Poet of The Month.. ADEEM HASHMI..

Arts & Culture Poetry ( Intikhaab & Sho'ra-e-Gupshup)
1

:salam:

Mujhe lagta hai ke on GS Adeem Hashmi is always been an under rated poet as I rarely see ppl posting Ghazals or Nazms from him..

Some poets have the special gift of letting the feelings appear in their purest, most raw form. Adeem Hashmi is one of those successful poets who have adopted a simple yet intense form of expression.

He describes his helplesness and superbly communicates his inability to achieve all that he wished for, not only in romance, but also in general.

Lets celebrate him by dedicating this section to his poetry for month of January 2008..

Best Regards,

2

Re: Poet of The Month.. ADEEM HASHMI..

thanks red lakiN kuch post tu kia nahi ap ne us k leay :slight_smile:

3

Re: Poet of The Month.. ADEEM HASHMI..

1

Faaslay Aise Bhi Honge Ye Kabhi Socha Na Thaa
Saamnay Baitha Thaa Meray Aur Vo Mera Na Thaa

Vo Ke Khushbuu Ki Tarah Phaila Tha Meray Chaar Suu
Main Usay Mahsuus Ker Sakta Tha Chhu Sakta Na Thaa

Raat Bhar Us Ki Hi Aahat Kaan Main Aati Rahi
Jhaank Ker Dekha Gali Main Koi Bhi Aaya Na Thaa

Aks To Maujood Thay Per Aks Tanahai Ke Thay
Aaina To Thaa Magar Uss Main Tera Chehra Na Thaa

Aaj Uss Ne Dard Bhi Apne Alehda Ker Deay
Aaj Main Royaa To Meray Saath Vo Roya Na Thaa

Ye Sabhi Veeraniaan Uss Ke Judaa Honay Se Theen
Aankh Dhudhlai Hui Thi Shahar Dhundhlaya Na Thaa

Yaad Karkay Aur Bhi Taklif Hoti Thi "Adeem"
Bhool Jaanay Ke Siva Ab Koi Bhi Chaara Na Thaa

4

Re: Poet of The Month.. ADEEM HASHMI..

Kaha Sathi Koi Dukh Derd Ka Tayyar Kerna Hay?
Jawaab Ayaa Kay Ye Derya Akailay Paar Kerna Hay

Kaha Her Rasta Baksha Hay Na-hamwar Kyun Mujh Ko?
Jawaab Aya Her Rasta Tujhay Hamwar Kerna Hay

Kaha Kiya Taigh Uthani Hay Ghaneemon Nay Ghaneemon Per?
Jawaab Aya Kay Yaroon Nay Bhi Chup Kay Waar Kerna hay

Kaha Kyun Samnay Chamka Diya Itna Bara Sooraj?
Jawaab Aya Humain Saya Pas-e-dewaar Kerna Hay

Kaha Lafzon Se Phoolon Ki Mehak Anay Lagi Kaisay?
Jawaab Ayaa Mohabbat Ka TUjhay Izhaar Kerna Hay

Kaha Mujhko Banaya Hay Tu Phir Ye Doosray Kyun Hain?
Jawaab Ayaa Kay Tujhko Doosroon Say Piyar Kerna Hay...

Kaha Main Ladla Tera Hoon Main, Matti Main Kyun Utroon?
Jawaab Ayaa Kay Sub Ko Ye Sumander Paar Kerna Hay

5

Re: Poet of The Month.. ADEEM HASHMI..

My Most Favourite one..

Kat Hi Gai Judai Bhi Kab Ye Hua Ke Mer Gaye
Tere Bhi Din Guzar Gaye Mere Bhi Din Guzar Gaye

Tere Leay Chale Thay Hum Tere Leay Theher Gaye
Tuu Ne Kaha To Jee Uthay Tuu Ne Kaha To Mer Gaye

Waqt Hi Kuch Judai Ka Itna Taweel Ho Gaya
Dil Main Tere Wisaal Ke Jitne Thay Zakhm Bhar Gaye

Hota Raha Muqabla Paani Ka Aur Piyaas Ka
Sehra Umad Umad Paray Darya Bipher Bipher Gaye

Woh Bhi Ghubar-e-Khuwab Tha Hum Bhi Ghubar-e-Khuwab Thay
Woh Bhi Kahin Bikhar Gaya Hum Bhi Kahin Bikhar Gaye

Raah Main Milay Thay Hum Raahain Naseeb Bann Gaeen
Tuu Bhi Na Apne Ghar Gaya Hum Bhi Na Apne Ghar Gaye

Koi Kinar-e-Aab-e-Joo Betha Hua Hay Sir'Nigoon
Kashti Kidhar Chali Gai Janay Kidher Bhanwar Gaye

Aaj Bhi Intizar Ka Waqt Hanoot Ho Gaya
Aisay Laga Ke Hashr Tak Saray Hi Pal Theher Gaye

Barish-e-Wasal Wo Hoi Saraa Ghubaar Dhul Gaya
Woh Bhi Nikhar Nikhar Gaya Hum Bhi Nikhar Nikhar Gaye

Aab-e-Muheet-e-Ishq Ka Beher Ajeeb Beher Hay
Tairay To Gharq Ho Gaye Doobay To Paar Utar Gaye

Itne Qareeb Ho Gaye Itne Raqeeb Ho Gaye
Woh Bhi Adeem Dar Gaya Hum Bhi Adeem Dar Gaye

Uss Kay Salook Per Adeem Apni Hayat-o-Maut Hay
Woh Jo Mila To Jee Uthay Woh Na Mila To Mar Gaye

2 Likes
6

Re: Poet of The Month.. ADEEM HASHMI..

Ager Poocha Ke Mujh Se Kaam Kia Hai Kia Kahoonga Main
Kaha Iss Kaam Ka Anjaam Kia Hai Kia Kahoonga Main

Mujhe Pehchaan’nay Se Uss Ne Ger Inkaar Ker Daala
Ager Poocha Ke Tera Naam Kia Hai Kia Kahoonga Main

Payaami Ban Ke Jaon Main Bichharnay Ka, To Kia Boloon
Ager Poocha Tera Paighaam Kia Hai Kia Kahoonga Main

Khushi Ka Din Kisay Kehtay Hain Main Ye To Bata Doonga
Ager Poocha Ghamon Ki Shaam Kia Hai Kia Kahoonga Main

Main Uss Ke Muun Pe Uss Ko Bewafa Kehnay Ko To Keh Doon
Ager Poocha Tera Anjaam Kia Hai Kia Kahoonga Main

Adeem Uss Ko Bura Kehna Mujhe Acha Nahi Lagta
Ager Poocha Tera Ilzaam Kia Hai Kia Kahoonga Main

7

Re: Poet of The Month.. ADEEM HASHMI..

****dil ajab gumbad k jis main ik kabutar bhi nahin
itna viran to murdaron ka muqaddar bhi nahin

Dabati jati hain mitti main badan ki kashtiyan
dekhane main ye zamin koi samandar bhi nahin

jitne hangame the sukhi tahaniyon se jhar gaye
per par phal bhi nahin angan main patthar bhi nahin

Khushk tahani par parinda hai ki patta hai 'Adeem'
ashiyana bhi nahin jis ka koi par bhi nahin

jitni pyari hain meri dharati jo zanjirain 'Adeem'
itana pyara to kisi dulhan ko zevar bhi nahin****

8

Re: Poet of The Month.. ADEEM HASHMI..

ik roz koi tou sochay ga
parwaanon ki is basti mein
ik shaks tha pagal paagal sa
per baatein theek hi kehta tha
baarish ki tarha pur shor na tha
darya ki tarha chup rehta tha
jin se is ko pyaar bala ka tha
taanay bhi unhi k sehta tha
ik shaks tha paagal paagal sa
per baatein theek hi kehta tha
ik roz koi tou sochay ga
duniya ne usay kuch bhi na diya
per us ne jag ko pyaar diya
jaan rotay rotay kho beitha
dil hanstay hanstay haar diya
jo nazm likhi bharpoor likhi
jo shair diya shahkaar diya
kion jeetay jee dargor hua
kisi jaan pay tun mann waar diya
tha dushman kaun bechaaray ka
kiss ranj ne us ko maar diya
ik roz koi tou sochay ga
aur pehron beith k roye ga!!!

~*~ Tagged - UZ ~*~
~*~ Tagged - UZ ~*~
9

Re: Poet of The Month.. ADEEM HASHMI..

ma fav 1

*Wahi takraar lafzoun ki
Wahi andaishey furqat kay'
Wahi anjaan see dastak
Wahi her baat pey ranjish
Wahi her baat pey larnaa
Wahi likhna hamaarey naamoun ko bey-rehem maujoun per
Hamaarey saamney kachchey gharoundey tour ker hansnaa
Wahi bey-maani baatoun mein hamaara zikr ley aana
Hamein perdey sey chhup ker daikhna aur muskuraana
Wahi muskaan dheemi see
Wahi kuch boulti aankhein
Wahi chup chaap sa lehjaa
Wahi bey-chain see halchal
Wahi sakhiyoun sey katraana
Wahi saaey sey ghabraana
Wahi kehney sey kuch darnaa
Wahi bey-wahja ithhlaana
Sab hi aasaar kehtay hein..
Ussey mujh sey Muhabbat hai..!!!
Ussey mujh sey Muhabbat hai..!!! *

10

Re: Poet of The Month.. ADEEM HASHMI..

