Re: Poet Of The Month-April 08- Shakeel Badayuni -
Asalam u Alaikum !
Tamheed-e-sitam aur hai takmeel-e-jafa aur
chakne ka mazaa aur hai peene ka mazaa aur
taseer tu taaseer tasawwur hai gurezaan
raaton ko zara maangiye uth uth ke dua aur
donon hi binaa-e-kashish-o-jazb hain lekin
nagmon ki sadaa aur hai naalon ki sadaa aur
takraa ke vaheen tuut gaye sheesha-o-sagar
maekhwaaron ke jhurmut mein jo saqi ne kaha aur
wo khud nazar aate hain jafaon pe pashemaan
kya chahiye aur tum ko "Shakeel" is ke sivaa aur
Shakeel Badayuni