Re: Poet of the Month- Parveen Shakir -
khulii aa.Nkho.n me.n sapanaa jaagataa hai
vo soyaa hai ke kuchh kuchh jaagataa hai
terii chaahat ke bhiige jangalo.n me.n
meraa tan mor ban ke naachataa hai
mujhe har kaifiyat me.n kyo.n na samajhe
vo mere sab havaale jaanataa hai
kisii ke dhyaan me.n Duubaa huaa dil
bahaane se mujhe bhii Taalataa hai
sa'Rak ko chho'R kar chalanaa pa'Regaa
ke mere ghar kaa kachchaa raastaa hai
*Parveen Shakir*
Re: Poet of the Month- Parveen Shakir -
kamaal-e-zabt ko Khud bhii to aazamaa_uu.Ngii
mai.n apane haath se us kii dulhan sajaa_uu.Ngii
supurd kar ke use chaa.Ndanii ke haatho.n
mai.n apane ghar ke a.Ndhero.n ko lauT aa_uu.Ngii
badan ke karb ko vo bhii samajh na paayegaa
mai.n dil me.n rouu.Ngii aa.Nkho.n me.n muskuraa_uu.Ngii
vo kyaa gayaa ke rafaaqat ke saare lutf gaye
mai.n kis se ruuTh sakuu.Ngii kise manaa_uu.Ngii
vo ik rishtaa-e-benaam bhii nahii.n lekin
mai.n ab bhii us ke ishaaro.n pe sar jhukaa_uu.Ngii
bichhaa diyaa thaa gulaabo.n ke saath apanaa vajuud
vo so ke uThe to Khvaabo.n kii raakh uThaa_uu.Ngii
ab us kaa fan to kisii aur se manasuub huaa
mai.n kis kii nazm akele me.n gun_gunaa_uu.Ngii
javaz Dhuu.NDh rahaa thaa na_ii muhabbat kaa
vo kah rahaa thaa ke mai.n us ko bhuul jaa_uu.Ngii
sama'ato.n me.n ghane jangalo.n kii saa.Nse.n hai.n
mai.n ab kabhii terii aavaaz sun na paa_uu.Ngii
**Parveen Shakir**
Re: Poet of the Month- Parveen Shakir -
Dua tu janey kon si thi
Zehan mein nahi
Bas itna yaad hai
Ke du hatheliyan mili hoyi thin
Jin mein aake meri thi
Aur aake tumhari
Parveen Shakir
Re: Poet of the Month- Parveen Shakir -
Harey lawn mein
surah phoolon ki chhaon mein bethi hoyi
main tujhe soochti hoon
meri uungliyan
sabz patton ko chhuti hoyi
tere hamrah guzrey hoye mosmon ki mehak chhun rahi hain
woh dilkash mehak
ju meri honton pe aake halki gulabi hansi ban gayi hai!
door apney khayalon mein guum
shakh dar shakh
ek tetryi,khusnama per samattey hoye,uur rahi hai
mujhe aaisa mehsoos honey laga hai
jaisey mujh ko bi par mil gaye hoon !
Parveen Shakir
Re: Poet of the Month- Parveen Shakir -
Re: Poet of the Month- Parveen Shakir -
nice contribution......!
Dehleez-e-samaa'at pe kisi waadey ki aahat
utrey ke na utrey
aey ranj bhari shaam!
dukhtey huwey dil par
koi aahista sey aa kar
ik harf-e-tassalli to rakhey phool ki maanind!
By: Parveen Shakir
Re: Poet of the Month- Parveen Shakir -
Tumahara kehna hai **
**Tum mujhe be panah shidat se chahtay ho
Tumhari chahat
Visaal ki aakhri hadoon tak
Mere faqat mere naam hogi
Mujhe yaqin hai mujhe yaqin hai'
Magar kasam khaanay walay larkay!