Beautiful sharing yaad :)

11

Re: Poet of The Month.. ADEEM HASHMI..


shoR sa aik haR aik simt bapaa lagta hai
wo khamoshi hai k lamha b sadaa lagta hai

kitna saakat nazaR aa'ta hia hawaoon ka badaN
shaakh pe phool b pathraa'ya huwa lagta hia

sheekh uthti huwei har ghaR se nazaR aa'ti hai
haR makaa'N shahaR ka aa'saib zadaa lagta hai

aankh har rah pe chipki he chali jaati hai
dil ko haR moRe pe kuch khoo'ya huwa lagta hia

kitna haa'sad hooN k ik tu he meRa apna hai
auR tu theek se hanstaa bhi buRaa lagta hai

jaaN tu kis leay apNi ganwaata hai "adeem"
khubsooRat hai wo lakiN teRa kia lagta hia

12

Re: Poet of The Month.. ADEEM HASHMI..

beautiful sharings bheegi n Nikami jee.. :)

13

Re: Poet of The Month.. ADEEM HASHMI..

Aik Sher Jo Meri Zubaan Pe Aksar Aajata Hai..

Uss Ne Hansi Hansi Main Muhabbat Ki Baat Ki
Mainay Adeem Uss Ko Mukernay Nahi Dia

14

Re: Poet of The Month.. ADEEM HASHMI..

Uss Ne Kaha Ke Hum Bhi Khareedar Ho Gaye
Biknay Ko Saaray Log Hi Tayyaar Ho Gaye

Uss Ne Kaha Ke Aik Vafaadaar Chaheay
Saaray Jahaan Ke Log Vafadaar Ho Gaye

Uss Ne Kaha Ke Koi Gunah'Gaar Hai Yahaan
Jo Paarsaa Thay Vo Bii Gunah'Gaar Ho Gaye

Uss Ne Kaha Ke Aajiz-o-Miskeen Hai Koi
Sab Log Gard-e-Koocha-o-Bazaar Ho Gaye

Uss Ne Kaha Ke Kaash Koi Jang'ju Milay
Aapas Main Yaar Barsar-e-Paikaar Ho Gaye

Uss Ne Kaha Adeem Mera Haath Thaam'Na
Chaaron Taraf Se Haath Namoodaar Ho Gaye

15

Re: Poet of The Month.. ADEEM HASHMI..

16

Re: Poet of The Month.. ADEEM HASHMI..

Gham Ke Her Ek Rang Se Mujh Ko Shanasa Ker Gaya
Wo Mera Mohsin Mujhe Pathar Se Heera Ker Gaya

Ghoorta Tha Main Faza Main To Sajee Theen Mehfilain
Mera Aankhon Ka Jhapakna Mujh Ko Tanha Ker Gaya

Her Taraf Urnay Laga Tareek Saayon Ka Ghubaar
Shaam Ka Jhonka Chamakta Sheher Maila Ker Gaya

Chaat Li Kirno’n Ne Meray Jism Ki Saari Mithaas
Main Samander Tha Wo Suraj Mujh Ko Sehra Ker Gaya

Aik Lamhay Main Bharay Bazaar Soonay Ho Gaye
Aik Chehra Sab Puranay Zakhm Taaza Ker Gaya

Main Usi Ke Raabtay Main Jis Tarha Malboos Tha
Yuun Wo Daaman Kheech Ker Mujh Ko Bareh’na Ker Gaya

Raat Bhar Hum Roshni Ki Aas Main Jaagay Adeem
Aur Din Aaya To Aankhon Main Andhera Ker Gaya

I was Thinking .................
17

Re: Poet of The Month.. ADEEM HASHMI..

Ta'alluq Apni Jaga Tujh Se Barqarar Bhi Hai
Magar Ye Kia Ke Teray Qurb Se Faraar Bhi Hai

Kuraid Aur Zameen, Mausamo’n Ke Mut’laashi
Yaheen Kaheen Meri Khoi Hui Bahaar Bhi Hai

Yehi Na Ho Teri Manzil Zara Theher Ay Dil
Wohi Makaan Hai, Dee’on Ki Wohi Qataar Bhi Hai

Yunhi To Rooh Nahi Tor’ti Hisaar-E-Badan
Zarur Apna Koi Baad’lon Ke Paar Bhi Hai

Main Patharo’n Se He Sir Ko Patakh Ke Laut Aaya
Chataan Kehti Rahee Mujh Main Shaah’kaar Bhi Hai

Ye Kia Ke Rok Ke Betha Hua Hoon Sail-E-Hawas
Machaan Per Bhi Hoon Aur Samnay Shikaar Bhi Hai

Chhupa Hua Bhi Hoon Jeenay Ki Aarzu Lekar
Panaah’gah Meri Sher Ki Kachhaar Bhi Hai

Adeem Uss Se Karon Bhi To Kis Tarah Ka Sulook
Hareef Bhi Hai Wo Apna, Wo Apna Yaar Bhi Hai

18

Re: Poet of The Month.. ADEEM HASHMI..

