Poet of the Month... Amjad Islam Amjad

Arts & Culture Poetry ( Intikhaab & Sho'ra-e-Gupshup)
1

chaand ke saath kaii dard puraane nikale
kitane Gam the jo tere Gam ke bahaane nikale

fasl-e gul aa_ii phir ik baar asiiraan-e-vafaa
apane hii Khuun ke dariyaa me.n nahaane nikale

hijr ki choT ajab sang-shikan hotii hai
dil kii befaiz zamiino.n se Khazaane nikale

umr guzarii hai shab-e-taar me.n aa.Nkhe.n malate
kis ufaq se meraa Khurshiid na jaane nikale

kuu-e-qaatil me.n chale jaise shahiido.n kaa juluus
Khvaab yuu.N bhiigatii aa.Nkho.n ko sajaane nikale

dil ne ik ii.nT se taamiir kiyaa taaj mahal
tuu ne ik baat kahii laakh fasaane nikale

main nay ‘Amjad’ use bevaastaa dekhaa hii nahii.n
vo to Khushbuu me.n bhii aahaT ke bahaane nikale
2

Re: Poem of the Month... Amjad Islam Amjad

Opzzz jano g :D
typooo hogaye plzzz correct it
:$

3

Re: Poet of the Month... Amjad Islam Amjad


khud apane liye baiTh ke sochaiN gaiN kisi diN
yuuN hai ki tujhe bhuul ke dekheiN gaiN kisi diN

bhaTake hue phirate haiN kai lafz jo dil meiN
duniyaa ne diyaa vaqt to likkh'nge kisii diN

hil jaaye'nge ik baar to arshoN ke dar-o-baam
ye Khaak_nashiN log jo bole'nge kisi diN

aapas ki kisi baat kaa miltaa hi nahiN vaqt
har baat ye kahate haiN k baiThe'nge kisi diN

ai jaan terii yaad ke be-naam parindeY
shaaKhoN pe mere dard ki utare'nge kisi diN

jaatii hai kisi jheel kii gaharaa_ii kahaaN tak
aankhoN meiN teri Duub ke dekhe'nge kisi diN

khushbu se bhari sham meiN jugnu k qalam se
ik nazm tere vaaste likkhe'nge kisi diN

soye'nge teri aaNkh ki Khlvat meiN kisi raat
saaye meiN terii zulf ke jaage'nge kisi diN

Khushbu ki tarah ,asl-e-sabaa Khaak numaa se
galiyo'N se tere shahar ki guzare'nge kisi diN

'Amjad' hai yahii ab ke kafan baaNdh ke sar se
us shahar-e-sitam_gaar meiN jaaye'nge kisi diN

4

Re: Poem of the Month… Amjad Islam Amjad

:halo: :hoonh: kis k khayalooN main rehti hain ap

5

Re: Poem of the Month… Amjad Islam Amjad

John Abrahim kay :blush:

wasay i was thinking to post this ghazal next :slight_smile:
khair here come another one :smiley:

6

Re: Poet of the Month... Amjad Islam Amjad


one of my all time favorites ... love this ghazal :)

jo utar ke ziinaa-e-shaam se terii chashm-e-Khush me.n samaa gaye
vahii jalate bujhate se mahar-o-maah mere baam-o-dar ko sajaa gaye

ye ajiib khel hai ishq kaa mai.n ne aap dekhaa ye mojezaa
vo jo lafz mere gumaa.N me.n the vo terii zubaa.N par aa gaye

vo jo giit tum ne sunaa nahii.n merii umr bhar kaa riyaaz thaa
mere dard kii thii daastaa.N jise tum ha.Nsii me.n u.Daa gaye

vo charaaG-e-jaa.N kabhii jis kii lau na kisii havaa se niguu.N hu_ii
terii bevafaa_ii ke vaasavaa use chupake chupake bujhaa gaye

vo thaa chaa.Nd shaam-e-visaal kaa ke thaa ruup tere jamaal kaa
merii ruuh se merii aa.Nkh tak kisii raushanii me.n nahaa gaye

ye jo bandagaan-e-niyaaz hai ye tamaam hai vo lash_karii
jinhen zindagii ne aman na dii to tere huzuur me.n aa gaye

terii beruKhii ke dayaar me.n mai.n havaa ke saath havaa huaa
tere aa_iine kii talaash me.n mere Khvaab cheharaa ga.Nvaa gaye

tere vaasavaaon ke fishar men teraa sharar-e-rang ujar gayaa
merii Khvaahisho.n ke Gubaar me.n mere maah-o-saal-e-vafaa gaye

vo ajeb phuul se lafz the tere ho.nTh jin se mahak uThe
mere dasht-e-Khvaab men duur tak koii baaG jaise lagaa gaye

merii umer se na simaT sake mere dil men itane savaal the
tere paas jitane javaab the terii ik nigaah me.n aa gaye

