Its khubsoorat’s turn now 
She will share with us 10 complete ghazals / nazm of her choice and we can ask her reasons for her liking that piece of poetry and any connected questions.
Bismillah karen :k:
Re: Meri Pasand ki 10 Ghazlen / Nazmen (khubsoorat)
oho questions b puchay jayen gay 
yayyyyyyyyyy em coming aftr mins 
Re: Meri Pasand ki 10 Ghazlen / Nazmen (khubsoorat)
*Dil Ek Kwab nagar hai..!
*
Dil ek khwab nagar hai jis mein lamha lamha
Us k sapnay band ankhon mein naye dareechay wa krtay hain,
Her chehray mein uska chehra rakh detay hain,
Meray us k beech hazaron deewarain hain,
Rasmon or rawajon ki,
Begaanon ki qatil nazron or apnon ki baton ki,
Uski be-parwahi or apni pagal sochon ki,
Kaali dushman raahon ki,
Main is zalim aandhi or munh zor fiza mein ek be-maya zarra tha,
Jo apnay se lakhon mein gum tha,
Us k khawab ne meri ankhein roshan ki hain
Khamoshi mein jadoo hai,to phir woh jadoo gar hai,
Uski chup ne meray dil ko nutq diya hai,
Main qatra tha uski zaat samundar hai,
Uski mohabbt ne mujh ko takhleeq kiya hai,
Armanon ki baanjh hawaiyen
Ankhon k gumnam jazeeron mein chalti hain,
Or khawahishon k khushk darakhton ki shakon mein,
saiyeen saiyeen krti hain,
Mosam ankhein phair k dil ki dard nagri se chal detay hain,
Badal veeranay pay ghir k bin barsay chal detay hain,
Us k bina awaz ki kirnen, ankhein, phool, sitaray, pathar
Dil ek shehar-e-sand hai jis mein galiyan, baagh, minaray ,pathar
Khawahish jadoo ki basti hai,murr k dekho saray pathar,
Daryaaon k dharay pathar,
Woh aaye to pathar ko awaz milay,
Shehar-e-sang k darwazon ko wa krnay ka raaz milay,
Dil ek khawab nagar hai is k khawabon ko aghaaz milay,,
Amjad Islam Amjad
Re: Meri Pasand ki 10 Ghazlen / Nazmen (khubsoorat)
good start :k:
aisi la-hasil muhabbat ke peeche bhagne ka faida?
Re: Meri Pasand ki 10 Ghazlen / Nazmen (khubsoorat)
koi faida nhi but samajh dair se ati hai kya kren…
Re: Meri Pasand ki 10 Ghazlen / Nazmen (khubsoorat)
yani ke muhabbat na-samajh logon ka kaam hai 
Re: Meri Pasand ki 10 Ghazlen / Nazmen (khubsoorat)
haha, Allah janay..
Re: Meri Pasand ki 10 Ghazlen / Nazmen (khubsoorat)
**Mohabbat ki aseeri se rehaii mangtay rehna,,
*Mohabbat ki aseeri se rehaii mangtay rehna,
Bht asaan nhi hota judaii mangtay rehna,
Zara sa ishq kr lena, zara si ankh bhar lena,
Iwaz is k magar sari Khudai mangtay rehna,
Kabhi mehroom honton per dua ka harf rakh dena,
Kabhi wehshat mein uski naarsaai mangtay rehna,
Wafaon k tasalsul se mohabbt rooth jati hai,
Dil ki sukoot-e-sham-e-ghum se humnawaaii mangtay rehna,
Kabhi bachay k nanhay hath per titli k par rakhna,
Kabhi phir us k rangon se rehaiyee mangtay rehna,
*
Noshi Gillani
**
Re: Meri Pasand ki 10 Ghazlen / Nazmen (khubsoorat)
Zara sa ishq kr lena, zara si ankh bhar lena,
Iwaz is k magar sari Khudai mangtay rehna,
:k:
Ishq na kia ho, kisi pe ihsan kar dia ho 
Muhabbat main jatana itna ihm kiyun ho jata hai? 
Noshi Gilani sahiba achanak se kahan gum ho gai? long time no see?
Re: Meri Pasand ki 10 Ghazlen / Nazmen (khubsoorat)
Kamal-e-Zabt ko khud bhi to asmaon gi..Pata nhi kis dil se likhi gye hai yeh, jab b parho pata nhi kya ho jata hai :(**
Kamal-e-zabt ko khud bhi to azmaon gi
Main apny hath se us ki dulhan sajaon gi
Supurd kr k usy chandni k hathon
Main apne ghar k andheron ko laut aongi
Badan k karb ko wo bhi samajh na payega
Main dil main roungi ankhon main muskuraon gi
Woh kya gya k rafaqat k sare lutf gaye
Main kis se ruth sakungi kise manaon gi
Woh ek rishta-e-benam bhi nahin lekin
Main ab bhi us k isharon pe sar jhukaungi
Bicha diya tha gulabon k sath apna wajud
Woh so k uthe to khwabon ki rakh uthaon gi
Ab us ka fun to kisi aur se mansub hua
Main kis ki nazm akele main gungunaungi
Jawaz dhundh raha tha nai muhabbat ka
wo kah raha tha k main us ko bhul jaungi
Samaaton main ghane jangalon ki sansen hain
Main ab kabhi teri awaz sun na paungi .