Tumahari aankhon main aik til hai!!
being lonely
Re: Poet of the Month- Parveen Shakir -
*Wo to Khushbuu hai havaaon mein bikhar jaayegaa
Maslaa phool ka hai phool kidhar jaayegaa *
*Ham to samajhe the ke ek zakhm hai bhar jaayegaa
Kyaa Khabar thii ke rag-e-jaan mein utar jaayegaa *
*Wo havaaon kii tarah Khaanaa_bajaan phirataa hai
Ek jhonka hai jo aayega guzar jaayegaa *
*Wo jab aayegaa to phir us kii rafaaqat ke liye
Mausam-e-gul mere aangan mein Thahar jaayegaa *
Aakhirash wo bhii kahiin ret pe baithii hogii
Teraa ye pyaar bhii dariyaa hai utar jaayegaa.
By:Parveen Shakir
Re: Poet of the Month- Parveen Shakir -
Mere shaanon pe sar rakh ke
Aaj
Kisi ki yaad main woh je bhar ke
roya.
Parveen shakir.<!-- / message --><!-- attachments -->
Re: Poet of the Month- Parveen Shakir -
**woh ja chuka hai...
magar judai se qabl ka
ik narm lamha...
teher gaya hai...
meri hatheli ki pusht par
zindagi main...
pehli ka chand ban kar!!!
BeInG lOnEly**<!-- / message --><!-- attachments -->
Re: Poet of the Month- Parveen Shakir -
Raqs main RAAT hai badan ki tarah
Baarishon ki hawa main ban ki tarah
Chaand bhi meri karwatoon ka gawah
Mere bistar ki har shikan ki tarah
Chaak hai daaman qaba e bahaar
Mere khwaabon k pairhan ki tarah
Zindagi tujh se duur reh kar main
Kaat loongi jila watan ki tarah
Mujh ko tasleem mere chaand k mein
Tere hamraah hoon grehan ki tarah
*Ba'raa tera intazaar kia *
*Apnay khwaabon ki dulhan ki tarah
*
*(Parveen Shaakir) waqai alfaaz nahi mil rahay PARVEEN shakir ki tareef k liye.
*
Re: Poet of the Month- Parveen Shakir -
maiN phool chunti rehi aur mujhay khabar na huwi
wo shakas aa k meray shahar se chala bhi gaya
bohat aziz sahi us ko meri dil-daari
magar ye hai k kabi dil mera dukha b gaya
sab aa'ey meri ayadat ko wo bhi aya tha
jo sab gaya tu mera dard aashna bhi gaya
ye kurbataiN meri aankhooN maiN kesi utri haiN
k khawab bhi meray rukhsat haiN ratjagha bhi gaya***
Re: Poet of the Month- Parveen Shakir -
tum se kaenaat ka husan qayam hai
betey lamhoon mein us ne
mere haath thaam ker kaha thaa
aur aaj us ke palat jane se
mujhe yaad aa raha hai ke
yeh kehte hoee aus ke aankhain
jhukee hoii thi
By Parveen Shaakir
Re: Poet of the Month- Parveen Shakir -
paa-ba-gil sab hai.n rihaa_ii kii kare tadabiir kaun
dast-bastaa shahar me.n khole merii zanjiir kaun
meraa sar haazir hai lekin meraa munsif dekh le
kar rahaa hai mere fard-e-jurm kii tahariir kaun
aaj darvaazo.n pe dastak jaanii pahachaanii sii hai
aaj mere naam laataa hai merii taaziir kaun
niind jab Khvaabo.n se pyaarii ho to aise ahad me.n
Khvaab dekhe kaun aur Khvaabo.n ko de taabiir kaun
ret abhii pichhale makaano.n kii na vaapas aa_ii thii
phir lab-e-saahil gharaundaa kar gayaa taamiir kaun
saare rishte hijrato.n me.n saath dete hai.n to phir
shahar se jaate hue hotaa hai daaman_giir kaun
merii chaadar to chhinii thii shaam kii tanhaa_ii ne
beridaa_ii ko merii phir de gayaa tashahiir kaun
