A new year , a new beginning,lets share poetry related to the new year.
Here’s one from me 
Kal Jab Saal-E-Nau Kay Sooraj Ki Pehli Kiran Ho
Khil Uthay Zindagi Teri, Aisi Har Taraf Bahar Ho
(Saal-E-Nau=new Year)
Khulay Jo Aankhain Teri Tu Har Taraf Khushi Ho
Har Khushiyan Teri,Beetay Saal Se Barh Kar Ho
Rahaye Salaamat Tu Sadaa Koi Ek Ghum Na Ho
Khushiyan Dein Jo Tujh Ko, Aisa Har Ek Pal Ho
Na Rahaye Dukh Ranj Koi,Aisa Tera Muqadar Ho
Tere Lub-E-Rukhsaar Per Muskaan Raqsaa.N Ho
(Raqsaa.N=raqs Means Muskaan Saji Ho)
Taaroon Ki Tarah Jhilmilati Teri Yeh Ankhain Ho
Dour Rahayen Dard Tujh Se,Na Hi Koi Aanso Ho
Mehakta Rahaye Dil Tera Jis Se, Aisi Khusbu Ho
Na Aye Koi Mushkil,Abr-E-Rehmat Ki Barsaat Ho
(Abr-E-Rehmat=i Mean Here K Khuda Ki Rehmat Rahaye)
Na Aye Koi Pathar Rahaaon Mein, Aisa Safar Ho
Rahaye Sabit Qadam Tu,Har Manzil Teri Apni Ho
Roshan Hojaye Hasti Teri,Aisi Har Nayi Sehar Ho
Fizaa Mehkay Aangan Ki, Aisi Haseen Shaam Ho
Har Shab Aangan Mei Tere Taaroon Ki Baraat Ho
Utre Chaand Aasmaan Se Har Taraf Chandani Ho
Mangi Hay Dua Khuda Se K Umar Teri Daraaz Ho
Chahye Tu Sang Kisi Ka,Tou Aman Tera Hamsafar Ho
(Daraaz=lambi)
