Poet of the Month AytbaaR Sajid ..Jo gubaar-e-waqt meiN chup gaeN

Arts & Culture Poetry ( Intikhaab & Sho'ra-e-Gupshup)
1

Meri rooh meiN jo utar sakeN wo mohabbateN mujhey chaaheeyeN
jo saraab hoN naa azaab hoN wo rafaaqateN mujhey chaaheeyeN

unhi saa’atoN ki talaash hey jo calendaroN se utar gaeeN
jo samey ke saath guzar gaeeN wohi fursateN mujhey chaaheeyeN

KaheN mil sakeN to samet laa meri roz-o-shab ki kahaaniyaaN
jo gubaar-e-waqt meiN chup gaeN wo hikaa’yateN mujhey chaaheeyeN

Jo meri saboN ke chiraagh they jo meri umeed ke baagh they
wohi log heiN meri aarzu wohi surateeN mujhey chaaheeyeN

Teri qurbateN nahi chaaheeyeN meri shaaeri ke mizaaj ko
mujhey faasloN se dawaam dey teri furqateN mujhey chaaheeyeN

By: Aetabaar Sajid

2

Re: Jo gubaar-e-waqt meiN chup gaeN

one of my fav. thanks for sharing Amal :flower1:

3

Re: Jo gubaar-e-waqt meiN chup gaeN

bohat khoob amal :k: thanks for sharing :slight_smile:

when are we gona get to read your poem or ghazal ?

4

Re: Jo gubaar-e-waqt meiN chup gaeN

i wud say sumtime in 2010 :stuck_out_tongue:

5

Re: Jo gubaar-e-waqt meiN chup gaeN

wb back Aymal kia gazal utha laa'ey :)

6

Re: Jo gubaar-e-waqt meiN chup gaeN

Buhat Achchay Amal ji ... Thanx for sharing it with us :-)

7

Re: Jo gubaar-e-waqt meiN chup gaeN

very very nice,thanx 4 sharing!

8

Re: Jo gubaar-e-waqt meiN chup gaeN

Jo meri saboN ke chiraagh they jo meri umeed ke baagh they
wohi log heiN meri aarzu wohi surateeN mujhey chaaheeyeN***

Wah! Bohat hi khoob Amal…:k:

9

Re: Jo gubaar-e-waqt meiN chup gaeN

Thanx a lot guys for liking this ghazal :flowers:

NikamiJi, lagta hey aap thak gai heiN hameiN parrhtey parrhtey :frowning:

Shab-e-Hijr, already posted, hey to puraani, but am sure aap ke leeye nai hi ho gi :~)

10

Re: Jo gubaar-e-waqt meiN chup gaeN

Tery hijar ki shab mei dil jalta hai.

11

Re: Jo gubaar-e-waqt meiN chup gaeN

nahi amal mery liye new nahi i have that ghazal in my msn journal :slight_smile:

Which country u think will win the World cup 2010 soccer?
12

Re: Jo gubaar-e-waqt meiN chup gaeN

Very nice :k:

13

Re: Poet of the Month AytbaaR Sajid ..Jo gubaar-e-waqt meiN chup gaeN

teRay kanwal meRay gulaab sab dhu'waiN maiN kho gaa'ey
mohabatooN k they jo baab sab dhu'waiN maiN kho gaa'ey

hawa-e-hijaR ne bhujaa dee'ay teRay sab chiRaag
meRay najoom-e-mahtaab sab dhu'waiN maiN khoo gaa'ey

meRi dua'eiN ilta'jaaiN sab sa hawa maiN uRR gaa'eiN
teRay haRoof baaR yaab sab dhu'waiN maiN khoo gaa'ey

juwieN jo nazaR aa'tishey janoo'N tumam raahtaiN
meRa qalam teRi kitaab sab dhu'waiN maiN kho gaa'ey

wo ghaR tu khawab gha k chiRaag ne jilaa dee'ya
kahaN ki neend kesaY khawab sab dhu'waiN maiN kho gaa'ey

14

Re: Poet of the Month AytbaaR Sajid ..Jo gubaar-e-waqt meiN chup gaeN

Nice choice...

aap apnaa wadaa Ahmed Nadeem Qasmi walaa sara sar bhool gaYe Amal bhai :)

Sara sar!!!