Rakht-E-Safar Yunhi To Na Bekaar Le Chalo
Rasta Hai Dhoop Ka, Koi Dewaar Le Chalo

Taaqat Nahi Zubaan Main To Likh He Loon Dil Ki Baat
Koi To Saath Soorat-E-Izhaar Le Chalo

Dekhoon To Badal Ke Bhala Kesa Ho Gaya
Mujh Ko Bhi Uss Ke Saamnay Ek Baar Le Chalo

Kab Tak Nadi Ki Teh Main Utaaro Ge Kashtiaan
Abb Ke To Haath Main Koi Patwaar Le Chalo

Parti Hain Dil Pe Gham Ki Ager Silwatain To Kia
Chehray Pe To Khushi Ke Kuch Aasaar Le Chalo

Jitney Bhanwar Kaho Ge Pehen Loonga Jism Per
Ek Baar To Nadi Ke Mujhe Paar Le Chalo

Kuch Bhi Nahi Ager To Hatheli Pe Jaan Sahi
Tohfa Koi To Uss Ke Leay Yaar Le Chalo

Jungle Main Aye Ga Koi Gaahak Kahan Adeem
Bikna Hai Ger To Saath Khareedaar Le Chalo

2 Likes
19

Re: Poet of The Month.. ADEEM HASHMI..

Usi Aik Fard Ke Wastay Meray Dil Main Dard Hai Kis Leay
Meri Zindagi Ka Mutalba Wohi Aik Fard Hai Kis Leay

Tu Jo Sheher Main He Muqeem Hai To Musaafirat Ki Faza Hai Kion
Tera Kaarwaan Jo Nahi Gaya To Hawa Main Gard Hai Kis Leay

Na Jamal-O-Husn Ki Bazm Hai Na Junoon-O-Ishq Ka Azm Hai
Sir-E-Dasht Raqs Main Her Ghari Koi Baad’gard Hai Kis Leay

Teray Husn Se Ye Pata Chala Tujhe Dekh Ker Ye Khabar Hui
Jahan Raasta He Nahi Koi Wahan Rah’naward Hai Kis Leay

Jo Likha Hai Meray Naseeb Main Kaheen Tunay Parh To Nahi Lia
Tera Haath Sard Hai Kis Leay, Tera Rung Zard Hai Kis Leay

Wo Jo Tark-E-Rabt Ka Ehed Tha Kaheen Tootnay To Nahi Laga
Teray Dil Ke Dard Ko Dekh Ker, Meray Dil Main Dard Hai Kis Leay

Koi Wasta Jo Nahi Raha, Teri Aankh Main Ye Nami Hai Kion
Meray Gham Ki Aag Ko Dekh Ker, Teri Aah Sard Hai Kis Leay

20

Re: Poet of The Month.. ADEEM HASHMI..

Jab Usay Chaha To Chaha Her Tarah Ke Haal Main
Her Tarah Ka Husn Dekha Uss Ke Khad-O-Khaal Main

Chal Rahi Hai Ye Zameen Zandaa’n Ki Chakki Ki Tarah
Piss Rahay Hain Log Kia Kia Iss Ke Maah-O-Saal Main

Misl-E-Maahi Waqt Ke Haathon Se Phisli To Buhat
Phans Gai Aaker Jawani Jhurrion Ke Jaal Main

Inteha’on Per Rahay Hum Darmiaan Thehray Nahi
Aasmaan Ki Auj Per Ya Gir Gaye Pataal Main

Ye Bhi Kia Insaaf Hai Ay Munsif-E-Wasl-O-Firaaq
Uss Ki Aadhi Bhi Jhalak Dekhi Na Pooray Saal Main

Ibtida Se Hashr Tak Sab Teen Pinj’ron Main Hain Qaid
Koi Maazi, Koi Mustaqbil Main, Koi Haal Main

Teen Sau Painsath* Dareechay Waqf Sooraj Ke Leay
Chaand Ki Khatir Bani Baara’dari Her Saal Main

Mainay Socha Tha Kisi Ko Main Dhoka Doon Adeem
Shakl Apni He Nazar Aai Sabhi Ashkaal Main

(Teen Sau Painsath* = 365)