Lafzi Bait Bazi

Arts & Culture Poetry ( Intikhaab & Sho'ra-e-Gupshup)
321

Re: Lafzi Bait Bazi


dard itna kay har rug mai hai mehshar barpa
aur sakoon asa kay mar janay ko jee chahta hai

322

Re: Lafzi Bait Bazi

Mera **dard **kaise wo jaanta meiri baat kaise wo maanta..
wo to khud fana k safar mein tha use rokna bhi mohal tha

323

Re: Lafzi Bait Bazi

Kahan Uss Ne Suni Meri Suni Bhi Un'suni Ker Di
Usay Maloom Tha Itna Mujhe Kuch Aur Kehna Tha

324

Re: Lafzi Bait Bazi

Kuch is ada se yaar ne poocha mera mizaaj
Kehna para ke shukar hai parwardigaar ka

325

Re: Lafzi Bait Bazi

Kissi ko itna na chaho kay phir bhula naa sako
yahan mizaaj badalte hain mausamon ki tarah

326

Re: Lafzi Bait Bazi

Mera mizaaj hi toofaN-pasand tha warna
Sadaayen dete rahe log saahil se mujhe

327

Re: Lafzi Bait Bazi

Sahil pe ja kay dair talak soochtey ho kiaa...
ankhoN main doob janay ka manzar gaya nahin

328

Re: Lafzi Bait Bazi

Zindagi ko be-niyaaz-e-aarzu karna pada
Aah! kin Aankhon se anjaam-e-tamanna dekhte

329

Re: Lafzi Bait Bazi

Ajeeb tarah sey socha hai Zindagi kay liye
k zakhm zakhm pe khilta hon har khushi k liye
woh mujh ko chorr gaya tou yaqeen aayaa!!
koii bhii shakhs zaroori nahin kissi kay liye

330

Re: Lafzi Bait Bazi

Woh mere zabt ka andaaza kar ke aaya tha
Mai hans ke zakhm na khaata to aur kya karta

331

Re: Lafzi Bait Bazi

Aa jaa kay abhi zabtt kaa mausam nahin guzra
aa jaa kay abhi paharon pe barff jammi haii..
khushbo k jazeeron se sitaron ki hadd'on tak
is shehar mein sab kuch hai bas ik tairi kami hai

332

Re: Lafzi Bait Bazi

Hamen khabar hai keh woh aaj raat roye hai
Keh un ke shehar se jhonke hava ke nam aaye hai

333

Re: Lafzi Bait Bazi

Socha nahin acha bura daikha suna kuch b nahin..
maanga khuda se Raat din taire siwa kuch b nahin

334

Re: Lafzi Bait Bazi

Ghalib bura na maan jo waa'z bura kahe
Aisa bhi koi hai keh sab acha kahen jise

335

Re: Lafzi Bait Bazi

Maira aetabar lauta de tu ya kinara kash ho jaa..
Aisa na ho nakhl-e-umeed pe fasl be-aetabar tehre

336

Re: Lafzi Bait Bazi

Tere waade par sitam-gar aur sabar karte
Agar apni zindagi ka hamen aitbar hota

337

Re: Lafzi Bait Bazi

Gham-e-daastan-e-hayaat kay sab hi tazkiray huve raye'gaan
maire Sitamgar taira ye hunar mairi har ada ki shikast hai

338

Re: Lafzi Bait Bazi

Baahar Se Salaamat Hun, Na Andar Se Shikasta
Yaaron Mujhe Jeene Ki **Ada **Kyun Nahi Aai

339

Re: Lafzi Bait Bazi

Jhaan'ka Jo Apne Ander, Tanha Sa Khud Ko Paaya
Dekha Jo Aas Paas Tou Tanha Nahi Tha Main

(Ahmer)

340

Re: Lafzi Bait Bazi

Kaisi tanhaaiyaaN us shakh's ne saunpi haiN mujhe
Mujh se ab koi bhi tanha nahi dekha jaata