15

Re: Poet of the Month AytbaaR Sajid ..Jo gubaar-e-waqt meiN chup gaeN

KOI KARZ THA KAYEE SAAL KA

tere jaesa mera bhi haal tha na sukoon tha na qaraar tha
yahi umr thi mere humnashee ke kisi se mujhko bhi pyaar tha

mae samajh raha hun teri kasak tera mera dard hae mushtarak
issi ghum ka tu bhi aseer hae issi ghum ka mae bhi shikaar tha

faqat ek dhun thi ke raat din usi khwab -zar mein ghum rahein
wo suroor aesa suroor tha wo khumaar aesa khumaar tha

kabhi lamha bhar ki bhi guftugoo meri uss ke saath na ho saki
mujhe fursatein na mil saki, wo hawa ke ruth pe sawaar tha

hum ajeeb tarz ke log the ke hamare aur hi rog the
mae khizaa mein tha uska muntazir, usse intezaar-e-bahaar tha

isse pardh ke tum na samajh sake ke meri kitaab ki roop mein
koi karz tha kayee saal ka, kayee rat-jagon ka udhaar tha

16

Re: Poet of the Month AytbaaR Sajid ..Jo gubaar-e-waqt meiN chup gaeN

bund dareechey sooni galiyan andekhe anjaane log
kis nagri mein aa nikle hain "Sajid" hum deewane log

ek hamee na-wakif thahren roop nagar ki galiyon se
bhes badal kar milne waale sab jaane pehchaane log

din ko raat kahe in so barhaq, subha ko shaam kahein so khoob
aap ki baat ka kehnaa hi kya, aap huwe farzaney log

shiqwa kyaa aur kaesi shiqayat, aakhir koi buniyaad toh ho
tum par mera haq hi kya hae, hum thahren begaane log

shaher kahan khalee rehta hae ye dariya har dum behtaa hae
aur bahot se miljayenge hum jaese deewane log

suna hae uske ahad-e-wafaa mein hawaa bhi muft nahi milti
un galiyon mein har har saans pe bhartey hain jurmane log

17

Re: Poet of the Month AytbaaR Sajid ..Jo gubaar-e-waqt meiN chup gaeN

Anwaar I am really sorry, meiN wa'qai bhool gaya tha :(

**Tujh se bechar k aankh ko num kis liye kare
Tujh ko melaal nahi tu hum kis liye kare

Duniya ki be rukhi tu nahi hai koi jawaaz
Es sheddat-e-khaloos ko kam kis liye kare

Taa umer kurbton ka tu emkaan he na tha
Aakhier faraq-e-yaar ka ghum kis liye kare

Apna janoon oy daad-o-sataysh se beneyaz
Pher be khudi ka haal raqum kis liye kar

Jin k liye ufaq pe chamkte hain raastein
Matti pe sabt naqsh-e-kadam kis liye kare

Manoos ho chuke hain anderoon sy apne log
Ab ehtejaj subh karam kis liye kare

Sajad koi nayi tu nahi hai yeh terghi
Aakhier melaal-e-shaam alam , kis liye kare**

18

Re: Poet of the Month AytbaaR Sajid ..Jo gubaar-e-waqt meiN chup gaeN

Nice one. I like his poetry. Very expressive

19

Re: Poet of the Month AytbaaR Sajid ..Jo gubaar-e-waqt meiN chup gaeN

mushkil yeh aa pari thee hamaare nibaah mein
duniya fareeq ban gaee chaahat ki raah mein
aisa thaa dil ka haal tere baad, jis tarah
bhujhta huwa chiraag kisi khaanqaah mein
ek aisi kashmakash mein giraftaar thaa yeh dil
raahat sawaab mein thee na lazzat gunah mein
kitna mein phoot phoot ke roya thaa us ghari
us ne liya thaa mujhe apni panaah mein
haathoon mein phool, aankh mein aansoo leye huwe
kehtay hain woh bhi aaee thee mere beyaah mein
haan, tera 'Aitbaar Sajid' mila, khaasta-o-kharaab
kal shaam ek ujaar se jungle ki raah mein

20

Re: Poet of the Month AytbaaR Sajid ..Jo gubaar-e-waqt meiN chup gaeN

Jhootee :chai: