Re: Poet of the Month AytbaaR Sajid ..Jo gubaar-e-waqt meiN chup gaeN
THANKS TO ALL FOR SHARING SUCH NICE POETRY. THANKS!!!!!!!!!!!!!!!!
Re: Poet of the Month AytbaaR Sajid ..Jo gubaar-e-waqt meiN chup gaeN
**Kuch Roz Bohat Dil Tarpey Ga
Kuch Roz Rahein Gi Nam Aankhein
Kuch Roz rahey Gi Bechaini
Kuch Roz Yeh Seena Sulgey Ga
Pani Mein Safeena Sulgey Ga
Rafta Rafta .........
Dheerey Dheerey .......
Phir Haalat Hij'r Gazeeda ki
Ik Roz Sanbhal hi Jaye gi
Ik Zakh'm Bharey ka Chahat ka
Ik Dard Thamey Ga Shiddat ka
Ik Diya Bujhey Ga Qurbat ka
Lakin Kya Aisa Mumkin Hai ?
Tum Khud Socho
Kya Yeh Namumkin, Mumkin Hai ?
Tum Khud Socho !
**
Re: Poet of the Month AytbaaR Sajid ..Jo gubaar-e-waqt meiN chup gaeN
tumhay jub kabhi milain furstaen mere dil se bojh utar do
main buhat dino say udas hon mujhe koi shaam udhar do
mujhe aapne roop ki dhoop do kay chamak sakain mere khal-o-khad
mujhe aapne rang main rang do meray saray rang utar do
tumhain subh kesi lagi kaho meri khawahishon kay diyar ki
jo bhali lagi to yahin raho isay chahaton say nikhar do
meri wahshaton ko barha diya hai judaiyon kay azab nai
meray dil par hath rakho zara meri dharkano ko qarar do
Re: Poet of the Month AytbaaR Sajid ..Jo gubaar-e-waqt meiN chup gaeN
Agar kuch Qeemti Lamhey Nikal Aayein kisi Soorat
Chalo, Iss Dil ki Khatir Ham bhi kuch Kaam kar Jaayein
Kayi Shaamein Ganwa di hain Gham-e-Haalaat mein Ham ne
Tumharey Naam Ik Sundar Suhaani Shaam Kar Jayein
Re: Poet of the Month AytbaaR Sajid ..Jo gubaar-e-waqt meiN chup gaeN
Thankyou so so much guys..............After a long long time i have seen some really good stuff. Thnaks Jhanjharewali, Gul_e_Tasbeeh,Khan Sajid
Please post more if you have
Re: Poet of the Month AytbaaR Sajid ..Jo gubaar-e-waqt meiN chup gaeN
Tujhey Main Bhool to Jata
Magar Terey Taluq se
Jo Chehrey Saamney Aaye
Jo rastey Saamney Aaye
Jo Lamhey Saamney Aaye
Jo Rishtey Saamney Aaye
Unhein Kaise Bhulata Main
Tujhey Kaise Bhualata Main ?
Re: Poet of the Month AytbaaR Sajid ..Jo gubaar-e-waqt meiN chup gaeN
Re: Poet of the Month AytbaaR Sajid ..Jo gubaar-e-waqt meiN chup gaeN
Lovely sheir Innocent_Smile :k: Bohat hi khoobsoorat 
Re: Poet of the Month AytbaaR Sajid ..Jo gubaar-e-waqt meiN chup gaeN
[QUOTE]
rooh meiN jo utar sakeN wo mohabbateN mujhey chaaheeyeN
jo saraab hoN naa azaab hoN wo rafaaqateN mujhey chaaheeyeN
unhi saa’atoN ki talaash hey jo calendaroN se utar gaeeN
jo samey ke saath guzar gaeeN wohi fursateN mujhey chaaheeyeN
KaheN mil sakeN to samet laa meri roz-o-shab ki kahaaniyaaN
jo gubaar-e-waqt meiN chup gaeN wo hikaa’yateN mujhey chaaheeyeN
Jo meri saboN ke chiraagh they jo meri umeed ke baagh they
wohi log heiN meri aarzu wohi surateeN mujhey chaaheeyeN
Teri qurbateN nahi chaaheeyeN meri shaaeri ke mizaaj ko
mujhey faasloN se dawaam dey teri furqateN mujhey chaaheeyeN
[/QUOTE]
very nice
Re: Poet of the Month AytbaaR Sajid ..Jo gubaar-e-waqt meiN chup gaeN
*Kuch Khaab hain
Jin ko Likhna hai
Taabeer ki Soorat deni hai
Kuch Log hain
Ujrey Dil Waley
Jinhein Apni Mohabbat Deni hai
Kuch Phool Hain
Jin ko CHun'na hai
Aur Haar ki Soorat Deni Hai
Kuch Apni Neendein Baqi hain
Jinhein Baantna hai Kuch Logoo'n Mein
Unn ko bhi to Raahat Deni hai
Aue Um'r-e-Rawaa'n !
Aahista Chal
Abhi Khaasa Qarz Chukaana hai !
*
Re: Poet of the Month AytbaaR Sajid ..Jo gubaar-e-waqt meiN chup gaeN
:k:
Re: Poet of the Month AytbaaR Sajid ..Jo gubaar-e-waqt meiN chup gaeN
*Ham Uss Faza mein bhi Jaltey Rahey Kisi ke Liye
Jahan Charaagh Tarastey they Roshni ke Liye
*
Re: Poet of the Month AytbaaR Sajid ..Jo gubaar-e-waqt meiN chup gaeN
Aaj phir sataye gi raat puray chand ki
Dar badar phiraye gi raat puray chand ki
Baam o dar ki qaid main rooh pharpharaye gi
Vehshatain barhaye gi raat puray chand ki
Jis taraf main jaaonga mere saaye ki tarah
Mere sath jaaye gi raat puray chand ki
Yeh samandari hawa us pe qurb ka nasha
Kitnay zulm dhaaye gi raat puray chand ki
Aisa lag raha hai ab to agar bichar gaya
Laut kar na aaye gi raat puray chand ki
Qamqamon k iss shehar main apni apni seej per
Subah tak jagaye gi raat puray chand ki
Aaj he chor de mera hath warna phir
Umar bhar rulaye gi raat puray chand ki