7

Re: Poet of the Month… Amjad Islam Amjad

beautiful me love too:blush:
*

8

Re: Poet of the Month... Amjad Islam Amjad

...Aarzu of my life...Defined by Amjad...

zindagii ke mele me.n
Khvaahisho.n ke rele me.n
tum se kyaa kahe.n jaanaa
is qadar jhamele me.n
vaqt kii ravaanii hai
baKht kii giraanii hai
saKht bezamiinii hai
saKht laamakaanii hai
hijr ke samandar me.n
taKht aur taKhte kii
ek hii kahaanii hai
tum ko jo sunaanii hai

baat go zaraa sii hai
baat umr bhar kii hai
umr bhar kii baate.n kab
do gha.Dii me.n hotii hai.n
dard ke samandar me.n
anginat jaziire.n hai.n
beshumaar motii hai.n
aa.Nkh ke dariiche me.n
tum ne jo sajaayaa thaa
baat us diye kii hai
baat us gile kii hai
jo lahuu kii Khilvat me.n
chor ban ke aataa hai
lafz ke fasiilo.n par
TuuT TuuT jaataa hai

zindagii se lambii hai
baat rat_jage kii hai
raaste me.n kaise ho
baat taKhaliye kii hai
taKhaliye kii baato.n me.n
guftaguu izaafii hai
pyaar karane vaalo.n ko
ik nigaah kaafii hai
ho sake to sun jaao
ek din akele me.n
tum se kyaa kahe.n jaanaa.N
is qadar jhamele me.n

9

Re: Poet of the Month… Amjad Islam Amjad

No doubt, one of the best by AIA :k:
10

Re: Poet of the Month... Amjad Islam Amjad

One of my favourite by AIA

Tuloo-e-shams-e-mafariqat
purani kirneiN naey makanoN ke aganoN meiN laraz rahi heiN
faseel-e-shehar-e-wafa ke rozan
chamaktey zarroN se bhar gaye heiN
chamaktey zarrey...
gaye dinoN ki aziz bateiN
nigar subheiN, gulab rateiN
bisat-e-dil bhi ajeeb shey hay
hazar jeeteiN, hazar mateiN
judaiyon ki hawaeiN lamhon ki khushk mitti ura rahi heiN
gayee rutooN ka malal kab tak
chalo ke shakheiN to toot'ti hi heiN
chalo ke qabroon pe khoon rooney sey
apni aankheiN hi phoot'ti heiN
ye mor wo hey jahaaN sey merey tumharey rastey badal gaye heiN
purani rahon ko lotna bhi hamari muqaddar mein nahi
ke rastey bhi hamarey qadmon ke saath agey nikal gaye heiN
tuloo-e-shams-e-mafariqat hey
tum apni aankhoN meiN jhilmilatey huwey sitarooN ko maot dey do
gayi rutooN ke tamam pholon, tamaam kharooN ko maot dey do
naye safar ko hayat bakhsho
ke pichli raahon pe sabt jitney naqoosh-e-pa heiN
wo baar hongey
hawa uraye ke tum urao...!!!

11

Re: Poet of the Month… Amjad Islam Amjad

howcome i never read this before…
beautifulll amal :k:
thanks for sharing :slight_smile:

12

Re: Poet of the Month… Amjad Islam Amjad

One OF My Very Fav. By AIA

Agar Kabi meri yaad aiay Audio Mp3

[thumb=H]agarkabhi23410_8488241.JPG[/thumb]

