This one os for Fara and GS and is one of my all time favs
**apane maazii ke tasavvur se hiraasa huun main **
**apane guzare hue ayyam se nafarat hai mujhe **
**apanii bekaar tamannaon pe sharminda huun main **
**apanii besud ummiidon pe nidaamat hai mujhe **
**mere maazii ko andheray men dabaa rahane do **
**meraa maazii merii zillat ke sivaa kuchh bhii nahin **
**merii ummiidon kaa haasil merii kaavish kaa silaa **
**ek benaam aziiyat ke sivaa kuchh bhii nahiin **
**kitanii bekaar ummiidon kaa sahaaraa lekar **
**main ne aiwaan sajaaye they kisii kii Khaatir **
**kitanii berabt tamannaaon k maabham Khaake **
**apane Khwaabon main basaaye the kisii kii Khaatir **
**mujhase ab merii mohabbat ke fasaane na puuchho **
**mujhako kahane do ke main ne unhen chaahaa hii nahin **
**aur vo mast nigaahen jo mujhe bhuul gaiin **
**main ne un mast nigaahon ko saraahaa hii nahin **
**mujhako kahane do ki main aaj bhii jii sakataa huun **
**ishq naakaam sahii zindagii naakaam nahin **
**un ko apanaane kii Khvaahish unhen paane kii talab **
**shauq bekaar sahii sai Gam anjaam nahin **
**vahii gesuu vahii nazar vahii aarid vahii jism **
**main jo chaahuun to mujhe aur bhii mil sakate hain **
**vo kanval jin ko kabhii un kay liye khilanaa tha **
**un kii nazaron se bahut duur bhii khil sakate hain **
rusavai ke dar se ghabaraa kar
ham tark-e-vafaa kab karate hain
jis dil ko basaa lain pahalu main
us dil ko judaa kab karate hain
jo hashr huaa hai laakhon ka
apanaa bhii vahii anjaam sahii
ye husn teraa ye ishq meraa
rangiin to hai bad naam sahi
mujh par to kai ilzaam lage
tujh par bhii koi ilzaam sahii
Thanx Saroo:flower1: