Poet of the Month AytbaaR Sajid ..Jo gubaar-e-waqt meiN chup gaeN

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

uss ne Kaha ke Mujh se Tumhein Kitna Payaar hai
main ne Kaha Sitaaroo'n ka koi Shumaar hai

---

uss ne Kaha ke Kon Tumhein hai Bohat Aziz
main ne Kaha ke Dil pe Jise Ekhtyaar Hai

---

uss ne Kaha ke Konsa Tohfa hai Man-Pasand
main ne Kaha: Wo Shaam, Jo Ab Tak Udhaar har

---

uss ne Kaha: Khizaa'n Mulaaqaat ka JAwaaz ?
main en Kaha ke Qurb ka Matlab Bahaar Hai

---

uss ne Kaha ke Sainkroo'n Gham Zindegi Mein Hain
main ne Kaha ke Gham Nahi , Jab Ghamgusaar Hai

---

ne Kaha ke Saath Kahan Tak Nibhao Gey ?
main ne Kaha ke Jitni Yeh Saansoo'n ki Taar hai

---

uss ne Kaha ke Mujh ko Yaqee'n Aaye kis Tarah
Main ne Kaha ke Mera Naam Aitbaar Hai

[Capricorn]

Re: Poet of the Month AytbaaR Sajid ..Jo gubaar-e-waqt meiN chup gaeN

^Itne sawaal?
Aaitibaar bhee koi cheez hotee hai! :-|

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

Bohat Mumkin tha
Merey Paoo'n , Meri Zeest ke
Kaantey Nikal Jaatey
Bohat Mumkin tha
Meri Raah ke Pathar Pighal Jaatey
Jo Deewaarein Merey Raste mein Haayel Thein
Merey Aagey Se Hatt Jaatein
Agar Tum Aankh Utha Kar Dekh Letey
Kohsaaroo'n ki taraf Aik Pal
Chataanein Ik Tumhari Junbash-e-Abroo se Katt Jatein
**Bohat Munkin tha Angaaroo'n Bhari **
Iss Zindegaani mein
Tumhaarey Paaoo'n ke Ujley Kanwal Khiltey
Rafaaqat ki Sunehri Jheel Mein
Dono ke Aks-e-Zofishaa'n Hiltey
Bus Ik Khaab-e-Musalsal ki Faza Rehti
Hamari Rooh kab Ham se Khafa Rehti ?
Yeh Sab Kuch Ain Mumkin Tha
Agar Tum Mujh Ko Mil Jaatey !

[Capricorn]

Re: Poet of the Month AytbaaR Sajid ..Jo gubaar-e-waqt meiN chup gaeN

^ nahin tha mumkin

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

@Capricorn

^Itne sawaal?
Aaitibaar bhee koi cheez hotee hai!

:halo:

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

@Capricorn

^ nahin tha mumkin

:halo:

[Capricorn]

Re: Poet of the Month AytbaaR Sajid ..Jo gubaar-e-waqt meiN chup gaeN

@Koyal

:halo:

Mere saath ishaaron mein baat naheen karo, mujhe gud-gudee hotee hai

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

@Capricorn

Mere saath ishaaron mein baat naheen karo, mujhe gud-gudee hotee hai

[Capricorn]

Re: Poet of the Month AytbaaR Sajid ..Jo gubaar-e-waqt meiN chup gaeN

@Koyal

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

@Capricorn

aram se betho ye kia hbo raha larki ko dekh k uchal rahya keon?

[Koyal]

Re: Poet of the Month AytbaaR Sajid ..Jo gubaar-e-waqt meiN chup gaeN

bil-Aakhir Yeh Haseen Manzar Mita Dena hi Parta Hai
Kisi ke Sar ko Shaaney se Hata dena hi parta hai

Kisi Dair Aashna ko Jhootey Sachey Kuch Hawaaloo'n se
Taa'aaruf ke liye Sab se Mila Dena hi parta hai

Jo saansoo'n mein mehaktey hain Jo Aankhoo'n mein damaktey hain
Achaanak aik Din unn ko Bhula dena hi Parta hai

Diye jo Ham Jalaatey hain Nihaayet Shoq se Har Shab
Unhein Khud Apni Phoonkoo'n se Bujha dena hi Parta hai

Koi jab Haal Poochta hai Ham se , Kaisa haal hai Sajid
Hamein Mohtaat ho kar Muskura dena hi parta hai

Chamak Uth'tey Hain Sajid Jab Sitaarey Uss ki Palkoo'm par*
Ussey Dil se Laga kar Hosla Dena hi Parta hai<!-- google_ad_section_end -->

[Capricorn]

Re: Poet of the Month AytbaaR Sajid ..Jo gubaar-e-waqt meiN chup gaeN

@Koyal

aram se betho ye kia hbo raha larki ko dekh k uchal rahya keon?

Ok

[Amal]

Re: Poet of the Month AytbaaR Sajid ..Jo gubaar-e-waqt meiN chup gaeN

@Jhanjharewali

KOI KARZ THA KAYEE SAAL KA

---

tere jaesa mera bhi haal tha na sukoon tha na qaraar tha
yahi umr thi mere humnashee ke kisi se mujhko bhi pyaar tha

---

mae samajh raha hun teri kasak tera mera dard hae mushtarak
issi ghum ka tu bhi aseer hae issi ghum ka mae bhi shikaar tha

---

faqat ek dhun thi ke raat din usi khwab -zar mein ghum rahein
wo suroor aesa suroor tha wo khumaar aesa khumaar tha

---

kabhi lamha bhar ki bhi guftugoo meri uss ke saath na ho saki
mujhe fursatein na mil saki, wo hawa ke ruth pe sawaar tha

---

hum ajeeb tarz ke log the ke hamare aur hi rog the
mae khizaa mein tha uska muntazir, usse intezaar-e-bahaar tha

---

isse pardh ke tum na samajh sake ke meri kitaab ki roop mein
koi karz tha kayee saal ka, kayee rat-jagon ka udhaar tha

---

---

I wanted to post this, lovelly ghazal :k:

[GuL-e-Tasbeeh]

Re: Poet of the Month AytbaaR Sajid ..Jo gubaar-e-waqt meiN chup gaeN

Teri rehmatoN kay dayaar mein terey baadlon ko pata nahiN
abhii aag sard nahii huwii abhii ik alaao bujha nahiN

meri bazm-e-dil tou ujarr chuki mera farsh-e-jaaN tou simat chuka
sabhii jaa chukey merey hum-nasheeN magar aik shakhs geya nahiN

dar-o-baam sab ney sajaa liye sabhi roshni mein nahaa liyey
merii ungliyaan bhi jhuhlas gaain magar ik chraagh jalaa nahiN

ghum-e-zindagi terii raah mein shab-e-arzoo teri chaah mein
jo ujarr geyaa wuh basaa nahin, jo bichhar geya wuh mila nahiN

jo dil-o-nazar ka saroor thaa merey paas reh key bhi door thaa
wuhi ik gulaab umeed ka merii shaakh-e-jaan pe khila nahiN

pas-e-kaarwan sar-e-reh guzarmein shikasta pa hoon tou is liye
ke qadam tou sab sey milaa liye, mera dil kisi sey mila nahiN

mera hum-safar jo ajeeb hay tou ajeeb tar hoon mein aap bhi
mujhay manziloN ki khabar nahiN, usey raastoN ka pata nahiN

[EEMAAN]

Re: Poet of the Month AytbaaR Sajid ..Jo gubaar-e-waqt meiN chup gaeN

Mujhay kiyon Azeez ter hay yeh dhuwan dhuwan sa mausam
Yeh hawa e shaam e hijran mujhay raas hay tou kiyon hay
Mai ujar kay bhi hoon tera, Tu bichar kay bhi hay mera
Ye Yaqeen hay kiyon hay, Ye Qiyas hay tou kiyon hay

[mahamkhan]

Re: Poet of the Month AytbaaR Sajid ..Jo gubaar-e-waqt meiN chup gaeN

nice colexn...all

[mahamkhan]

Re: Poet of the Month AytbaaR Sajid ..Jo gubaar-e-waqt meiN chup gaeN

*Kisi Din , Chahtey Hain
Chupkey se Ham Uss ke Zeeney Par
Koi Jalta Diya,
Kuch Phool
Rakh Aayein
ke Apney Bachpaney mein
Wo Andheroo'n se bhi Darta Tha
Ussey Phooloo'n ki Khushboo sebhi Raghbat Thi
Bohat Mumkin Hai, Ab Bhi
Shab ki Taareeki Se Uss ko Khaof Aata ho
Mehaktey Phool Shayed Baais-e-Taskeen Ab Bhi Ho'n
So Iss Imkaan par
Ik Shaam Uss ke Naam Kartey Hain
Chalo Yeh Kaam KArtey Hain !
*

[mahamkhan]

Re: Poet of the Month AytbaaR Sajid ..Jo gubaar-e-waqt meiN chup gaeN

Kehtey they Tum , Raho gey Hamarey Tamaam Um'r
Detey Hain Kis Ka Saath Sitaarey Tamaam Um'r
Palkein Jhapak Jhapak ke Hamein Dekhtey Rahey
Apney Muqqadaroo'n ke Sitaarey Tamaam Um'r

[Aryaan]

Re: Poet of the Month AytbaaR Sajid ..Jo gubaar-e-waqt meiN chup gaeN

Very Nice All..:k:

[mahamkhan]

Re: Poet of the Month AytbaaR Sajid ..Jo gubaar-e-waqt meiN chup gaeN

Abhi Tak Saada Rakha Hai Yeh Kaaghaz Apni Chaahat ka
Munaasib Jab bhi Samjhein Gey koi Paighaam likh dein gey
Koi Paighaam kya Likhna hai Ik chotey se Kaaghaz par
Jisey Ham Chahtey hain Bus Ussi ka Naam Likh dein gey