13

Re: Poet of the Month... Amjad Islam Amjad

AiA ki
Sapurdghi

a'ey mita-hey-nazar mera hona teri zaat se is tarha se munslik hai k jesay kisi seep ki aa'bro us k gohar se hai jesay percha'eiN ka rabt paiker se hai jis tarha rang-e-may jaam o sagar se hai maiN agar bolta hooN tu teray skhun ki anaa'et hai ye maiN agar dekhta hooN tu teri nigha ki karamat hai ye maiN agar chup hooN tu teri mohabat hia ye maiN samandar nahi jo kinarooN se nikloN tu aabadioN maiN qayamat machay maiN muqadar nahi jo badalta rahy bin kahay bin sunay maiN nahi tashna lub jo saraboon ki ahat pe chalta rahooN maiN baghola nahi jo hawa k isharay pe urta phirooN maiN teray shahar k sangdil rastooN ka staya huwa ik musafir hooN jis ki girha maiN faqat aarzo hai nigahooN maiN tu hia aii tamana 'ey jaa'N wapsi k leay koi rasta nahi milta----tu b nahi milta hooN mubarak tujhay teri kam-goyaa'N_____tuj ko dhoondhooN kahaN! meray ahsaas-e-jaa'N ki namoo tuj se hia maiN agar seep hooN aa'bro tuj se hia phool hooN maiN agar rang-oboo tuj se hia aur agar jisam hooN tu lahoo tuj se hai
14

Re: Poet of the Month... Amjad Islam Amjad

***na waada hai koi tum se ,koi rishta nibhanaY ka na koi aur he dil maiN taheya ya irada hai kaa'ee din se magar dil maiN ajab uljhan se rahti hia! na tum is dastaa'N k saRsari kirdaaR ho koi na qisa itna saada hai! taa'ulaq jo maiN samja tha kahiN is se zayada hai!!***
15

Re: Poet of the Month… Amjad Islam Amjad

16

Re: Poet of the Month… Amjad Islam Amjad

17

Re: Poet of the Month… Amjad Islam Amjad

18

Re: Poet of the Month... Amjad Islam Amjad

Bay nigah aaNkhoun say
dekhtay haiN parchay ko

bay khiyaal haathouN say
un-bannay say lafzouN par
ungliyaaN ghummaatay haiN
yaa sawaal naamay ko
dekhtay hee jaatay haiN!

hur taraf kan-ankhiyouN say
bucch buccha kay taktay haiN
doosrouN kay purchouN ko
rehnumma samajhtay haiN

shaayad iss tarah koie,
raasta hee mil jaaey!
bay nishaaN jawaabouN kaa
kuch pata hee chull jaey!

mujh ko dekhtay haiN tau
youn jawaab copy par,
haashiyeh lagatay haiN
daaeray banaatay haiN
jaisay unn ko purchay kay
subb jawaab aatay haiN

iss tarah kay manzar maiN
Imtehaan gaahouN maiN,
dekhtaa hee rehtaa hooN
naqal karnay waalouN kay
nit naaey tareeqouN say
Aap lutf laita thaa,
dostouN say kehtaa thaa
kiss tarah say jaanay yeh
Aaj dil kay aangan maiN
ik khiyaal aayaa hay
sekRouN sawaalouN saa
ik sawaal laayaa hay

Waqt kee adaalat maiN
zindagi kee soorat maiN
yeh jo teray haathouN maiN, **
**aik sawaalnaama hay
kiss nay yeh banaayaa hay?
Kiss liyeh banaayaa hay?
kuch samajh maiN aayaa hay?
**
zindagi kay purcchay kay
subb sawaal laazim haiN, *
*subb sawaal mushkil haiN!
bay nigh aankhouN say *
*dekhtaa hooN purcchay ko
bay khiyaal haathouN say
*
un-bannay say lafzouN par
uNgliyaaN ghumaataa hooN
Haashiyeh lagaataa hooN
daairay banaataa hooN,

yaa sawaal naamay ko
dekhtaa he jaataa hooN
*

**

(Amjad Islam Amjad)
<!-- / message -->

19

Re: Poet of the Month... Amjad Islam Amjad

*guzertay lamho! mujhe batao zindage ka asool kia hai
tamaam hathon main aayne hain to kon kis se chupa hua hai
ager sada ka wajood kanon se munsalik hai
to kon khushbo main bolta hai
ager samander ki hud hai sahil
to kon ankhon main phailta hai
tamam cheezain ager yeh hi hain
to kon cheezon se mavraa hai
kise khabar badalti rut ne puraane paton se kia kiya hai
yeh kon badal se ja ke pooche ke itne mosam kahan raha hai
jo aaj dekha hai kal na ho ga
koi bhi lumha atal na ho ga
guzertay lumhoo! mujhe batao zindage ka asool kia hai *
**
(Amjad Islaam Amjad )
**

20

Re: Poet of the Month... Amjad Islam Amjad

Meri Fav tou kisi aur nay post kar di :-(