Poet Of The Month-April 08- Shakeel Badayuni -

[Shumaisa]

Re: Poet Of The Month-April 08- Shakeel Badayuni -

@Precious_Khan

---

==================

*Mayree Zindgee Pay Na Muskuraa *
Mujhay Zindgee Ka Ilm Naheen
*Jiasay Tayray Gham Say Ho Vaasta *
Vo Khizaa’n Bahaar Say Kam Naheen

*Mayra Kufr Haasil-e-Zod Hay *
Mayra Zod Haasil-e-Kufr Hay
Mayree Bandgee Hay Voh Bandgee
Jo Raheen-Der-o-Haram Naheen

Mujhay Raas Aa’ey Khudaa Karay
Yahee Ishtibaah Ki Saa’atain
Unhain Aitbaar-e-Vafaa Naheen
Mujay Aitbaar-e-Sitam Naheen

*Vahee Kaarvaa’n Vahee Raastay *
Vahee Manzilain Vahee Marhalay
Magar Apnay Apnay Muqaam Par
Kabhi Tum Naheen ’ Kabhi Hum Naheen

Na Voh Shaan-e-jabr-e-Shahab Hay
Na Voh Rang-e-qahr-Itaab Hay
Dil-e-Bayqarar Peh In Dinoo’n
Hay Sitam Yahi Keh Sitam Naheen

Na Fanaa Mayree Na Baqaa Mayree
Muhay Ay Shakeel Na Dhoondiay
Main Kissi Ka Husn-e-khayal Hoon
Mayraa Kuch Wajood-e-Adam Naheen

_____________________________
=====================================
<<<<<<<<<<<<<<<>>>>>>>>>>>>>>>

Bohat khoob..