Mehfil-e-Unwaan — Mohabbat

[Koyal]

Re: Mehfil-e-Unwaan — Mohabbat

mohabbat musamoN ki qaid se azad hote hai
suno ! suraj nikalane ka koi musam nahi hota

[Koyal]

Re: Mehfil-e-Unwaan — Mohabbat

*samajh ker soch ker rakhay hain sabhi rishtay sabhi mousam* *muhabbat bhi to lamha hai muhabbat bhi to mOusam hai*

[Koyal]

Re: Mehfil-e-Unwaan — Mohabbat

hazaar tu rasm-o-rah choray hazar maiN zabt shoaq kar looN
magar mohabt ka rabt-e-baham na teray bus maiN na meray bus maiN

[rashidali]

Re: Mehfil-e-Unwaan — Mohabbat

ik lafz **muhabbat **ka adna sa fasana hai
simtay to dil-e-ashiq phailay to zamana hai

[rashidali]

Re: Mehfil-e-Unwaan — Mohabbat

@Koyal

hazaar tu rasm-o-rah choray hazar maiN zabt shoaq kar looN magar ***mohabt ka*** rabt-e-baham na teray bus maiN na meray bus maiN

awesome selections koi aik nahin sab ke sab

[Aqls]

Re: Mehfil-e-Unwaan — Mohabbat

Dushwaartar the dasht-e mohabbat ke raaste
Girte chale sambhalte chale hum magar chale

[Shab-e-Hijar]

Re: Mehfil-e-Unwaan — Mohabbat

woh boli: dil ko koi bay-yaqeeni hai mohabaat maiN
main bola: theek hai par ishq to imaan hota hai

[Shab-e-Hijar]

Re: Mehfil-e-Unwaan — Mohabbat

sitaray dekhnay atay mujhy teri muhabaat main
woh kahti hai: sitaray aur sapnay jhoot hotay haiN

[Shab-e-Hijar]

Re: Mehfil-e-Unwaan — Mohabbat

us kay dil par bhi kari ishq mai guzri hogi
naam jis nay mohabaat ka sazaa rakha hai

[redroses]

Re: Mehfil-e-Unwaan — Mohabbat

us kay dil par bhi kari ishq mai guzri hogi naam jis nay mohabaat ka sazaa rakha hai

sachi...mai bhi yehi sochti hoon :)

[Hamnah]

Re: Mehfil-e-Unwaan — Mohabbat

bicher k mujh sy kabhi tu nay yeh bhi soocha hai
adhoora chand bhi kitna udaas lagta hai
rakh rakhaow MOHABBAT seekha gai hai uss ko
wo rooth ker bhi mujhay muskura ker milta hai

[Hamnah]

Re: Mehfil-e-Unwaan — Mohabbat

tumhain yeh shooq k MOHABBAT ki bheek main mangown
meri yeh zidd hai k taqaza mera asool nahi

[Hamnah]

Re: Mehfil-e-Unwaan — Mohabbat

raaz keh detay hain nazuk sy isharay akser
kitni khamoosh MOHABBAT ki zubaan hoti hai

[tahreem_saeed]

Re: Mehfil-e-Unwaan — Mohabbat

@Koyal

hazaar tu rasm-o-rah choray hazar maiN zabt shoaq kar looN magar ***mohabt ka*** rabt-e-baham na teray bus maiN na meray bus maiN

koyal jee koi ek shair hota tow tareef kar b detey aap ney tow alfaz he naa chorey tareef k leye what i say but only k selection ho to aisee weldone

[tahreem_saeed]

Re: Mehfil-e-Unwaan — Mohabbat

*Us Ki Aankho Main Muhabbat Ka Sitara Hoga
Aik Din Ayega Wo Shaks Hamara Hoga
*

[Hamnah]

Re: Mehfil-e-Unwaan — Mohabbat

Vo ke har ahad-e-muhabbat se mukarataa jaaye
Dil vo zaalim ke usii shakhs pay martaa jaaye
Mere pahluu mein vo aayaa bhii to Khushbu ki tarah
Main usay jitnaa sametuun vo bikhartaa jaaye

[deep_ocean]

Re: Mehfil-e-Unwaan — Mohabbat

Vo ke har ahad-e-muhabbat se mukarataa jaaye Dil vo zaalim ke usii shakhs pay martaa jaaye Mere pahluu mein vo aayaa bhii to Khushbu ki tarah Main usay jitnaa sametuun vo bikhartaa jaaye

wow beautiful

[deep_ocean]

Re: Mehfil-e-Unwaan — Mohabbat

zi.ndagii sirf muhabbat nahii.n kuchh aur bhii hai
zulf-o-ruKhsaar kii jannat nahii.n kuchh aur bhii hai
bhuuk aur pyaas kii maarii huii is duniyaa me.n
ishq hii ek haqiiqat nahii.n kuchh aur bhii hai

[hanibal]

Re: Mehfil-e-Unwaan — Mohabbat

yaqeen-e-muhkam, amal-e-peham muhabbat fateh aalam
jihad-e-zindgani maiN haiN yeh mardooN key shamsheeraiN

[Hamnah]

Re: Mehfil-e-Unwaan — Mohabbat

wow beautiful

Thanx

Ab mulakaat may wo garmi-e-jazbaat kaha'n
Ab tu wo rakhnay mohabbat ka bharam aatay hain