Renowned writer, scholar and poet, Mohsin Naqvi was one of the leading literary figures in Pakistan for the past several decades. His untimely dead at the hands of sectarian violence shocked the entire country. but he will remain between us through the essence of his poetry.
mutmaeen ho kay mujhay yaad rakhay gi dunia
jub bhi is shehar ki tareekh wafa likhay gi
shamil mera dushman saf-e-yaraa’n mai rahay ga
ye teer bhi pewast rag-e-jaan mai rahay ga
ek rasm-e-janoo’n apnay muqadar mai rahay gi
ek chaaq sada apnay girebaa’n mai rhay ga
ek ashq hai ankhoo’n mai so chamkay ga kaha tak?
ye chaand zad shaam-e-gareeba’n mai rahay ga
mai tujh say bichar kar bhi kaha tujh say juda ho’n
tu khwaab saf-e-deea giryaa’n mai rahay ga
ratoo’n ki koi rut teri khushboo nahi laye
ye dagh bhi daman-e-baharaa’n mai rahay ga!
ab kay bhi guzar jaye gay sub wasal kay lamhay
masroof koi wada-ao pemaa’n mai rahay ga
woh harf-e-janoo kah na sakoon ga, jo kahoo’n bhi
ek raaz ki soorat dil imkaa’n mai rahay ga
Mohsin mai hawadis ki hawaoo’n mai ghira hoo’n
kya naqsh qadam dasht-o-bayabaa’n mai rahay ga?
***zikR-e-shab-e-firaaq se vahshat use bhi thi ***
***meri taRah kisi se muhabbat use bhi thi***
***mujh ko bhi shauq tha naye chehroN ki deed kaa***
***rastaa badal ke chalane ki aadat use bhi thi***
***us raat deR tak vo rahaa mahv-e-guftaguu***
***masruuf maiN bhi kam thaa faRaaGat use bhi thi***
***suntaa tha vo bhi sab se puraani kahaniyaa'N***
***taazaa rafaaqatooN ki zaruurat use bhi thi***
***mujh se bichaR ke shahar meiN ghul mil gay'aa vo shaKhs***
***haalaa'Nke shahar bhaR se raqabat use bhi thi***
***vo mujh se bhaR k zabt ka aadi tha jee gay'aa***
***vaRnaa haR ek saa'Ns qayaamat use bhi thi***
suno aisa nahi kaRtey jisay shifaaf rakhna ho usay maila nahi kaRtey teRi aa'najhIn ijazat daiN tu hum kia kia nahi kaRtey bohat ujRay huwey ghaR peR safaR jis ka muqadaR ho usaay rokka nahi kaRtey jo mil kaR khud se kho jaa'ey usay ruswa nahi kaRtey chalo tum raaz ho apNa
chalo tum raaz ho apna tumhaiN afshaa'n nahi ye unchay pair kaisay haiN kahiN saa'ya nahi kaRtey jo dhuN ho kaR guzaRnay ki
tu phiR soocha nahi kaRtey
kabhi hansanay se dartey haiN
kabhi roo'ya nahi kaRtey
SehaR se poch lo mohsiN
k tum soo'ya nahi kaRtey
***zikR-e-shab-e-firaaq se vahshat use bhi thi ***
***mahv-e-guftaguu***
***masruuf. faRaaGat ***
***rafaaqatooN ***
***raqabat ***
***zabt ***
***qayaamat ***
Would any one kindly expalin the above line and the ensuing words in simple Urdu or in English. Thanks
ab yeah sochoon tu bhanwar zehan mein par jaatay hain
Kaisay chehray hain jo miltay hee bichar jaatay hain
kiyon tairay dard ko dain tohmat e viraani e dil ?
zalzaloon mein tu bharay shehar ujaar jaatay hain
mousam e zard mein ik dil ko bachaoon kaisay ?