dushmano.n ke saath mere dost bhii aazaad hai.n
dekhanaa hai khe.nchataa hai mujh pe pahalaa tiir kaun
BY PARVEEN SHAKIR
Re: Poet of the Month- Parveen Shakir -
**Khulegi iss nazar pe chashm-e-tar aahista aahista
kiyaa jaata hai paani mein safar aahista aahista
badal dena hai raasta ya kaheen par baeth jana hai
ki thakta ja raha hai ham - safar aahista aahista
khalish ke saath iss dil se na meri jaan nikal jaaye
kheenche teer-e-shanasaee magar aahista aahista
meri shola mizaaji ko wo jangal kaise raas aaye
hawa bhi saans leti ho jidhar aahista aahista
By: Parween Shakir**
Re: Poet of the Month- Parveen Shakir -
*Justajuu khoye huon kii umr bhar karte rahe
Chaand ke hamraah ham har shab safar karte rahe *
*Raaston kaa ilm thaa ham ko na simton kii Khabar
Shahar-e-naamaaluum kii chaahat magar karte rahe *
*Hum ne Khud se bhii chhupaayaa aur saare shahar se
Tere jaane kii Khabar dar-o-divaar karte rahe *
Wo na aayegaa hamein maalum thaa us shaam bhii
Intazaar us ka magar kuchh soch kar karte rahe
*Aaj aayaa hai hamein bhii un udaanon kaa Khayaal
Jin ko tere zaum mein be-baal-o-par karte rahe. *
By:Parveen Shakir
Re: Poet of the Month- Parveen Shakir -
*Main kachchii neend mein huun
aur apane niim_Khvaabidaa tanaffus mein utaratii
chandanii kii chaap suntii huun
gumaan hai
aaj bhii shaayad
mere maathe pe tere lab
sitaare sabaat karte hain. *
By:Parveen Shakir
Re: Poet of the Month- Parveen Shakir -
puuraa dukh aur aadhaa chaa.Nd
hijr kii shab aur aisaa chaa.Nd
itane ghane baadal ke piichhe
kitanaa tanhaa hogaa chaa.Nd
merii karavaT par jaag uThe
niind kaa kitanaa kachchaa chaa.Nd
seharaa seharaa bhaTak rahaa hai
apane ishq me.n sachchaa chaa.Nd
raat ke shaayad ek baje hai.n
sotaa hogaa meraa chaa.Nd
BY PARVEEN SHAKIR
Re: Poet of the Month- Parveen Shakir -
*justajuu khoye huo.n kii umr bhar karate rahe
chaa.Nd ke ham_raah ham har shab safar karate rahe *
*raasto.n kaa ilm thaa ham ko na simto.n kii Khabar
shahar-e-naamaaluum kii chaahat magar karate rahe *
*ham ne Khud se bhii chhupaayaa aur saare shahar se
tere jaane kii Khabar dar-o-divaar karate rahe *
*vo na aayegaa hame.n maaluum thaa us shaam bhii
intazaar us ka magar kuchh soch kar karate rahe *
*aaj aayaa hai hame.n bhii un u.Daano.n kaa Khayaal
jin ko tere zaum me.n be-baal-o-par karate rahe *
Re: Poet of the Month- Parveen Shakir -
*kariyaa-e-jaa.N me.n ko_ii phuul khilaane aaye
vo mere dil pe nayaa zaKhm lagaane aaye *
*mere viiraan dariicho.n me.n bhii Khushbuu jaage
vo mere ghar ke dar-o-baam sajaane aaye *
*us se ik baar to ruuthuu.N mai.n usii kii maanind
aur merii tarah se vo mujh ko manaane aaye *
*isii kuuche me.n ka_ii us ke shanaasaa bhii to hai.n
vo kisii aur se milane ke bahaane aaye *
*ab na puuchhuu.Ngii mai.n khoye hue Khvaabo.n kaa pataa
vo agar aaye to kuchh bhii na bataane aaye *
*zabt kii shahar-panaaho.n kii mere maalik Khair
Gam kaa sailaab agar mujh ko bahaane aaye
*