Parveen Shakir****
**
Re: Meri Pasand ki 10 Ghazlen / Nazmen (khubsoorat)
pata nhi kahan gyen 
jataanay ka bhi andaz hota hai, is andaz se jatao k aglay bnday ko apki sincerety pay firm belief ho jaye, or agr na ho to ur wasting time 
Re: Meri Pasand ki 10 Ghazlen / Nazmen (khubsoorat)
Kamal-e-Zabt ko khud bhi to asmaon gi..Pata nhi kis dil se likhi gye hai yeh, jab b parho pata nhi kya ho jata hai :(**
Kamal-e-zabt ko khud bhi to azmaon gi Main apny hath se us ki dulhan sajaon gi
Supurd kr k usy chandni k hathon Main apne ghar k andheron ko laut aongi
Badan k karb ko wo bhi samajh na payega Main dil main roungi ankhon main muskuraon gi
Woh kya gya k rafaqat k sare lutf gaye Main kis se ruth sakungi kise manaon gi
Woh ek rishta-e-benam bhi nahin lekin Main ab bhi us k isharon pe sar jhukaungi
Bicha diya tha gulabon k sath apna wajud Woh so k uthe to khwabon ki rakh uthaon gi
Ab us ka fun to kisi aur se mansub hua Main kis ki nazm akele main gungunaungi
Jawaz dhundh raha tha nai muhabbat ka wo kah raha tha k main us ko bhul jaungi
Samaaton main ghane jangalon ki sansen hain Main ab kabhi teri awaz sun na paungi .
Parveen Shakir**** **
Parveen Shakir ne to apne miyan ki doosri bivi nahin sanwari. she got divorce and probably the relationship was abusive
Re: Meri Pasand ki 10 Ghazlen / Nazmen (khubsoorat)
**Woh damakti hui lau kahani, woh chamakdar sho'ula..
**Woh damakti hui lou kahani, woh chamakdar sho'ula fasana hua,
Woh jo uljha tha wehshi hawa se kabhi, us diyee ko bujhay to zamana hua,
Ek khushbu si pheli hai chaaron taraf, us k maka'an ki, us k ailaan ki,
Raabta phir bhi us husn-e-benaam se,jiska jitna hua, ghaiybaana hua,
Baagh mein phool us roz jo bhi khila, us k baalon mein sajnay ko bechain tha
Jo sitara bhi us rat roshan hua,uski ankhon ki janib rawaana hua,
Kehkashan se paray, asman se paray, rah guzar-e-zaman-o-maka'an se paray,
Mujh ko har haal mein dhundna tha usay, yeh zameen ka safar to bahana hua,
Ab to us k dinon mein bht door tak, asmaan hain naye or nai dhoop hai,
Ab kahan yad hogi usay rat woh jisko guzray huay ek zamana hua,
Mousam-e-wisal mein khoob samaan huay, hum jo fasl-e-bahaaran k mehmaan huay,
Ghaas qaleen ki tarah bichti gye, sar pay abr-e-rawa'an shamiyana hua,
Ab to Amjab judai k us morr tak dard ki dhund hai or kuch bhi nhi,
jan-e-man! ab woh din loatnay k nhi, choriyee ab woh qissa purana hua...
Amjad Islam Amjad
Re: Meri Pasand ki 10 Ghazlen / Nazmen (khubsoorat)
Lo Apna Jahan Ay duniya walo..
Lo Apna Jahan Ay duniya walo, hum is duniya ko chor chalay,
Jo rishtay naatay joray thay, woh rishtay naatay torr chalay,
Kuch sukh k lamhay dekh chalay, kuch dukh k lamhay jheal chalay,
Taqdeer ki aandhi gardish ne, jo khel khilaye khel chalay,
Her cheez tmhari loutaa di,hum kuch na lay kr sath chalay,
Phir dosh na dena ay logo, hum dekh lo khali hath chalay,
Yeh raah akeli katt'ti hai, yahan sath na koi yaar chalay,
Us paar na janay kya hoga, is paar to sub kuch haar chalay,,
Sahir Ludhyanvi
Re: Meri Pasand ki 10 Ghazlen / Nazmen (khubsoorat)
beautiful. Sahir ko to kisi ne toot ke chaha tha… aise log jinhe toot ke chaha jae wo bhi aisi baten karte hain
Re: Meri Pasand ki 10 Ghazlen / Nazmen (khubsoorat)
han but mujhy inki poetry se lgta hai k inko duniya walon se b kuch shikayeten thin
Re: Meri Pasand ki 10 Ghazlen / Nazmen (khubsoorat)
hassas logon ko wo baat bhi buri lagti hai, jis ka poore afsane main zikr bhi na ho 
Re: Meri Pasand ki 10 Ghazlen / Nazmen (khubsoorat)
Baagh mein phool us roz jo bhi khila, us k baalon mein sajnay ko bechain tha
Jo sitara bhi us rat roshan hua,uski ankhon ki janib rawaana hua,
beautiful :k:
Re: Meri Pasand ki 10 Ghazlen / Nazmen (khubsoorat)
yeh b to art hai ek poet ka, k apny jazbat ka izhar krtay hain but asal bat pata nhi lgnay detay
Re: Meri Pasand ki 10 Ghazlen / Nazmen (khubsoorat)
Achchi pasand hai Khoobsoorat kii