aisee rut mein tu ghantay pair bhi jhar jaatay hain
aab koye kaya mairay qadmoon kay nishaan dhoonday ga
taiz andhi mein tu khaimaay bhi ukhar jaatay hain
shughal e arbaab e hunar poochtay kaya hoo keh ye loug
pathroon mein bhi kabhi aainay jar jaatay hain
sooch ka aaina dhundla hoo tu phir waqat kay saath
chand chehroon kay khud o khaal bigar jaatay hain
shidat e gham mein bhi zinda hoon tu hairat kaisee ?
kuch diyeah tund hawaoon say bhi lar jaatay hain
woh bhi kaya loug hain mohsin jo wafa ke khatir!
khud tarasheeda asooloon pay bhi aar jaatay hain
shaam e gham jab bikhar gaiee hoo gee
janay kis kis kay ghar gaiee hoo gee ?
itni larzaan na thee chiraagh ke loo
apnay saye say dar gayee hoo gee
chandini ik shab ke mehmaan thee
subah hootay hee mar gayee hoo gee
dair tuk woh khafa rahay mujh say
door tuk yeah khabar gayee hoo gee
aik darya ka rukh badaltay hee
aik nadee phir utar gayee hoo gee
jiss tarhaan woh safar pay nikla tha
saree rounaq udhar gayee hoo gee
raat souraj ko dhoondnay kay liyeah
ta ba hud e sehar gayee hoo gee
mairee yadoon kee dhoop chaoon mein
uss ke sourat nikhar gayee hoo gee
ya taluq na nibh saka uss say
ya tabiyaat hee bhar gayee hoo gee
tairi pal bhar ke dosti mohsin
uss ko bad'naam kar gayee hoo gee
Yeh tairi jheel see ankhoon mein rut'jagoon kay bhanwar
yeah tairay phool say chehray pay chandini ke phawar
Yeah tairay lab yeh diyaar e yuman kay surkh aqeeq
Yeh aainay see jabeeen, sajda'gah e layal o nehaar
Yeah bay'nayaaz ghanay jungloon say baal tairay
Yeah phoolti hoi sarsoon ka aks galoon par
Yeah dharkanoon ke zubaan boltay howay abroo
Kamand daal rahay hain mairay khayaloon par
Yeah chandini mein dhullay paoon jab bhi ruqs karain
Fiza mein un ginay ghungroo chanaknay lagtay hain
Yeah paoon jab kissi rastay mein rung barsayain
Tu mousmoon kay muqadar chamaknay lagtay hain
Tairi jabeen pay agar hadson kay naqas ubhrain
Mizaaj gardish e doraan bhi larkharaa jaye
Tu muskuraye tu subhain tujhay salaam karain
Tu ro paray tu zamanay ke ankh bhar aye
Taira khayaal hai khushboo, taira libaas kiran!
Tu khaak zaad hai ya asmaan say utree hai ?
Mein tujh ko daikh kay khud say sawaal karta hoon
Yeah mouj e rung zameen par kahaan say utaree hai ?
Mein kis tarhaan tujhay lafzoon ka payrhan bakhshoon ?
Mairay hunar ke bulandi tu sar'nagoon hai abhi
Tairay badan kay khud o khaal mairay bus mein nahi
Mein kis tarhaan tujhay sochoon, yeahi junoon hai abhi
Milay hain youn tu kaye rung kay haseen chehray!
Mein bay'nayaaz raha mouj e saba ke tarhaan !!
Tairi qasam tairi qurbat kay mousmoon kay baghair
Zameen pay mein bhi akayla phir khuda ke tarhaan
Magar mein shehar e hawadis kay sung zadoon say
Yeah Aaina saa badan kis tarhaan bachaoon ga ?
Mujhay yeah dar hai kissi roz tairay kurb samait
Mein khud bhi dukh kay samandar mein doob jaoon ga!
Mujhay yeah dar hai kay tairay tabasumoon ke phuwaar
Younhi wafa ka taqaza, haya ka toor na hooo ?
Taira badan, tairi duniya hai muntazir jiss ke,
Mein sochta hoon mairi jaan woh koi "Aur" na hoo
Mein soochta hoon magar sochnay say kaya hasil ?
Yeah tairi jheel see ankhoon mein rut'jagoon kay bhanwar
