Re: "Poet Of The Month - - - Poet Of GS"
100% agreed u keep on posting dear
mera to dil chahay ga k main sab hi post ker doon :).
i wish k nay sall k sath Amal bhi vapis aa jay.
Re: "Poet Of The Month - - - Poet Of GS"
mera to dil chahay ga k main sab hi post ker doon :). i wish k nay sall k sath Amal bhi vapis aa jay.
inshAllah hope for best :)
Re: "Poet Of The Month - - - Poet Of GS"
:) acha chalo mein bhi dosroon ki post ka wait kartee hon:)
yeah lets see.
no worries abhi poora December hai post kernay k liyay :).
Re: "Poet Of The Month - - - Poet Of GS"
O yea Dear!!!!!!!!!!:)
nahin tou mein hon na................
Re: "Poet Of The Month - - - Poet Of GS"
Ham kya karty kis rah chalty
Har rah meiN kaaNty bikhrey thy
Un rishtoN ky jo choot gay
Un sadyouN ky yaaranoN ky
Jo ik ik kar ky toot gay
Jis rah chaly jis simt gay
YuN paaoN lahoo lohaan huwy
Sab dekhny waaly kehty thy
Ye kesi reet rachaai hy
Ye mehNdi kyouN lagaai hy
Wo kehty thy kyouN qeht-e-wafa ka
Naa-hak charcha karty ho
PaaoN sy lahoo ko dho daalo
Ye raaheN jab att jaaNy gi
So rasty in sy phooteNy gy
Tum dil ko sambhaalo jis meiN abhi
So tarhaN ky nashtar tooteNy gy
Re: "Poet Of The Month - - - Poet Of GS"
Kal teri yaad ka baadal dil pe yuN chaaya
hum terey khayal ki barish meiN raat bhar bheegey
Amal
Re: “Poet Of The Month - - - Poet Of GS”
^:aq:
Re: “Poet Of The Month - - - Poet Of GS”
ab kya kitta meinny 
Re: "Poet Of The Month - - - Poet Of GS"
Wafa ki ik khuwahish thi wafa ke siley meiN
kon hey jo mohabbat ka sila maang'taa nahi
jeeney ki talab meiN martey heiN baar baar
kuch logoN ka muqaddar kabhi jaag'taa nahi
Re: "Poet Of The Month - - - Poet Of GS"
**Aaghaaz likhooN to kesey likhooN, anjaam likhooN to kesey likhooN!
meiN aek kaaghaz pe haal dil ka tamaam likhooN to kesey likhooN!
na-jaaney qismat ke band saheefoN meiN kon kis ko ataa huwa hey
meiN apni khahish ke kaaghzoN par tera naam likhooN to kesey likhooN!
falak ke aaNgan meiN chupey huwey heiN baadloN ke shareer tukrey
meiN hawaa ki takhti pe chaahatoN ka salam likhoN to kesey likhooN!
har aek mefil meiN apney dhang sey samajh raha hey ishaarey merey
meiN nazar sey apni mohabbatoN ka peghaam likhooN to kesey likhooN!
khizaaN ka mosam ruka huwaa hey merey tasavvur ke gulshanoN par
tujhey khusbuoN meiN racha-basa ke payaam likhooN to kesey likhooN!
jo teri nigaahoN ke tamaam rangoN ko bayaaN ka pyara libaas bakhshey
meiN banam-e-hum'dam dhanak ke jesa kalaam likhooN to kesey likhooN!
By: Amal**
Re: "Poet Of The Month - - - Poet Of GS"
**Aey saarb hasratoN ke zara baat suntey jaana
jo choor choor ho pehley usey aur kya sataana!
ye taqdeer ki heiN chaaleiN ke badli hui hey bazi
jo mera chara'gar tha meiN usi ka hooN nishana
wo lamha jab sey meiN ney teri ulfat ka jaam khoya
chatkha huwa hey tab sey sochoN ka har pe'maana
abhi tamheed hi suni thi ke bilak ke ro parra wo
jo meiN kehney ja raha tha wo tha asal fasaana
hoNtoN pe kuch nahi hey, aaNsu-bhari heiN aaNkheiN
lagta hey aaj us ney seekha hey naya bahaana
jo agan tu ney di hey meiN usi meiN jal raha hooN
mujhey door hi sey takna merey paas ab na aana
ye udasiyoN ki raateiN chalo andherey meiN hi kaateiN
jo chiraagh bujh chukey heiN ab kya unhey jalaana
ye dhanak mohabbatoN ki merey paas ab na laao
jo rang bigarr gaey heiN unhey phir sey kya sajaana
ye be'rukhi ke nashtar to meiN kab sey seh raha hooN
is baar tum milo to koi zakhm naya lagaana!
