Mehfil-e-Unwaan — Mohabbat

Arts & Culture Poetry ( Intikhaab & Sho'ra-e-Gupshup)
1

Unwaan: Mohabbat

ChooNke lafz Mohabbat shaeri meiN ba’kasrat
istimaal huwa hey, is leeye hum Mohabbat ki is mehfil
meiN Pyaar, Ishq waghera shaamil nahi kareiN
ge aur sirf Mohabbat par hi ‘zor’ deiN ge :~)

Saabqa unwaan: Raat, Shaam, Zindghi, Chaand, Gulaab, An’nkhaiN

PS: Barah-e-meherbani poori ghazal post karney sey ijtinaab kijeeye.
*** **Agar aap ke paas deeye gaey unwaan sey mutaaliq kai aashaar heiN to unhey alag, alag post kareiN ta ke infiraadiyat bhi barqaraar rahey aur parrhney meiN bhi lutf aey.

Shukriya

2

Re: Mehfil-e-Unwaan — Mohabbat

Mohabbat meiN jitney bhi dukh hum ney kaatey
mohabbat ke rishtey, mohabbat ke naatey
mohabbat meiN jitney bhi sukh hum ney paaey
mohabbat sey rakhey, mohabbat sey baaNtey

By: Amal

3

Re: Mehfil-e-Unwaan — Mohabbat

Aur bhi dukh haiN zamanay maiN Muhabbat kay siwa
RaahataiN aur bhi haiN wasl kee rahat kay siwa

Select One
4

Re: Mehfil-e-Unwaan — Mohabbat


Mohabatain bhi ajeeb uski nafratain bhi kamal
mujhi say mujhi mai sama gya ek shaks

5

Re: Mehfil-e-Unwaan — Mohabbat


meri roh mai jo utar sakain woh mohabatain mujhay chahiye
jo sarab ho na azaab ho woh rafaqtain mujhay chaiye
inhi saatoo'n ki talash hai jo kelandroo'n say utar gaye
jo samay kay sath guzar gaye woh fursatain mujhay chahiye

6

Re: Mehfil-e-Unwaan — Mohabbat


tera gham teri mohabbat* tera dard teri hassrat
teri ho agar ijazzat tu mein apne naam karloon*

7

Re: Mehfil-e-Unwaan — Mohabbat


kehtey heiN mohabat manzil ho to saari umr safar meiN kat'ti hai
hum phir bhi apni aaNkhoN meiN terey khaab sajaa kar deikheiN ge

8

Re: Mehfil-e-Unwaan — Mohabbat


aey meharba'N dost sun meri mushkiloN ko samajh k meiN
teri **mohbatoN* **ka kya karooN kisey dil pe ab ikhtiyar hey!*

9

Re: Mehfil-e-Unwaan — Mohabbat


ye wafa-gari ki rivaayateiN heiN zindagi ki alaamateiN
jesey khwahishoN ka libas ho bari mohabatoN se sila huwa

10

Re: Mehfil-e-Unwaan — Mohabbat


tark-e-wafa bhi jurm-e-**muhabat **sahi "Akhtar"
milny lageiN wafa ki sazaayeN to kya kareN

11

Re: Mehfil-e-Unwaan — Mohabbat


teRay kanwal meRay gulaab sab dhu'waiN maiN kho gaa'ey
mohabatooN k they jo baab sab dhu'waiN maiN kho gaa'ey

12

Re: Mehfil-e-Unwaan — Mohabbat


meiN zindagi ki raah-guzar pe dar-badar hooN is leeye
ke mohabatoN ke shehar meiN dil be'makaaN hey aaj bhi

teri aarzu hey bohat magar meri pohaNch nahi hey is qadar
meri khuwaahishoN ke waastey tu aasmaaN hey aaj bhi

13

Re: Mehfil-e-Unwaan — Mohabbat

***MohabatoN*** meiN bhi kai madd-o-jazar deikhey heiN saba ki dastak pe toot'tey huwey ghar deikhey heiN
14

Re: Mehfil-e-Unwaan — Mohabbat


ye jo bhi zakhm deti hai kabhi seenay nahee deti
Muhabbat rooth jaaye tau kabhi jeenay nahee deti...m

15

Re: Mehfil-e-Unwaan — Mohabbat


*mohabbat *karaney vaaley kam na hoon gaiN
terii mahafil meiN lekiN ham na hoon gaiN

16

Re: Mehfil-e-Unwaan — Mohabbat


mohabbat tark kii mai.n ne garebaa.N sii liyaa maiN ne
zamaane ab to Khush ho zahar ye bhi pee liyaa maiiN ne

17

Re: Mehfil-e-Unwaan — Mohabbat

**us waqt kahaN tum soye the itna to bataa do ab mujh ko ** **Jab meri muhabat ki duniya hans hans ke mitaa'ee logoN ne **
18

Re: Mehfil-e-Unwaan — Mohabbat


**mohabat **aisa dar'ya hai
k barish rooth bhi jaa'ey
tu pani kam nahi hotaa

19

Re: Mehfil-e-Unwaan — Mohabbat


**zaalim thaa vo aur zulm ki aadat bhi bahut thee
majabuur the ham us se muhabbat bhi bahut thee
yuuN hi nahi mash-hoor zamaane me mera qaatil
us shakhs ko is fan me mahaarat bhee bahut thee*
*

20

Re: Mehfil-e-Unwaan — Mohabbat


us se kahNa k* mohabat* hijar maiN parwaan charti hai
us se kahNa k palat aa'oo mujhay tum se mohabat hai