thay wo?
mujhe ko poocha tha? mujhe dhounda tha charoon janib?
us ne ik lamhay ko dekha mujhe aur phir ha'n's de
us haase main tou wo talkhi thi kay us se agay
kiya kaha usne mujhe yaad nahi
itna maloom hai, khwabo'n ka bahrm tot gaya!!!
Parveen Shakir!
Re: Poet of the Month- Parveen Shakir -
terii Khushbuu kaa pataa karatii hai
mujh pe ehasaan havaa karatii hai
shab kii tanhaa_ii me.n ab to aksar
guftaguu tujh se rahaa karatii hai
dil ko us raah pe chalanaa hii nahii.n
jo mujhe tujh se judaa karatii hai
zindagii merii thii lekin ab to
tere kahane me.n rahaa karatii hai
us ne dekhaa hii nahii.n varnaa ye aa.Nkh
dil kaa ehavaal kahaa karatii hai
beniyaaz-e-kaaf-e-dariyaa angusht
ret par naam likhaa karatii hai
by PARVEEN SHAKIR
Re: Poet of the Month- Parveen Shakir -
nice contribution every one :)thanks 4 sharing with every one :) and thanks gazal for posting:)