By: Amal<!-- / message -->**
Re: "Poet Of The Month - - - Poet Of GS"
weldone sheal :)
Re: “Poet Of The Month - - - Poet Of GS”
Mashallah :k:
Re: "Poet Of The Month - - - Poet Of GS"
weldone sheal :)
Thanks shaboo :)
i started with the poem Amal told me once when i ask him ap ki kon si poem hai jisay ap samjhtay hain k its ur best creation, and he gave me this "intehao'oN kay Qaidi"
2 Likes
Re: "Poet Of The Month - - - Poet Of GS"
Aahat thi kisi khuaab ki ya dhoka tha nazar ka
ik pal ko sakoot toot gaya dil ki qabar ka
aaNkhoN ka sehan bheeg gaya yaadoN ki nami sey
kuch bhi to sila nahi mila ashqoN pe jabar ka
jo lamha alvida ka tha O jaaney waaley meiN ney
tab sey hisaab chorr diya hey shaam-o-sehar ka
udaasiyoN kay gard meiN liptey huwey heiN log
wo maahol badal ke chala gaya saarey shehar ka
mosam kabhi giraaN tha to rastey kabhi katthan
har morr hum pe bhaari tha zindagi ke safar ka
har khaahish doob jaati hey samandar meiN yaas ke
shaed is leeye ke meiN musaafir hooN bhaNwar ka
beittheiN heiN is aas pe bhar jaey ga kabhi zakhm
ik waqt hi shaaed taryaaq hey yaadoN ke zehar ka
taqdeer ke haatoN meiN hey miqdaar phaloN ki
bahaar sey koi rabt nahi khuwahish ke shajar ka
Re: “Poet Of The Month - - - Poet Of GS”
Re: “Poet Of The Month - - - Poet Of GS”
Re: "Poet Of The Month - - - Poet Of GS"
nice thread sheal
***Tu khayaal hey to merey gumaan ki baahoN meiN utar
tu khaab hey to kisi roz meri nigaahoN meiN utar
tu falak hey to meri manzil ka pataa dey mujh ko
tu chaand hey to kisi roz meri raahoN meiN utar
tu dhoop hey to sard mosam sey bachaa ley mujh ko
tu abr hey to kisi roz dil ke sehraaoN meiN utar
tu safar hey to meri saari umr safar meiN kattey
tu sabar hey to kisi roz meri sazaaoN meiN utar
tu khushbu hey to rag-o-pe meiN bas jaa aa kar
tu dhank hey to kisi roz meri fizaaoN meiN utar
tu maseeha hey to merey dard ka koi chaara kar
tu asar hey to kisi roz meri duwaaoN mein utar
By: Amal
Re: "Poet Of The Month - - - Poet Of GS"
**Daawat-e-tamaasha*
Tum ney tootey huwey pattoN ko kabhi deikha hey!
darakht ke haath sey girey huwey sookhey pattey!
khaak-aalooda, sitam-raseeda, faryaad-kanaaN
hawa ke rehm-o-karm par ke ab ley jaaey jahaaN
jin ki zaat meiN pasti hey, qismat meiN fanaa
bein kartey huwey, tarraptey huwey, sehmey huwey
kisi raah-geer ke qadmoN ki dhamak suntey huwey
jin ki aaNkhoN meiN be'kasi ke siwa kuch bhi nahi
jin ke bas meiN be'basi ke siwa kuch bhi nahi
shaoq-e-tamaasha hey to kisi roz mujhey milney aao
tum ney tootey huwey pattoN ko nahi deikha agar!!!
Tum ney tthehrey huwey paani ko kabhi deikha hey!
kisi sookhti hui jheel meiN be'jaan sa tthehra paani!
jis ke qatroN meiN haraarat ki koi ramaq bhi nahi
jis ki lehroN meiN zindagi ki koi chamak bhi nahi
jheel ki godd meiN simat'ta huwa gadla paani,
wohi camakta huwa, shafaaf sa pyaara paani
jo kabhi mashkeeza-e-abr ke laboN sey chalka tha
aaj haqaarat sey taktey heiN usey guzarney waaley
shaoq-e-tamaasha hey to kisi roz mujhey milney aao
tum ney ttherey huwey paani ko nahi deikha agar!!!
Tum ney uljhey huwey dhaagoN ko kabhi deikha hey!
apney hi aap meiN uljhey huwey kacchey dhaagey!
jo apney aap meiN hi reh gaey hoN gunjal ban kar
apney wajood ki gehraaiyoN meiN ik uljhan ban kar
tarhaN tarhaN sey uljhey, jagaa jagaa sey kharaab
jo agar chaaheiN bhi ke saNwaar leiN muqaddar apna
to apni hi zaat ka sira dhoondh dhoondh ke thak jaaeiN
wohi rangeen sey dhaagey jo kabhi they misl-e-dhanak
aaj apney aap meiN yuN uljhey heiN ke sulajhtey hi nahi
shaoq-e-tamaasha hey to kisi roz mujhey milney aao
tum ney uljhey huwey dhaagoN ko nahi deikha agar!!!
By: Amal*
<!-- / message -->
Re: "Poet Of The Month - - - Poet Of GS"
Thanks Koyal :)
aik choti si koshish hai Amal ko yay batanay ki k we all miss him a lot. Shayad kuch vapsi k baray main soochay wo......